تجمع مرشحات هجر الخرج ..تفضــــــــــــــــــــلوا

هلا بالغاليات
انا من شرق الرياض تخصص اقتصاد منزلي ابتدائي وتعينت بهجر الخرج لك الحمد والشكر يارحمن
(وعسى ان تكرهو شيئا وهو خيرا لكم ) ومن خلال منتديات الخرج التعليمية عرفت ان هجر الخرج ثلاث فقط
الشديدة والثليمة والتوضيحية وهالهجر فيها مرحلة ابتدائية فقط ماعدا التوضيحية ابتدائي ومتوسط
وودي كل وحدة صار تعيينها مثلي نتجمع خاصة للي تبي تنقل للخرج وش افضل الاحياء للسكن بالقرب من هالهجر والمدارس عشان عيالنا
لاني اتفقت مع زوجي ننقل للخرج بعد توجيهي للهجرة المرشحة عليها خلال الاسبوع الاول باذن الله وناجر بيتنا بس ماعندي معلومات كافية عن هالهجر واحياء الخرج القريبة منهم وخاصة اللي فيها مدارس للبنات متوسط وثانوي حكومي لان عندي بنت بالمتوسط والكبيرة بالثانوي وانا الحمدلله عندي سائق خاص بس فكرة اروح يوميا من بيتي بالرياض للخرج صعبة لانه حيكون جدا متعب علي وعلى بناتي وبنفس الوقت ماعندي شغالة ولا افكر اجيب ماااااادانيهم وانا حابة استقر بالوظيفة خاصة اني سمعت ان التدريس بالهجر مرررررررريح جدا والدواااام فيها سهالات
ياليت نتجمع وننقاش اخباااار هالهجر والسكن الاقرب للخرج
وياليت اللي ساكن بالخرج يدلنا بمعلومات عنها او يعرف طبيعة اهل هالهجر وكيف مدارسها
واتمنى بعد المنقولات من هالهجر يفيدونا بخبرتهم
بانتظااااااااااااااااااااااااااااااااااااااركم