تجمع مرشحات الرس والقصيم حياكم الرحمن

@M"ROSE@ • 13 سنة

عقدتني الاسامي :

تكفون بنات الرس الله يعافيكم اللي راحت تودي الفحص الطبي الاشراف مداومين العصر ولا الصبح بس ؟؟؟؟؟؟ واللي تعرف رقم اشراف الرس تكتبه ضروري ...... ردو لا تطنشون

تكفون بنات الرس الله يعافيكم اللي راحت تودي الفحص الطبي الاشراف مداومين العصر ولا الصبح بس ؟؟؟؟؟؟...

دوامهم صباح وبالنسبه لرقمهم ما يردون عليك انا الاحد اعطيتهم الكشف وقالو لي ليش متاخره لازم تعطينهم باسرع وقت

شقاوه طفلة • 13 سنة

بنات القصيم كيف المطابقه وحده طلع اسمها بالدفعه الاخيره وهي خريجه كليه تربيه لغه عربيه من الرس متخرجه وكاتبه بالبيانات كليه اعداد ابتدائي وترشحت وعندها مطابقه محتاره تعدي المطابقه ولا لا تقول اخوانها يقولون بنقول خطا من عند الكمبوتر عندكم وهي متفاءله وانا بس احطم فيها اقول مستحيل كيف تدرسين ابتدائي فيه ناس احق وش رايكم تجاربكم كلنن تجاوزتن المطابقه وش يصير هناك وكيف يطابقون ابي بالقصيم

مدفونة بالحياة • 13 سنة

اليوم سلمت الكشف للاشراف وسألتهم متى تطلع الاسماء قالوا لي

ماندري تابعي منتدى شؤن المعلمين

نتابع وش ورانا (:

سيريالية • 13 سنة

جزاكم الله خير على الوصف
بنات اختي الحمدلله طابقت أمس ببريدة
وقالت لها الموظفه تابعي؟؟؟؟!!!!
أبغى أسال الخطوة التالية اللي المفروض تسويهاإيش
والمتابعة وين .....دخلت على موقع الوزارة بوابة التكامل
حصلت العبارة(يبدأ فتح نظام حجز المواعيد للتسجيل يوم السبت 19/7/1433هـ وسوف يغلق يوم الاربعاء 23/7/1433هـ مع ملاحظة أن لم يقم بحجز الموعد خلال الفترة المذكورة أو لم يحضر في الموعد المحدد يعتبر منسحبا وسوف يطلب من وزارة الخدمة المدنية التعويض عنه من قوائم الانتظار)
كيف تحجز وهو مانزل سجلها في قاعدة البيانات
ردوا الله يرضى عليكم ويرضيكم

عنيزه • 13 سنة

الحجز حبيبتي للي نزلت اسمائهم ومكان تعينهم يعني تكتب السجل المدني وتشوف اسم المكتب اللي تراجعه وتحدد يوم تروح للمقابله وواضح من التاريخ ان بكره اخر يوم لتحديد يوم للمقابله واللي الحين سوو مطابقه فقط ينتظرون لحد ماتنزل اسمائهم والمنطقه اللي تعينوا فيها بعدين نفس الشي يدخلون تكامل ويختارون يوم مناسب لهم للمقابله اتمني اكون افدتك بالتوفيق