*أم الإمام* :

ذا سن لايت الله يسلمك و يجزاك خير ، بس توني الله يهون بالشهر السادس كنت كاتبة ولادتي بحملي اللي قبل ، الحين بسم الله عليه ولدي كمل ثلاث سنوات ربي يحفظه ، بنات ممكن تعطوني اسم افضل دكتور أو دكتورة ، تبع عيادة الدكتور بهاء الدين ، طبعا مراجعاتي دائما تكون يوم الاثنين ، و دايم يحطوني عند دكتورة رافعة ضغطي و ماعندها سالفة ، باكستانية أو ماأدري إيش بالضبط جنسيتها ، أعطتني تحويل لدكتورة التغذية علشان السكر و كاتبة بالتحويل هذا حملي الرابع ، و أصلا هذا حملي الثالث الحمدلله ، يعني بصراحة خطأ فادح حتى أخصائية التغذية استغربت و قالت نبهيها في موعدك الجاي ، المشكلة مكتوب كل شيء بملفي الطبي ، يعني معقولة ماانتبهت ، ياخوفي حاست أبو الدنيا و كتبت تقرير بحالتي أنه الحمل الرابع و ماأدري إيش ، و كل ماأسألها عن الولادة عملية او طبيعي ، تقول ليش عملية ، أقول لها عشرين ألف مرة ولدي الأول صار عنده نقص أكسجين أثناء الولادة ووولدي الثاني كانوا بيولدوني طبيعي بس ضعف النبض عنده حبيبي ، فالدكتور على طول حولني لعملية ، و قال أكيد ولدك الأول نقص أكسجين أثناء الولادة ، و مانبيه يتكرر ، وولدوني بعملية و ربي حفظ لي ولدي أنا شايلة هم كل مادخلت شهر و أفكر بجنيني ، اهم شيء سلامته هو ، مايهمني عملية ، صحيح انها متعبة و تعبت في ولادتي اللي قبل ، بس اهم شيء مثل ماقلت جنيني يطلع بصحة و سلامة من غير مشاكل أو تعب ، بس عجزت أفهمها ، كل موعد اقول لها نفس الكلام و ماتعطيني وجه ، رفعت ضغطي و أنا حدي شايلة هم ، فليتكم تعطوني اسم دكتور او دكتورة يفهمون و يعطون وجه ، لازم أبلغهم بكل اللي براسي و أفهمهم أني شايلة هم الجنين يصير فيه شيء ، وهم يقررون ولادتي كيف بتكون . موعدي يوم الاثنين ، ليتكم تعطوني الاسم بسرعة علشان أقول لممرضة الاستقبال تحطني عنده/ها . انتظركم ع احر من الجمر

ذا سن لايت الله يسلمك و يجزاك خير ، بس توني الله يهون بالشهر السادس كنت كاتبة ولادتي بحملي اللي...