كوبونات الراقية تسجيل الدخول

كابتشينوا
كابتشينوا •
نجووووود نجووووود :
السلام عليكم هلا بناات انا من اسبوع رحت للمستشفى وسوى لي الدكتور تحاليل وطلعت زينه ورحت اليوم للموعد وقال لي كل شي سليم الحمد لله وصرف لي حبوب الرواكتان 20 جم باليوم وبس ماصرف لي اي شي ثاني معاها وقال اذا حسيتي بجفاف استخدمي الكريم اللي يناسبك انا مركبه لولب وقلت له وقال مو مشكله اللولب مانع للحمل عادي استخدمي الرواكتان مع اللولب وانا خايفه اني احمل لان الحمل على اللولب يكون بنسبة 3% احس ان هالدكتوور دااااااااااااج وفاغر ومايدري وين مسدح راسه وهو الدكتور الوحيد اللي بالمستشفى وانا اراجع بمستشفى حكومي ووزني 67 كيلو وعطاني 20 جم حبة وحدة باليوم شورو علي وش اسوي اكلها الحين ولا انتظر لحد ماتجيني الدوره وبعدين افك اللولب واستخدم معاها حبوب منع حمل اضمن ... ولا استخدمها الحين واتوكل على الله انتظر ردودكم
السلام عليكم هلا بناات انا من اسبوع رحت للمستشفى وسوى لي الدكتور تحاليل وطلعت زينه ورحت اليوم...
اول شي حسبي الله على ذا الدكتور ليه مانبهك ان مع الروكتان لازم وحتما ولابد تستخدمين نوعين من موانع الحمل

يعني عازلين مووووووووووووووووووو واحد

خلي اللولب حلو وروحي طبيبه نساء وقوليلها انك تستخدمي الروكتان وتبغيها تقولك ايش ممكن تستخدمي مانع تاني

لان ممنوع تستخدمي حبوب مع الروكتان
نجووووود
نجووووود •
أسود و أبيض أسود و أبيض :
أختي نجوووود ياقلبي توكلي على الله وكليها ولا تفكين اللولب بس ضروووري تسوين معاه عزل.... والله استحيت أنا مستغربه من دكتورك كل الدكاترة يقولون لازم مانعين ويوقعونك على تعهد بعد والله دكتوري كل ما رحت يقولي تكفيين أنتبهي من الحمل وعلى فكرة أنا زيك مركبة لولب أهم شي اذا رحتي له الشهر الجاي وصارت تحاليلك كويسة بعد 20 غرام قوليله يزيدلك الجرعة عشان تخلصين بسرعة أنا بديت بـ30 وبعدين كملت بـ 50 صح تعبت بس أخلص قبل البنات وأرتاح من رعب الحمل والحمد لله ألحين بشرتي صافيه وبقالي 15 يوم وأخلص الكورس اي نسيت أقولك شيكي على اللولب بأشعة صوتيه عشان تتأكدين أن وضعه تمام ولا تشيلين أوتسحبين شي ثقيل أتمنى أكون أفدتك
أختي نجوووود ياقلبي توكلي على الله وكليها ولا تفكين اللولب بس ضروووري تسوين معاه عزل.... والله...
مشكوووووووووووووره اختي ابيض واسود

بنتظر لحد ماتجيني الدورة وبستخدم حبوب منع حمل وافك اللولب لاني اخاف من الحمل عليه
كابتشينوا
كابتشينوا •
أنتظر فرحة أنتظر فرحة :
هلا بنت العرب بسألك جل هذا ايش اسمه وكم مره تستخدميه في اليوم ؟ اممممم ماسالتيها عن المسام اللي بدأ يبان ابي تصريفه معاه علشان مايرجع مثل أول وكأنك يابو زيد ماغزيت :( أنا الأثار بدت تخف الحمدلله وبدت البشره تصفى والله الحمد ووقفت الحبوب بعد بس مشكلتي الحين على المسام !
هلا بنت العرب بسألك جل هذا ايش اسمه وكم مره تستخدميه في اليوم ؟ اممممم ماسالتيها عن المسام...
لاتخافين حتى انا لما شفت المسام رجعو كبرو واتفتحو بغيت اصيح <<<موب قايله صاحت خخ

بس بعديت رجعو اتسكرو من جديد
كابتشينوا
كابتشينوا •
كابتشينوا كابتشينوا :
لاتخافين حتى انا لما شفت المسام رجعو كبرو واتفتحو بغيت اصيح &lt;&lt;&lt;موب قايله صاحت خخ بس بعديت رجعو اتسكرو من جديد
لاتخافين حتى انا لما شفت المسام رجعو كبرو واتفتحو بغيت اصيح &lt;&lt;&lt;موب قايله صاحت خخ بس...
بنات الي يسالو عن حبوب ابر التبيض اقرؤا التالي

ابر وحبوب الجلوتاثيون

الجلوتاثيون هو مادة يفرزها الكبد وهو مركب يصنف من الببتدات الثلاثية، وينتجها الجسم من ثلاثة أحماض أمينية، هي السيستين، وحمض الجلوتاميك، والجلايسين، ولعلاقته بتلك الأحماض الأمينية فقد صنف على أنه حمض أميني. وهذا المركب مضاد قوي للأكسدة ينتجه الكبد، وأكبر مخازن لهذا المركب هو الكبد حيث يقوم بإزالة سمية المركبات الضارة حتى يمكن التخلص منها عن طريق الصفراء، ويتم إطلاق بعض من الجلوتاثيون من الكبد إلى مجرى الدم مباشرة حيث يساعد على المحافظة على سلامة خلايا الدم الحمراء، وحماية خلايا الدم البيضاء. وكلما تقدم الإنسان في السن انخفضت مستويات الجلوتاثيون وله تأثير مضاد للشيخوخة وأمراض نقص التناسق الحركي والاضطرابات العقلية والارتعاشات وصعوبة المحافظة على التوازن.

وقد وجد أن من الأعراض الجانبية للجلوتاثيون تبييض الجسم ولأن هذا ضرر جانبي فيمكن أن يتطور هذا البياض إلى سرطان لا سمح الله، وقد اتخذ ضعفاء النفوس الذين دوماً يسعون إلى الكسب المادي غير المشروع من دون النظر ماذا سيسببه هذا المركب من أضرار خطيرة بعد عملية التبييض فقد قاموا بترويج هذا المركب للفتيات اللاتي يرغبن في تغيير لون بشرتهن، ولذلك أنصح الفتيات بعدم استخدام هذا المركب للتبييض،


تحذير من تداول ابر تؤخذ عن طريق الوريد تدعي قدرتها على تبييض البشرة لدى النساء ويروج لها عبر المنتديات وبعض الوسائل الإعلامية الأخرى
و هذه الإبر يتم تداولها بين السيدات بمسمى ابر المشيمة أو البلاسنتا وهي غير مرخصة من قبل وزارة الصحة وممنوعة على جميع صورها سواء الموضعية أو الداخلية وتدخل المملكة بطرق غير معروفة وجميع محتويات هذه الإبرة مجهولة المركبات وتحوي عناصر غير معروفة لدى المختصين.
وهنا يجب التنويه بأنه لا يوجد أي دراسات تثبت سلامة وفعالية هذه المواد.
ايضا هناك ابر اخرى بمسميات اخرى يدعى مروجيها انها تفتح البشره وهذا كلام خالى من الصحه


الدكتور خالد عبد الوهاب دكتور جلديه بالرياض
أنتظر فرحة
أنتظر فرحة •
مرحبا بنات

اليوم كان عندي موعد ,,لأن غيرت دكتورتي لأنها سافرت وباقي لي شهر ونص تقريبا :(

المهم رحت عند دكتوره شهلا ,,احد يعرفها او تعالج عندها ؟!

زادت لي الجرعه يابنات صار 50 أكلها لمدة 3 اسابيع وبعدين اسبوعين اكل 40 وبعد اسبوعين تصير 20 يعني على 6شهور يخلص كل شي

سألتها مو كثير علي هالجرعات ,قالت صحيح يقاس على الوزن لكن يعتمد بعد على استجابة البشره

وهو فعلا هذا اللي لاحظته فيني استجابة بشرتي للعلاج بطيئه والدليل الحبوب ماوقفت عندي الا بعد نهاية الشهر الرابع ودخولي الخامس

وعطتني كريم اسمه الحبوب الحمرا عشان ادهن مكان الحبه اللي تصير متكيسه وتكون تحت الجلد استخدمه 5 مرات يوميا لمدة 5 ايام بس .وربي قهر العلاج كثير وسعره 90 ريال يااااربي تعين اهلي مصاريف زاادت الله يسرها علي :icon33:


وعطتني كريم للظهر للأثار اللي فيني ...وصابونه ثانيه اسمها لينو اذا صح علي مابعد شريتها

امممممممم
قالت بسوي لك تقشير بارد بعد الكورس جلسه وحده احد سمع عنه الجلسه 1500 والكريم اللي تستخدمينه 700

من خلال بحثي بالنت على اللي تعالجوا عندها .....في احد استخدم هالتقشير لو اسويه بعدين يعني بالعربي اذا صار عندي مهر :icon28:


ولا قالت بعد احتمال اسوي ليزر !! هينا انا قفلت !!

بشرتي مو إلى هالدرجه بس اللي مضايقني الأثار الحمرا :icon33:

قالت بعد شهرين اشوفك وان شاء الله يروح كل شي ولا احتاج للتقشير ولا غيره اخاف أجازف بببشرتي


ادعولي بنات ان ربي يخلصني من هالكورس والا بشرتي صافيه ..

تدرون وش اكثر شي بيضايقني أني دفعت اهلي هالمبالغ كلها وفي الأخير ماتطلع النتيجه مرضيه ...ويقولون هذا اللي كنتي تبينه

لأن ماتعالجت الا بعد اصرار مني ولا هم رافضين فكرة المعالجه لأنهم يوقولون كل شي بيروح لاتستعجلين على العلاج :44:



اللهم لاتجعل اكبر همي الدنيا وأجعل اكبر همي الآخرة