عندي اسئلة كثيره
من قبل سنتين اتعرفت على البرنامج ومنعت من ابني الشاشات تماما وطبقت المرحلة الاولى وكان عمره قريب الخمس سنوات وتحمست وشديت لابعد الحدود
كانت النتائج مذهله .. ابني صار ينام وصار ياكل وبطل ضرب وشتات وتواصله البصري صار افضل ...
كنت ما احلم بهذا حتى
لكن والده ماكان متعاون معي ابدا ومو مستوعب ايش معنى ممنوع اضواء واصوات الكترونيه ويطلعنا الحدايق ويتركنا لليل ويشغل صوت الجوال بالبيت على العالي ومن هذا القبيل ...
وكل ما امسك البرنامج المعوقات لاتنتهي احبط واعيد من جديد والولد ينتكس ..
حتى انهرت ... تخيلي تعبك كله وجهدك بلحظة يروح ... تركت البرنامج لسنه لكن بلا عوده للشاشات ابدا ..
الان أعود من جديد بعد عمل انتفاضه في البيت لاجل ابني 😁😅
والحمدلله طبقت المرحله الاولى بشكل افضل وبتمكن اكثر وبمتعه وتناغم اكثر لكن كأنه فات الاوان يااختي نيسان 😔😔😪
عمر صار عمره الان قريب ال7 سنوات .. لمن بدات اطبق البرنامج تفاعل معي ..لكن قبل تطبيق البرنامج في اخر مره كان نومه جيد من اول ما احطه بالفراش ينام ..والان مع البرنامج يجلس في الفراش قرابة ثلاثة ساعات لاينام ويصحى من الفجر 😓😪
وحتى لو تركته صاحي لوقت النوم بالليل يجلس في الفراش ماينام !!!
والله هذا الامر جدا مستغربته ليش ومافي شاشات والاحضان شغاله والضحك والنزهه .. كله تمام طيب فين الخلل !!!!
الامر الثاني الي ظهر لي واستغربته جدا الحركات الهستيريه الي زادت عنده مع تطبيق المرحله الاولى الضحك والنط والأذى الغريب في المنزل يفتح الادراج ويطلع منها الاشياء ويرميها مكياجي عليه السلام
اشياء خواته كلها تتكسر .. البيت مكركب بشكل منه يكب السوائل والبهارات يسفحها في الارض .... الخ
وانا ما اقاومه مثل ماقالت ريمه واقله بهدوء لا غلط وساعات اسوي نفسي ببكي ....
قلت بعد تدريبات السلوك ببطل اذى وتخريب والحركات التكرارية بتنتهي مثل ماقالت ريما وبتبقى بشكل خفيف لكن للاسف هذا كله ماراح !!!!!ولا اعلم وين السبب !!
الامر الثالث اني ما اشعر بالتعلق الكبير فيني .. يعني اصبح يبحث عني لو ذهبت .. لكن لايقدم ولايؤخر شئ .. اصبح لاينام الا معي ويضع رجله علي حتى لا اغادر فراشه .. لكن لايستقبلني عند المجئ ...
بالمقابل الحمدلله انتهت عنده معاناة الاخراج التي كانت كالولاده المتعسره يقطع القلب
وزاد تواصله وتلبيته للنداء واصبح يناغي كثيرا علما انه غير ناطق نهائيا واصبح ينفخ الشمعه بعد ان كان لايستجيب نهائي للنفخ ...


اتمنى اجد عندك اجابات شافيه يانيسان
اختك تعبت وزوجي ينتظر بفارغ الصبر متى ينتهي هالحصار وياحبه للطلعات بالليل وعدم القيود مثله مثل كل هالناس .. وصرت انا النكدية والي معيشة الاسره بحالة استنفار دائم
فلمن تصير مثل هالحركات من ابني كلهم ينظرون لي على ان هذا البرنامج شكله غير صالح له وانا مقتنعة تماما فيه
ياترى هل صراخي على اخوانه او صراخ الاخوان امامه على بعضهم وعراكهم مع بعض هو سبب الانتكاسة الي هو فيها !!!@@

لو كنت مشغوله اوجائني ظرف وخليت اخته تعمله التدريبات مره من بين الخمس مرات في اليوم يخليه متزعزع او يبعده عن التعلق ؟؟
انا قلت احسن ما انقص عدد التدريبات عن 5 مرات
وكذلك لو اخوه راح فيه للنزهه هل لازم انا الي اخذه دائما؟؟؟
وأتفاعل معه في النزهه ولا عادي لو اتركه يلعب بنفسه بالالعاب واجلس أتفرج عليه ؟؟؟


من كثر ما عدت المرحله الاولى وطولت فيها طفششششش من التدريبات وهو بشكل عام ملول

اهلا فيكي حبيبتي واسال الله ان يمن عليك بشفاء عمر❤️


انا اتكلم عن البرنامج بواقع تجربتي وتجارب قرات عنها
واتمنى لو اقدر اجاوبك على كل اسئلتك
بالنسبه للنوم لا اعرف ما السبب ولكن حاولي انه ما ياخذ غفوات طول اليوم وحاولي يشارك في نشاطات وحركات كثير عشان يكون بالليل مرهق وينام


بالنسبه للحركات اللي تزايدت بعد التطبيق
هو احدا سببين
اما انك تطبقين بدون متعه وتجبرينه وهو يقاومك لهذا السبب


أو انك ماشيه صح ولكن الاخصائيه ريما تقول انهم في بداية التطبيق تظهر لهم سلوك انسحابي يعني تظهر او تزيد عندهم الحركات التكراريه


اعرفي ايش السبب من هذي السببين وعالجيه وباذن الله يتشافى


بالنسبه للتطبيق ثم التوقف لا انصحك فيه خليك مستمره مهما كانت الظروف عشان ما بتأثر الولد
بالنسبه للعمر لا تخافين
لازال ينفع الى ٩ سنوات لكن ثااابري
كل ما كبر كلما كان اصعب


وانصحك لا توسوسين للاصوات والانتكاسات توكلي على الله
ما تصير انتكاسه الا اذا تعرض للاصوات بشكل كبير
يعني اذا كانت لحظات باذن الله ما تأثر


انا بنتي لم امنع عنها الاصوات وبفضل ربي استفادت ولم ارى عليها انتكاسات ولله الفضل والمنه
ولكن اذا كنتي حابه تتقيدين بكل الشروط فلا عليك اهم شي اول ما يسمع اصوات تحاولين تشغلينه عنها وتطلبين من اللي مسغل الصوت يخففه او يروح مكان ثاني
توكلي على الله ولا تركزين على العقبات الصغيره

التدريبات الافضل تكونين انتي اللي تطبقينها


بالنسبه للنزهه مو مشكله ابوه اخوه اخته يساعدونك
النزهه الهدف منها يكتشف الطبيعه ويميز الاصوات والاشياء الطبيعيه
نتكلم معاه بس نعطيه مجال يستكشف

الله يجزيك الخير
ياترى ابني من النوعية الصعبه بطبيعته .. النزهه مايتفاعل فيها ولايريد يشوف القطط ولا العصافير مهما حاولت معه والمسه الشجر بالغصب ... وصرنا لمن نروح يطفش .. و يوقف بس ..حتى لو اخوانه معه ..
يعني اكون مستنفره بالنزهه حتى احركه وأخليه يلعب لكن بعد جهد وتعب مني ارجع مجهده .. واحاول أغير الحدايق حتى يتفاعل اكثر
هل ياترى كل هذا لاني قطعت عنه البرنامج لفترة؟


وبالنسبة لبنتك اللهم بارك .. ممكن معها عدم الدقة لانها صغيره
بس ابني مع كل هالدقه وأحسه مو مزبوط اصلح من طرف يطلع لي انتكاسة جديده وأطوار جديده .. يمكن لأني تركت البرنامج لفتره وابني موصغير


لو احد عنده توجيهات او شاف في بكلامي خلل يخبرني وبوجهني لأني والله احترت وتعبت من كثرة تخريب ابني وأطواره المتقلبة