بسم الله الرحمن الرحيم
راح اذكر تجربتي مع بنتي بالتفصيل
ماشاء الله تبارك الله
البدايه من لما صار عمرها سنه
بديت اقارنها مع اللي ف عمرها والاحظها غييير
ماهي اجتماعيه وماتطالع بعيون احد
وبعد جلست ابحث ف النت لين لقيت ان الاعراض اللي عندها توحد
واكتشفت فيها اعراض ما كنت اعرف انها تدل ع التوحد
مثل رفرفة اليد
وانها ما تعرف تقول باي باي بشكل سليم
ما تتصورون الحزن و الصدمة اللي كنت فيها
لكن ربي اكرمني باكتشاف السبب الحقيقي مبكر
المهم بحثت بحثت لين اكتشفت ان التلفزيون وخصووووصا قنوات الاناشيد هي السبب
واكثر شي اثبت لي اني شفت فيديو للدكتور مصطفى ابو السعد يقول اللي تابع كراميش وطيور الجنه ليس توحدي وسيشفى باذن الله
الله يسعد الدكتور كيف بث كلامه الامل في قلبي من بعد الله سبحانه
ربي رحمني واكرمني ودلني ع السبب من قبل ما ادخل دوامة الادويه و المهلوسات
وقطعت التلفزيون نهاااااائيا
تدرون وش صاار
اسبوع واحد بس من قطع التلفزيون تحسنت بشكل ملحووووظ
يمكن لانها صغيره
او تحسن انها صارت تستجيب لاسمها
وتتفاعل معنا اكثر
بعدين جلست ابحث عن علاج
وبحثت في المواقع الاجنبيه
لين لقيت برنامج اسمه ( سن رايز)
وشفت فيديوهات لاطفال تشااافو تماما منه
هنا تحمست اكثر
وجربت معاها البرنامج هذا
ونتايجه راااائعة لكن بطيئة شوي
والمشكله الثانيه اني ما اعرف كل مراحل العلاج
فكرة البرنامج ايش هي:
( انك تتقبلين طفلك كماااا هو)
وتدخلين معاه لعالمه عشان تسحبينه معك لعالمنا
كييييف؟؟ راح تستغربون
انك تقلدينه...
اي شي يسويه قلديه
خصوووووصا حركاته التكراريه
بنات ما تتصورون كيف كانت بنتي تستانس لما اقلدها وترجع تعيد عشان اقلدها
هم كذا ايش يتعلمون
يتعلمون وش يعني تقليد
يشوفونك تقلدينهم فيصير عندهم فضول يقلدووونك
بنتي بعد تطبيق البرنامج هذا(سن رايز) لمدة شهر
صارت طفله اهدأ
اختفت السلوكيات التكراريه بنسبة80٪‏
صارت طفله سعيده ماشاء الله
بس لازالت لا تقلدنا ولا تتواصل مع احد
فاضطريت ابحث عن شي جديد
سجلت هنا ف المنتدى وجلست اسأل عن علاج للتوحد
ردت علي العضوه ام النور و النوير
ربي يسعدها ف كل لحضه ف حياتها
ودلتني ع برنامج اندلسيه دودي
ما اخفيكم اني استهزأت بالتمارين وقلت وش السخافه ذي
بس تذكرت اني استهزأت في برنامج سن رايز ومع ذلك نجح معاي ولله الحمد
بنات احس اللي خلا المرحله الاولى تثمر معاي
هو اني ما بديت فيها الا بعد ما تخلصت من مشاكل كثير
يعني بديت في المرحله الاولى وبنتي تتواصل معاي بالعين وتحب تجلس في حضني وسلوكياتها التكراريه قليله
وصارت هاديه اكثر
عشان كذا كانت نتايج المرحلة الاولى قويه معاي
لي عودة عشان اتكلم عن المرحله الاولى لاني تعبت من الكتابه
ياليت تجربون طريقة سن رايز لو لمدة اسبوعين او شهر
وشوفوا النتايج كيف
وبعدها طبقوا البرنامج
هذا بالنسبه للي اطفالهم عندهم توحد شديد
اللي خفيف عادي يبدون في اندلسيه دودي ع طووول لانه مفيد جدا والحمد لله

ميزة برنامج سن رايز
انه ماله عمر محدد
شفت لهم فيديو يطبقونه مع ولد عمره16 واستجاااب للعلاج سبحان الله
يعني انتوا يا اللي عيالكم صارو كبار
اقترح عليكم تطبقونه فتره قبل ما اطبقون اندلسيه دودي
واي استفسار انا حاضره

الغويلي وينك مختفيه اليوم






عسى المانع خير يااارب




ميليدا
وجو ممطر
وام الوليد
ايش رايكم قبل ما تبدأو في برنامج اندلسيه دودي تطبقون برنامج سن رايز فتره؟؟


انا واثقه انه راح ينفع معاكم

مشكورة الله يعطيك العافية

شكلك مو مقتنعه ف البرامج صح؟


انا احكي لك تجربه
مو كلام
ياليت تثقين

والبرامج هذي اذا ما نفعته ما راح تضره