بناااات كفيتوا ووفيتوا والله يعطينا على قد نيتنا ..
والمفروض مدام انو اللي قدامنا مسلم نتعامل معه التعامل اللي يرضي ربنا علينا بغض النظر عن مدينته وقبيلته ووو............

كل عام وانتم بخير و صحة وسلامة
الله يعيده علينا و على اهلنا و على المسليمين بالعز و النصر و السلامة والتوفيق يارب العالمين

كنت داخله ابوسع صدري بعد ما سلمت واجبين .. عيد ما تعيدت ولا حسيت فيه اصلا
مادري يابنات كل ما شفت احد يشتكي من السعوديات و تعامليهم اعرف انه طيب و قلبه ابيض لان معليش مرض الكبر و التعنفص مادري وش عليه الله يخلف ..
من اول ما جيت هنا وانا شعاري غربة و اخوان و نتساعد و للاسف الشديد انا لقيتي بنات مادري وش اقول غير ربي حسيبهم مريضات مرض ماهو طبيعي اللهم لا شماته .. قائدتهم الى الرجال فتنت بينهم و خربت علاقات الناس ببيعض الا اللي هي مشتهيته .. شلتها من كل منطقة بالسعودية عشان لا تقولون المناطق وما المناطق قسم بالله سبحان الله جمعهم طينتهم وحده على ان كل وحده من جهه ..
حال الناس هنا غريب اذا يبي منك مصلحة يا هلابك و اذا انتهت المصالحة سحب عليك !!! ليه طيب
والا اذا اشتغلت الغيرة من كاس شاريته من ريجكت و الا طلعة لمطعم او حتى سينما !!!
و غيره الكثير .. و انتهي بي الحال اني اذا شفت سعودية اصد او اقول السلام عليكم من شئ شفته .. لي صديقات معدودات على اليد ..
بكذا ارتحت بلا تعارف و بلا بطيخ .. بلا قرف
يكفينا اهلنا و صديقاتنا بالسعودية
الودي ودي اني اتعرف على البنات اللي هنا بالمنتدى لاني فعلا حبيتهم .

برب اصيح

نور نجد
والله انك صااادقه دااايم أقول الحمدلله اني الناس مو أكبر همي أعيش حياتي والناس شي ثانوي
بس عشان لاأصير ظالمه ونظرتي سوداويه والله فيه كم وحده أتعب أقول عسسسل ربي يسعد قلوبهم
رغم ان وحده منهم تحضر دكتوراه بس قمة التوااااضع
والثانيات مافهمت وش سب الكبر بس نقول عادات وتقاليد وطباع
فيه ناس سبحان الله تعرف تعبر انها مستانسه شافتك وووو وفيه ناس ماتعرف أصلا نحط العذر لهم

العين تدمع لأجلكم
مو مسأله أحتقرهم أو أنا افضل منهم لا والله أبد أصلا من الغربه تعلمت مااااأحكم على أحد من شكله بس شينه النفس هذي اللي مالها تصريفه وثاني مره أكرر يمكن هم من العتقاء في رمضان يمكن هم أفضل مني عند الله بس المنظر بصراحه مزعج وحسيت بإحراااج من الاستراليات المشرفات أحسهم يقولون يلبسون حجاب واذا قابلو بعض تفصخو بس أفكر في نظرتهم للإسلام بماأننا سفراء دوله الأسلام

هلا بكل البنات والله انا مدري وش تتكلمون عنه بالعكس اشوف لبس السعوديات زين وخحابهم بمختلف انواعه ماشفت اللبس العاري يمكن تقصدون لما يجتمعون بالقاعه انا بصراحه كان اجتماعنا بحديقه وكان حلو صح البنات كانو قاعدين مجموعات بس اعتقد السبب عشان المكان وانو كان شمس فكل واحد يدور عالظل عموما تعلمت من قعدتي القصيره جدا باستراليا اشياء مهمه اهمها
1- الابتسام بوجه الغير رغم الاسلام حثنا عليها بس لا حظت اغلب الاستراليين مبتسمين على عكسنا
2- اعامل الانسان بانسانيته اول شي ولاانظر لديانته ولا ثقافته ولا اي شي يكفي انه انسان مثلي وطبعا اكيد بيكون لي تحفظي وارائي بقناعاتي
3- اما من ناحية السعوديات انا جايه وحاطه ببالي ان العلاقه تكون سطحيه لاني سمعت قصص كير من بنات مو باستراليا بامريكا بعد يعني المشكله مشكلة مجتمع وتفكير ومع ذالك اي وحده قابلتها حاولت اني اكوون علاقه حلوه معها كانت مابين مرحبه ومابين مطنشه بس ماتاثرت بصراحه لان هذا ينعكس عليها هي مو انا
4- حطيت ببالي اني اجي واستفيد من هالتجربه بكل نواحيها من دراسه تعلم سياقة سياره اختلاط بالمجتمع ومعرفة ثقافته لان كيد هذا راح ينعكس علي اني اخذ ايجابياتهم اللي بصراحه حسيتها كثيره واله الموفق ادري طولت قرقه بس حبيت اشارك بالموضوع
وسعوا صدوركم وندعو الله ان هالسلبيات اللي عندنا تتغير لاننا مجتمع بحاجه للتغيير.

هلا بيكم يا حريم من جد حررررررررررررررررررررررريم طيحن حش في بعض.....ههههههههههه
الله المستعان.......................................................... إلي يسمعك
ترى اصبيعك موسوة بس الله يهدي ما خلق هذا حال الناس بس احنا يمكن رسمنا في مخيلتنا انة الناس في الغربة يد وحدة عشان كذا انصدمنا....................... بس اهم شي انبسطو مع زوجك وعيالك والناس ماعليكم منهم اهم شي نفسك وسوي خير وارمية في البحر وخذي شعار البسمة في وجه اخيك صدقة ما عليكي في احد او في ردة فعلة المهم ترضي ربك
الله يخليلي زوجي الله يوفقك وينجحك ويسهل امرك