ربي يسعدك



الله يجزاك خير ، إيه أكيد بآخذ الأشياء الرئيسية ، بس حلو أنهم مازالوا يوفرون الفوط و الملابس الداخلية ،
ربي يسعدك أفدتيني



ماشاء الله ألف مبروك و الحمدلله على سلامتك ،
هم أشين شيء الطفل يكون عندك ، بس أشوى يساعدونك فيه ، أتذكر بولدي كنت وقت الاكل غذا صاح أدق لهم الجرس و يجون ياخذونه شوي إلين اخلص أكلي ، و حريصين مثل ماقلت على الرضاعة الطبيعية و كل ذا لمصلحتنا و مصلحة أطفالنا ،
الزيارة قبل ثلاث سنوات أتذكر كانوا شديدين و الله ، بس مايهم مادام أنه فيه وقت محدد الحمدلله ،
ربي يجزاك خير ماقصرت .



ربي يجزاك خير ماقصرت ،
الله يسترنا بس و يهون علينا ، بس لاحظت عليهم حرص بالتستير ، يوم عمليتي أتذكر مادخلوا دكتور التخدير إلين جلسوني و غطو ظهري إلا مكان الغبرة ، و بعدها طلع و ركبوا لي القسطرة و ضبطوا وضعي و غطوني و بعدها دخلوا الدكاترة ، و مثل ماقلت ، كان فوق راسي اثنين واحد حق التخدير و الثاني يشوف النبض و التنفس ، الله يسترنا بس وش نسوي مضطرين الحمدلله على كل حال
غيه اكيد بآخذ البنج النصفي جربته قبل و أعجبني ، مع اني ماقدر جربت الكامل بس سمعت كثير يشتكون منه ، النصفي أقل مخاطر و ضرر ، و أحلى شيء فيه انك تكونين واعية و تسمعين صوت طفلك و تضمينه أول ماينظفونه ، لحظة حلوة الله لايحرم اي وحدة منها و يرزق الجميع بالذرية الصالحة .

ربي يسعدك .




لا و الله مو بأبها ، أنا من سكان الخرج ، يعني ولدت بمستشفى الملك خالد بالخرج ، أكرهه من كل قلبي ، حتى زوجي كارههم ، و عندنا المصانع ، عنايتهم أفضل بس مايدخلونه إلا اللي تبع العسكرية و الأشياء اللي زي كذا ، و الحمدلله ربي عوضني بمدينة الملك فهد عناية روعة و اهتمام ، صح مشوار الطريق بس الحمدلله




اها ، لا مو تبع خورشيد كنت بحملي اللي قبل عنده ، بس حملي هذا تبع بهاء الدين سلوت مو خورشيد ، و أبشرك الحمدلله تيسرت أموري ، دخلوني عليه قبل شهر من دون ماأطلب و قرر لي عملية ، و حاليا صرت أدخل على دكتورة ثانية مرة حبوبة و مااحسها كبيرة ، اخلاقها عسل ، مع أنه الموعد اللي راح كانوا بيدخلوني على بهاء الدين بس صارت عنده حالة طارئة ووزعووا الملفات على العيادات الثانية ،
مادامني تطمنت و الحمدلله قرروا لي عملية مايهمني أدخل على مين ، لان خلاص بآخر الثامن ، و ربي ييسر و يهون علي و على كل الحوامل ,


ربي يسعدكم و يجزاكم خير ، و يهون علينا جميع .

السلام عليكم
ابغى اسالكم عن ابرة تكوين الرئة
منى يعطوني اياها ف مستشفى الملك فهد
لان انا عندي موعد عندهم اذا صرت في نهاية السادس بإذن الله وانا قبل كذا سقطت ف الخامس والسادس ودكتورتي اللي ف مستوصف اهلي مركزه علي اروح لهم منبداية السادس واضرب الابره لكن مافيه مجال هذا موعدي انتظره من يوم انا ف الثالث واخاف مايعطوني الابره ينتظروني ادخل السابع اوشي وانا اخاف ربي مايكتب لي ويتم حملي ع خير الى السابع الله لايقدر

^
و عليكم السلام ،
أنا مرتين تابعت عندهم في حملي الثاني وهذا حملي الثالث و ماقد أعطوني إياها ،
مع أنه ولادتي الأولى كانت مبكرة بالثامن و مفاجئة .

أنت إذا خايفة يتكرر نفس الشيء ناقشي الدكتورة فيها و علميها أنك تبينها و لو تجيبين تقرير تسقيطك أفضل ، و هم عاد يقررون .
ربي يتمم عليك و يفرحك بشوفة جنينك و الجميع
ووكلي أمرك لربي ، أنا سبق وولدت مبكرة و الحمل الثاني الحمدلله دخلت التاسع و أخذت منه أسبوعين تقريبا ، و حاليا الحمدلله لي يوم بالتاسع و إن شاء الله ربي يتمم علي أسبوع أو أسبوعين زيادة .

بنات بنات جعل للي ترد علي يفرج ما ويسل عليا ويرزقا ماتتمنى انا لي 20 يوم بالتاسع وبجد ومحتارة وين اولد بالجامع والا مدينه الملك فهد مدري عب العزيز والا العسكري اهم شي حكومي ومضمون ثني ولاده لي الاولى بخاص بالالماني وقيصري علشان كذ ابي طبيعي وزوجي نقيب بالجوازات مدري ايش الحل ول لي ملف بقوى الامن بحاول افتح نفسي الاقي واسطة افتح بالجامعه لكن زوجي مرا ياجل كل شوي ونا قاعده انحرق ردو علي الله يسعدكم والا ارفعو الموضوع واللي بتفيدني وربي لادعيلها دعوه خاصة وسامحوني على التعبير مرا مضغوطة

20 يوم في التاسع مفروض قد قررتي وين تولدين

انت زوجيك تبع قوى الامن ليه ماتولدين عندهم

والله ماعندي فكره عن مدينة الملك فهد لكن سمعت اللي ماتابع معهم يولدونها بفلوس

ولادتي اللي قبل كانت في الشميسي وكانت حلوه الاطباء حلوين بس المره هذي ان شاء الله في المدينه جالسين ندور واسطه لانهم مايقبلون اي حاله بس والله ييسر لك ولادتك ويسرلي حملي وولادتي والجميع

يارب