ياجماعه هونوها وتهون احس حايل منطقه جيده افضل من غيرها من ناحية الموقع والعادات وكلها فتره وتعدي باذن الله اكيد فيه تجمعات سكنيه للمعلمات المغتربات نستاجرفيها والنقل
وانا معاكم في القروب

انا كمان من جده وعينوني في حايل ما اعرف فيها احد تخصصي اقتصاد منزلي / ملابس ونسيج مين معي يقولي

انا بعد بحايل جا تعيني
وحايل حلوه واهلها اجتماعين وفيها مراكز ومطار وخدمات
ولكن اللي يقهر ليه يقلبون اللي بالشرق بالشمال واللي بالجنوب بالشرق ويحوسون العالم حوس
كل ذا على شان نبي نتوظف وازوجا وعيالنا وبيوتنا حسبي الله عليهم

لكن انا اقول الحمد لله اسمي طلع وهذي الرزقه اللي ندور عليها جت ولازم نتحمل وغيرنا يتمنا اسمه طلع
الحمد لله يارب

والله بخصوص السكن شئ معروف الاحياء الحلوة والراقية ايجاراتها غالية
والاحياء القديمة وغيرها اقل
عموما الايجار يتراوح بين ال15 الف الى ال25 الف للشقة في المتوسط
والاغلب ب20الى23 الف للسنة وكله مثل ماقلت حسب الحي
والقرى من الاقرب
المسافة بين حايل والقصيم 240 عاد راح اعطيك بعدهم عن حايل وانتي احسبي
ابعد شئ تخاييل 170 سميرا بعد يمكن150 بس اقرب للقصيم من طريق مختصر
السبعان وفيد كل قراهم على طريق القصيم الاجفر والسعيرة والعظيم على القديم
ابعادهم بالترتيب 140و150و180 والعظيم اقرب شئ للقصيم والكهفة بالسريع
الشنان+فيد على طريق القصيم بس اقرب لحايل 90 كيلو
النقل فية شركة متخصصة تنقل والاسعار حسب المسافات من 700 وطالع
المطار اقرب للطريقين لأن مطار حايل وسطها مو بعيد ابد لا على الطريق الدائري
ادارة التعليم النسائية مرة قريبة من المطار مشوار ربع ساعه وانتي عندها



لاتخافين ترا مانأكل احد ههههههههههههههه
الله يرزقك بقرية قريبة يارب



القرى القريبة للمدينة مركز الحايط بكل القرى التابعه له
مررررررة قريب للمدينة واقرب لها من حايل
ام روشن +الرقب اتذكر هالثنتين كل مارحت للمدينة احفظ اسماءهم علشان لا اطلبهم
بعيدااااااااااااات عن حايل مرة بس للمدينة مرة قريبات تقريبا مشوار ساعتين
والحايط نفسها صح نائية شوي بس كثير سكنوا فيها من عندنا
فيها شقق وكل الخدمات الضرورية



وشو الطوالة لا اول مرة اسمع فيها
ماهي تبعنا الظاهر تبعكم يالقصمان :llove:
انا قلت 90 و80 كيلو من حايل
اما من القصيم عددت قبل القرى القريبة لكم
بس ترا فية على القديم وفية على السريع
السعيرة بالقديم منصفة 150 عن حايل وعن القصيم بعد
تخاييل بالسريع بعد قريبة للقصيم تقريبا 150 بس بالسريع طبعا اسهل
سميراء وطقتها يقولون لها طريق مختصر اقرب للقصيم يعني يمكن اقل حتى من 150
بس ماادري عن التفاصيل كثير
اسأل لك اذا تبغين ....



+

بنات لاتخافون حايل صح قراها كثير بس كمنطقة فيها خدمات
شقق مفروشة فية بالهبل كثير مررررررررررررررة
فيها مطاعم فروع لشركات عالمية كثير فيها اسواق بندة وهايبر وبيفتح العثيم قريبا
ومجمعات برضوا فيها سماح سنتر والحديقة مول على وش افتتاح والحسون مول يقولون برمضان
بيفتتح
اهلها عسل ينحبون
بس فيها عيب صعنون مررررررررررررررررة
بالشتاء مووووووووووووت مووووووووووووووووووت برد تتحول الى سيبريا
هذاك البرد اللي يدخل بالعظم البجامات توصل الى 6 احيانا ولا ندفى
دفايتين بالغرفة ومكيف حار ولا كانه فية شئ
بردها يذبح اعطيكم خبر علشان تستعدون نفسيا على الاقل

معليش بسألكم ياللي ماتبون حايل ليه تطلبونه كان طلبتوا المدينه اللي عايشين فيها بس سبحان الله تصيحون تبون الغاء الاقامة ويوم الغت وكل وحده حطت رغباتها تتشرطون صدق رضا الناس غايه لاتدرك انا عن نفسي مستحيل اطلب مدينه بعيدة واتشتت الحمدلله الذي عافانا مما ابتلاكم فيه