هلابك ي قلبي
نفسس بنتي بالضبط وعادي الانتكاسات بس ماتعصبي عليه فهميه انو غلط وليييش هيناا مو بالحماام بحب ومداعبه موب صراخ وزعاق لااازم الصبر والمتعه والله يعين
انا اتقنت اغلب التدريبات الا الكور او رمي بلونات او العاب رافضه ترد وراي حرف وان شاء الله خير
ومثل ابنك تقلد اصوات حيوانات وتعرفهم وتعرف الانفعالات وتعد اعداد عربي انجليزي وحروف انجليزي والوان عربي انقليزي وتعرف الحيوانات مو بس تقلد اصواتهم
الحين بدت تعرفني اذا قلت وين ماما التفتت علي كمان اذا ناديتها التفتت علي
وان شاااء الله خير
كمان الشهيه زااانت ٩٠ ٪ الحمد لله
باقي الفاكهه وخضار السلطه النية يعني
بس مو مشكله مع الايام ان شاء الله
والله ييسر ويكتب اجرنا

مرحباً
سبب اشتراكي لهاذا المنتدى هو هاذا التجمع للأمانة .. فعلاً لدي طفل عمرة الان سنتين حسيت انو تغير فجاة من التلفاز وقنوات الأطفال. ... بدأت من حوالي شهر في مشواري لتشخيصه والى الان لأعرف شيء ولكن فعلا ولدي فيه سمات توحد. ..بدأت ٤ جلسات مع اخصائية لم اجد فائدة الا الان ..
أعجبت بأندلسية لان فعلا انو الأم هي علاج ولدها بنفسها ولها دور كبير للأمانة الغالب الا من رحم ربي يبغو ياخذو فلوس استغلالين ...


بس ماادري هل يوجد حميه معينه للأكل انا ولدي لسا يرضع الرضاعه ومتعلق فيها. مررررره الشئ اللي مالقيت له اجابه ...
ياليت تساعدوني انا من جد تائه هل فعلاً اقدر الحق ع الولد واعالجة...
لي الفخر ان أكون ضمن امهات مكافحات مثلكم والله يشفي اولادنا جميعاً

مرحبا أختي توكلي على الله وابدأي اندلسية والله يجيب الشفاء من عنده. انا من تجربتي بدأت مع ابني سنتين ونصف وما انتظرت التشخيص لانه كان واضح لي بعد القراءة على الانترنت. أول ما بدأت قللت عدد ساعات التلفاز حتى نحو الساعة وبدأ معه حمية الكازين الجلوتين بعد ما قرأت عنها على الإنترنت. قررت أجربها شهر. بالاول حسيت انه الشهية زادات والانتباه زاد وكنت فرحانة بالنتيجة ولكن بداخلي كنت احس بالذنب لاني امنع عنه الحليب. وبعد كام اسبوع ما حسيت بتحسن بل عاد كما كان واطن ان التحسن الاول كان نتيجة اني بدات اهتم فيه والعب معه واخفف التلفاز. بعدين قرات عن اندلسية واقتنعت فيه ومنعت التلفاز نهائي واشتغلت معه باللعب والاهتمام وبدأ التغير الملحوظ ولله الحمد بعد تطبيق المرحلة الاولى في الشهية والانتباه والاستجابة وبعد انتقلت للمرحلة الثانية ومازلت اعمل على زيادة التنبيه البصري والسمعي والادراك والحمد لله خير. بعد المرحلة الاولى حسيته صار قابل للتعلم احيانا احسه طفل طبيعي واحيان اخرى تعاوده كل السلوكيات. الامر يحتاج صبر ومتابعة واصرار. المهم اختي ابدئي انشاء الله وسوف تلاحظين التحسن والفارق والاطفال مختلفين يعني في يستجيبون اسرع من اخرين. والله يوفقك وتبشرينا بالنتائج انشاء الله

الله يسعدك على ردك لي ...



انا إلى الآن مو مقتنعه اقطع الحليب عنه معور قلبي احسة بيهلك ويزعل كثير ...بعدين معاه إسهال وانتي بكرامة ..،
كم عمر ولدك الآن وكم لك ع البرنامج ؟

السلام عليكم
اهلا وسهلا واخيرا تفاعلتو الله يسعدكم
بصراحه كلمة حق اقووولها لكل ام لديها طفل توحد او طيف او عاداة سلوكسة خاطئة من الاستخدام الغير عادل للالكترونيات اي شكل كانت..
انا بديت ببرنامج اندلوسية وانولدت بنتي بفضل الله سبحانه ثم البرنامج من جديد واصبح لها حس في البيت وحركة وحيوية والشهية زادت والنوم تعدل والتفاعل البصري والحسس والاداركي زاد بفضله ومنته.. وبعدها بديت رحلة العلاح في المراكز لي شهر تقريبا مازااادنا الا تعب وكرف وكلهم اقسمبالله نفس كلاام برنامج اندلوسية حتى الاخصائية الاجتماعية قالت لي ي كنتي مدخلتها مركز او مطبقة برنامج اندلوسية لاني انصح الامهات به تخيلووو
سبحان الله جا المنع من ابوها وقال مافي مركز البنت مافيها شي..
حمدت ربي وشكرته اني ماقصرت ووديتها للمركز عشان ابري ذمتي.. والان برجع اكمل المرحلة الثانية باقي لنا الكور مارضت ترميها وشكلي بتخطى هالتدريب وابدى بالثالثه علما باني التحقت بالتحفيظ انا وبناتي والصغيرة ولله الحمد والمعلمة تثني عليها ف الانضباط في الصف والجلوس على الكرسي واطاعة الاوامر والتعليمات مثل المنزل الله يجزاها خير اندلوسية ويجعله في ميزان حسناتنا.. صحيح انيتضايقت وزعلت من رفض ابوها بس كله خيرة وفس مصلحتها بحول الله وقوته..