nouf208 :

يعطيكم العافيه هل هالصفات هذي توحد او طيف توحد اذا كان طفل عمره ٣ سنوات نناديه ومايتجاوب معانا ولايلتفت ويمشي ع طرف اصابعه ولايتكلم ولايقول ماما ولابابا واذا بغى شي ما ياشر ولايطلب بس يضل يبكي والحمام يرفض يدخله لازم بكى وصياح وللان عالحفاضه والرضاعه وحركي كثيييير ومايعرف المخاطر يعني لو يشوف احد يشرب شاي يسحب الكوب منه وهو حااار ويشربه وعادي مايحس بحرارته من زود حركته الزايده واذا رحنا زياره عند احد يتضايقون منه لان يفتح كل الدواليب والدروج ويطلع كل شي والمطبخ يطلع كل اللي بالدواليب ويكسر واذا شاف شنطه لازم يفتحها ويطلع اللي فيها يحب يلعب بالسكن واذا شاف كاس او صحن زجاج يرميه ع الارض بقوه لين ينكسر يحب يلعب بالماي يجيب ماي من الثلاجه ويسكبه ع الارض وع الكنب واخته عمرها سنه دائما يضربها ويرميها من السرير ومن ع الكنب ويخاف من صوت الخلاط والمكنسه وعنده حركات تكراريه دوران حول نفسه او اذا احد واقف يدور حواليه او ينسدح ع الارض ويحط رجوله ع طاوله او ع الباب ويضرب الباب او الطاوله برجوله لفتره طوووويله لمن اقوله عيب هالشي غلط ماكأني اكلمه ويضل مستمر في هالحركه ومن بعد عناااء شديد وحنا نحاول نعلمه الارقام صار يعد من ال١ الى ٧ بس لمن يكون لوحده نسمعه مايعد جنبنا ولمن يشوف الشاي يقول شاء شاء شاء بشكل تكراري وبعد متعلق في بعض الاشياء مثل الملاعق والاقلام وفرش الاسنان بيعشقهم لو يشوفهم بيد احد يسحبهم ويهرب بسرعه واذا بناخذهم منه مانقدر يمسكهم بقوه و يبكي واذا احد ضربه او انجرح او طاح من مكان مايبكي ولا شيييييييي وبالنسبه للنوم يصحى الصباح ١٠ او ١١ بس من يصحى ماينام الا الفجر الساعه ٣ او ٥ نومه قليل بس يضل طووول اليوم نشيط وحركي ومايدوخ والالعاب مايلعب فيهم يحطهم في فمه ويعضضهم او ياخذهم ويرميهم ع الارض ويرفعهم ويرميهم وهكذا..بس لعبة المكعبات يحبها ويصففهم بس مش دائما يعطيكم العافيه من اي درجه التوحد تقريبا يعتبر بدايه او متاخر واسفه اذا طولت عليكم

يعطيكم العافيه هل هالصفات هذي توحد او طيف توحد اذا كان طفل عمره ٣ سنوات نناديه ومايتجاوب معانا...

الحمدلله....) :

هلا نيسان وحشتتينى حيل والله اني لمى اشوف مشاركتك انبسط عسى ربي مايحرمنا منك ابغى اقولك يانيسان ولله الحمد ان بنتي تغيرت 180درجه وكانه فعلن حلم بس كل شي يبغى صبر صارت معانا تفهم بتعابير الوجهه والاشاره وصارت حركاتها اهداء بس حابه للاخوات الي معانا اقولهم اهدء مش معناته مايتحرك لا يلعب ويناقز ويخرب ويفتش بس بشكل طبيعي مقبول اول كان بشكل مخيف حتى الي داخل الدروج تطلع الحين الحمدلله سارت الحياه اسهل بكثير اشياء كثير يانيسان تخيلي صارت اذا وسخت بلارض تجيب المكنس وتشيله واذا كبت شي بلاارض تجيب الممسحه والتمسحه وساعات من غير مااشوف تركض عشان مااخاصمها😹اشياء كثيره صارت حلوه وتفاصيل بسيطه كانت ماهي موجوده صارت موجوده مثلا انا دخلتها قبل البرنامج مركز كانت فيه سبع شهور كل يوم يعلمونها كيف ترسم خط بس خط ولا عرفت الحين صارت تمسك الالون ومو بس ترسم خط خطوط وشخابيط بدل ماكانت تاكلهم احداث وقصص كثيره بس صعب اني اكتبها بس انا حبيت اقولك عشان افرحك وعشان الاخوات يتحمسون وبنسبه للحركات النمطيه اكيد الحين احسن بس بقولك ان بنتي استبدلت الرفرفه بتصفيق ومع ذالك بكمل وكلي امل وايمان بلله انها بتعافى شفى تام بس حابه اقول للاخوات ان لتحسبو ان لمى تنهو البرنامج ان ولدك بيكون مثل عمره الزمني بلمحت بصبر راح يتخلص من التوحد وسماته اول بعدين راح يلحق الي بعمره بااذن الله عند اكتساب خبرات من الدنيا وحابه اقول يانيسان معلومه او وجهه راي حسيت بتجربتي والبحث المتواضع الي سويته ان الي تقطع الاصوات بشكل مخيف حتى الجرس اطفالهم يتعرضون لانتكاسات مع الوقت بس الي تقطع الشاشات والجوال هم مايتعرضون لانتكاسات صحيح ممكن يطول بحركاته التكراريه مثلي بس مو مشكله راح نتخلص منها وحده وحده ولا اني اعرض بنتي لانتكاسه ترجعني لورى هذا مجرد راي وكل وحده حره وشكرا

هلا نيسان وحشتتينى حيل والله اني لمى اشوف مشاركتك انبسط عسى ربي مايحرمنا منك ابغى اقولك يانيسان...

الحمدلله....) :

وحابه اقولك يانيسان بنسبه للكلام بنتي تعد لين الخمسه وتقول الحروف من الالف للدال بمساعده اكيد وكلام ساعات مو واضح وتقول ابغى وماابغى وتقول لا يعني بدءت الحمدلله بعد ماكانت ماتنطق ولا كلمه وتنشد بعض الانشيد الي نقولها بلبيت وللصريخ الحمدلله راح والضحك الهستيري كمان راح والعصبيه ووووو نسيت😸 لله الحمد من قبل ومن بعد لله الحمد حمدا كثيرا يليق بجلال وجهه وعظيم سلطانه

وحابه اقولك يانيسان بنسبه للكلام بنتي تعد لين الخمسه وتقول الحروف من الالف للدال بمساعده اكيد...

نيسان .. :

ي حبيبتي هذا توحد و فرط حركه وتشتت انتباه لا تخافين كوييييييس انه لسى صغير ثلاث سنوات باذن الله يستجيب للعلاج ويتحسن بس اماااااانه ابدي معاه من اليوم نصيحه من اخت لاختها لا تهنلين ولا يوم وباذن الله كل هذي الاعراض تتحسن يمكن تحتاجين ست شهور ويمكن اكثر لكن اصبرررررري عذاب سنه ولا عذاب العمر كله ابدي في البرنامج واي سؤال لا تترددين

ي حبيبتي هذا توحد و فرط حركه وتشتت انتباه لا تخافين كوييييييس انه لسى صغير ثلاث سنوات...