أهلين وسهلين :

تجربتي في مدينة الملك فهد الطبيه الحمد لله كانت طيبة راجعتهم في الثامن والتاسع بس الانتظار طويــــل عندهم لذلك استغلوا وقتكم بقراءة ماينفعكم كنت مسويه متابعة في مستوصف خاص وطلع عندي في التاسع صديد في البول وصرفت لي الدكتوره مضاد بس مدينة الملك فهد في كل مره اسوي عندهم الفحوصات الدوريه ما اكتشفوا هالشئ الا لما انا قلت لهم وفعلا قالوا صح عنايتهم بشكل عام طيبة وفيه رفق ومرونه ونظافه وبشاشه وتعامل طيب اعطتني الممرضه وقت الطلق كتيب ادعية الافادة في ورد الولاده وايضا مثل ماذكروا البنات البيبي اغلب الوقت يكون عندك وترضعينه بالنسبة للولادة الطبيعي مايخيرونك في مين يولدك فولدني طبيب مع اني كنت رافضة من اول مادخلت غرفة الولادة نبهت عليهم بخصوص هالشيء وجتني طبيبه لكن لما قرب طلعة الراس جابوا لي دكتور ولما اعترضت قال الوضع طاريء علشان نبض الجنين الدكتوره نادت عليه وسوى لي توسيع وخياطة لان الحالة تستدعي لكن ايضا من بكره لما حطوني بغرفه مشتركه مر الصباح دكتور ثاني يتأكد انه مافيه مضاعفات وكان معي نزيف فأكد على الممرضه بالثلج لوقف النزيف وقت الزياره من 6 الى 9 وانا اشوف هالشيء ميزه لان الوالده تكون تعبانه مو فاضيه استقبال هالعالم خصوصا والبيبي اغلب الوقت عندك بالنسبة للغرفة مالقيت الا الي 1200 ريال والحمد لله كانت وافيه بغرض استقبال الضيوف خصوصا اني مو من النوع الي يحب تكون غرفته كوشة اعراس زوجي مادخلوه عندي الا وقت الزياره مثله مثل الناس اما المرافقه فأمي رافقت معي الله يحفظها ويطول عمرها الله ييسر لي اولد فيه المره الجايه ان شاء الله عند دكتوره مخلصه وأمينه وفاهمة وييسر علينا وعلى كل أمهات المسلمين

تجربتي في مدينة الملك فهد الطبيه الحمد لله كانت طيبة راجعتهم في الثامن والتاسع بس الانتظار...