هلا والله
فراشة البيت والله حايسين مو عارفين وين نروح
كجانق رحنا ندور فيها شقق والشقق الحلوه والي فيها سعودين متملئة مره

خسااااره يا سيما العماره الجديدة قالوا يبغى لها 3 شهور الحكومة عاكين معهم ما عطوهم تصريح التأجير ولا حتى الحضانة العربية أخذت عيالي ورحت لها

شكلنا بنحول على جوتا ماينز الي تعرف أي شيء عنها تقولين ؟؟؟؟؟؟

فراشة البيت سيبرجايا مشكلتها الشقق غالية ولا ودنا بقربكم يا الغالية

الراحلة ما اقدر اقول إلا إني فعلا حبيتك في الله والله يجمعنا في الجنة :)

دعواتكم حبييابي :)

اهلين بنات

كيفكم؟؟؟

كيف الصيام معاكم؟؟؟

ان شاء الله مبسوطين و مرتاحين

....

الراحلة ؟؟

كيفك؟؟؟؟ ايش وداكي استراليا ماشاء الله؟؟؟؟؟

مو كنتي عندنا بماليزيا ؟؟؟ عسى خير؟؟؟

.......................................

بالنسبة للسألت عن مسجد المستشار السعودي......ما ادري اذا فيه مصلى نساء ؟؟؟
انا زوجي يصلي فيه بس ما قد سألته لاني متعقده من مصليات الحريم بالسعودية (( مليانه بزورة اكثر من ما هي مليانة حريم يصلون))

الله يهديهم و يهدينا

:kissa:
:kissa:
:kissa:

هذا بوسات لكم كلكم ودي والله أعبي الصفحات بوسات
لكن اخاف يجيني تصلب في البراطم تعرفون انتم واجد ( ماشاءالله تبارك الله)
أخاف أجي اكحلها ثم اطقكم بعين وانا مدري واعمي أبوها
ثم اجي افتح المنتدى ماألقاكم يوووه واقعد ادوركم وينكم وينكم ...
ثم فجأة نطت إحدى المتضررات تطلب مني غسال بيالتي والا فنجالي
حينها تطرأ علي فكرة الاكتساب واقولكم بيالة ب10 دولار واشتر وحده واحصل على الثانيه مجانا
وهكذا <<<< صارت رواية صح
بعدين مافيها شي اترزق الله وانتم ماراح تموتون قبل يومكم <<< وحده صدقت
ياحــــــــــــــــــــــــــــــــــــــــــــــــــــــــــــــبي لكم كلكم والله :heart:

تصدقون ودي اطق شنق بنق بعين الله لايكثرهم واصلين حتى استراليا
شكلهم بس يفرخون ويوزعون على العالم الله لايكثرهم يحسبون الكرة الارضية ناقصة اوادم
يالله الله يعينا عليهم

عموما أنتم طمنوني عليكم جميعا وش اخباركم
سي جي سبحان الله كنتي تتمنين رمضان مع اهلك
وصار الله يكتب لكم اللي فيه خير يارب

اسمى الاماني
لاتنسين تمرين اسواق السدحان
اشبعي منها الله يحفظك من كل شر يالغاليه

سيما ياحبي لك والله
أجل تدرسين مع :arb: نفس الكلاس ؟!
ماشاءالله كذا والا بلاش اقعدي على قلبه
لا يلتفت لايمين ولايسار
الله يحفظكم من كل شر يارب ويوفقكم ويتمم لكم على خير يارب

قلب المرسى
ياحبي لك طمنيني عنكم بالتفصيل الممل
ترى اخبارك تهمني انتظرك

بنت النور
وش اخبارك يالغاليه
شفتي جارتك العزيزة ( قلب المرسى ) بتروح وتخليك
لا وتلعب عليك وتقول مضطرين ننقل عشان جامعة زوجي !! <<< معليش فاضيه وابشب الشر
طمنيني عن اخبارك أول بأول
الله يحفظك من كل شر يارب

طيوبة الطيبة
طالبتي المجدة
ياحبي لك وش اخبارك ؟

المطيعة لزوجها
ياعمري الله يجزاك خير ماقصرتي يالغاليه
على السؤال عني
ايه ذكرت حتى انتي تخلت عنك جارتك العزيزة قلب المرسى شفتي آخرة العشرة ؟!!

ميلروز
وش اخبارك يالغاليه
ان شاءالله امورك تمام ؟

فرفووووشة يافرفوووووشة
تصدقين خنقتني العبرة :icon33:اول يوم جيت فيه استراليا
ذكرتك وضاق صدري تمنيت شوفتك واقول :arb: اذا بغينا نروح
ان شاءالله زيارة للسعودية بنمر على ماليزيا يومين عشان اشوفك انتي وام محمد
يوووه يازين ذيك الايام بالذات جمعة الخميس
ايه ذكرت ترى جوالك جاب لي حالة نفسية عيا يشبك معي
ارسلي لي رقمك مره ثانية الله لايهينك خلينا نسمع صوتك اللي يروع
يصلح مقدمة فلم رعب <<< عادي أخلاقي عاليه اليوم مدري وش جاني



الله يجمعني بكم جميعا في جنات النعيم على سرر متقابلين
ياحي ياقيوم

انا معكم طبعا ماكأني رحت ديرة ثانية
تراني متابعتكم يعني الله يعينكم ناشبتلكم

c.j
سبحان الله شفتي الدنيا
كنت عندكم قبل 3 شهور
والحين انقلعت استراليا
الله يعين ويخلص غربتنا على خير يارب
زوجي نقل من ماليزيا لآستراليا

اهليييين بنات..كيفكم كلكم..مبروك الشهر<وكل عام وانتم بخير>ان شاء الله.....

هلاولله فيك يالرااحله نورتي يالغاليه والحمدلله على سلامتك...اهم شي انك بخير والله يكتبلكم الخيران شاء الله........وعلى فكره:42: احم احم استانست على الشر ترااناان شاء الله بنرووح مع قلب المرسى....يعني بننقل معاهم ان شاء الله.....:hahaha:خخخخخخخخخخخخخخخخخخ ولله تراي استاانس على المقاهر هاه وشرايك نبداا..........ههههههههههههههههاي
بس فعلاولله ترانامبسوطييين برجعتك:26:
وشخبارك سيما...ولله خساره شكلنا موب ساكنين عندكم....متابعه معكم انتي وقلب المرسى ياحبيله هالبنت.......
بنت النوور شخبارك ياحلوه...ولامشغوله بهالرمضان,,,الله يعينك ياقلبي..
...باااقي البناات كيفكم مع رمضاان..وكيف نظامك وايش تسوون اكلات خلونا نتشارك ونتعرف اكثر..
ايه..صح نوورتي ياام عبدالعزيز واعتبري اننامن الحين بينناعيش وملح......
تحيااااااااااااتي للجميع"""""""""""":)