تجمع مرضى " الذئبة الحمراء " 🦋

السلام عليكم ورحمة الله وبركاته 🌹


بنات حبيباتي نظراً لقلة وجود تجمعات لمرضى الذئبة للاستفادة واخذ الاراء والتجارب والعلاجات وطرق تسهل في الالام والخ .. قررت افتح تجمع بعالم حواء لكثرة المسجلين فيه ماشاءالله .. اتمنى نقدر نجتمع هنا ونفيد بعض اي تجربة لمن عانت من هالمرض او تعرف احد فيه ، بدون ذكر تجارب مخيفة او محبطة نرجوكم ❤️ احنا نحتاج دعمكم ودعاءكم والحمدلله على كل حال ..


انا تشخصت بهالمرض قبل مايقارب سنه ونص اواكثر ، بالبداية كنت مستغربه من الام تجيني بمفاصلي ووتتنقل من مكان لاخر ، صبرت لحد ماشد الالم معي وقررت افحص والنتيجة طلعت ذئبة حمراء ، سافرت للخارج وطلعت نفس تحاليلنا وتشخيصنا الحمدلله عندنا طب ودكاتره نخبه وممتازين .. اخذت كرتزون ووقفوه لي وكملت على بلاكونيل حبتين باليوم .. الغريب ان اول كم شهر مشت اموري بعد ماوقفت الكرتزون والان حتى مع البلاكونيل لي مايقارب ٤ شهور الام متفرقه تتنقل واحيانا تتعبني واضطر اخذ مسكنات تهديء عشان اقدر انام او امارس حياتي طبيعيه ..


اتمنى من اي وحده عندها نفس المرض تفيدنا بكل تفاصيلها واللي ماتعرف تنشر الموضوع ارجوكم انا واللي مثلي نحتاج نستفيد من بعضنا خصوصاً انه قليل جداً تجمعات لهالمرض الاقيها في البحث ..


شكرا والله لا يوريكم مكرووه جميعااً