ماي لايف الحمدلله على سلامتك ، والولادة تساهيل من عند الله وفعلا الأكل عند دلة افضل بكتير الحبيب اكلهم من دايت سنتر ما بيتاكل امل دلة تمنيت انهم يبيعوا اكلهم على أد ما لذيذ بس النظافة ما لك حق عاد الحبيب ما حدا بيقدر يحكي على نظافتهن وممرضاتهم كمان كويسين بس يمكن طلعتلك شي وحدة ما كويسة

انا لاختي تجربة سيئة معاهم
ولدت وجت تخيط الدكتوره الا جاهم اعلان عن ولادة قيصري ومستعجل ولا كان فيه الا هالدكتوره وخيطت كلام وراحت

والتهابات وثواليل مكان الخياطة وحكه والم كانه طلق ووووو حوووسه واخرتها طلع الخياط منفك
راحت الدكتوره سحر سوت لها ببنج ابرة ظهر عمليه كااامله للخياطة وصار لها اربعينين بدااال واااحد  

بفضل الله اولا اكتب لكم قصة ولادتي بالحبيب الريان

الحمدلله حمدا كثيرا طيبا مباركا فيه ولدت بالسلامه وجبت بنوته دكتورتي كانت فاطمه حسن كانت مره طيبه ونفسها حلوه معي وصبرت علي الين ولدت طبيعي مع انه تعبت وكانوا اهلي خلاص يقولون قيصري وهي قالت بس عطوني شوية وقت وبعدها وعد قيصري

والحمدلله ربي نجاني من القيصري وولدت طبيعي وقلت لها خيطيني خياط حلو قالت ولا يهمك الخياط المني اول يوم بس وعطوني بنج بالفخذ وقالوا لي لاتقومين من السرير لانه يدوخ وصدق نمت نومه عميقه الحمدلله

بالنسبه للممرضات كانوا اكثر من ممتازات خصوصا وحده فيهم كانت روعه حتى زوجي يقول فاهمه بطريقه مذهله الحمدلله بعد الولاده جاني استفراغ لاني شربت مويه على جوع وكان شفت الممرضه منتهي الساعه سبعه ظلت معي الين استقرت حالتي اخرتها ساعه ونص وانتظرت معي مع انه جت وحده ثانيه وشرحت لها حالتي ومع ذلك ماراحت الين فقت وسلمت علي وقالت مع السلامه عسل والله الله يوفقها ويسسر لها امورها ،،، صح نسيت اقول انهم بس عرفوا اني اعرف انقليزي من زوجي قالهم كلموها انقلش مايحتاج عربي صاروا مايتكلمون قدامي عشان مااخاف وماقالوا لي انه اخر محاوله او قيصري ولا كان خفت وماعرفت اكمل بس حسيت انهم خايفات علي وعلى البيبي وعطوني اكسجين قلت ليه قالوا عشان الاكسجين يصير مضبوط طول الوقت وهم قالوا لزوجي الاكسجين بيقل اخر محاوله بعدها قيصري لازم توقع

هذا الشي صراحه ساعدني اني مااخاف لا على نفسي ولا على البيبي وقدرت بفضل من الله اكمل الدفع واولد طبيعي

النظافه مره كويسين لدرجة انهم نظفوا وبعدها بساعه تروشت وطلبت تنظيف للحمام وانتم بكرامه سالوني باستغراب ليه محد مرك ينظف قلت الا بس انا تحممت وابي تنظيف له ثاني وارسلو وحده تنظف مره ثانيه

بالنسبه للاكل يهمه الموعد اللي تبينه لانه جابوه بدري دقيت قلت ماطلبته قالوا نرجعه ومتى مابغيتي اتصلي نجيبه بس ماهو لذيذ الاكل ولا هو شنيع يمشي الحال

هذي تجربتي والحمدلله ربي نجاني من القيصري

ادعوا لبنتي معها صفار ولها موعد ويارب يكون خف اوو اختفي

اي سوال انا جاهزه ارد عليه والله يقومكم بالسلامه حبيباتي

الحمدلله ع سلامتك مشتاقه يمه ومبروك المولده تتربى بعزكم يارب مشكوررره لذكر تجربتك بس انتي اخذتي ابره ظهر ولا بس بالفخذ ؟واي وقت ولدتي وقت دوام الدكتوره ولا اي وقت تجي عادي ؟

ماي لايف مشكوره لذكر تجربتك الولادات تختلف من حمل لحمل والتساهيل بيد رب العالمين الاطباء ماهم الا عامل مساعد ولا ساعه من الغني تغني الله يسهل علينا قادر ياكريم ويقومنا بالسلانه يارب ..

الله يسلمك ياقلبي
ايه اخذت ابرة ظهر بس بعد ما اشتد الطلق حتى الدكتوره اللي مسئوله عن الابره قالت ليش صبرتي لانها وهي تدخلها يجيني طلق وتوقف

اسم الدكتوره نجلاء اذا مو غلطانه مصريه عسل جت تتطمن علي مرتين بعد الابره مااعرف هل هو نظام او لانه مريضة سكر حمل كانوا كل ساعه يحللون لي السكر ويكلمون الدكتوره يقولون لها الابديت

دخلت قبل دوام الدكتوره بس ولدت عصر ولظن كان وقت دوامها بس هي قالت لي اجيلك حتى لو ولدتي بوقت غير دوامي واتفقنا قبل على كذا وقالت ولا يهمك