سلام بنات ماليزيا
الحمد لله خلصت قرايت الصفحات ماشاء الله عليكم
كيف حال الجميع وكيف رمضان معاكم

ياهلااااااااااااااااااااااااا والله بالراحلة >>>>>ادرى متاخرة
مرة وحدة على استراليا الله يعينك لكنها كمان غربة
وتسلمين يالغالية على سؤالك عنى كمان ادرى متاخرة
لكن والله ظروف منعتنى ادخل على النت من اول رمضان للان
ماقول الا الحمد لله على كل حال وان شاء الله ماتشوفون شر
والنفسية ما اقول الا الحمد لله على كل حال
القاكم على خير ان شاء الله
وادعولى يابنات ان الله ييسر لنا الحال ويشفى مرضانا ومرضا المسلمين......قولوا امييييييييييييين

اميييين يارب العالمييين

اهليييييييييين بناااات كيفكم ان شاء الله بخيييييييييير

قلب المرسى لا اسمها سيما مو دلع ادري اول مره تسمعين فيه <<< وااااااثقه هههههههههههه

اسمى الاماني اجل انتي مثلي بالسعوديه والله رمضان بالسعوديه احللللللى وحتى السمبوسه والشوربه والفيمتو ....


بناااااااااات وينكم ؟؟الراحله وباااقي البنااااات...

.,.,.,.ٍســيــمـــا.,.,.,

بنات احس اني هاليومين
ماادري وش سالفتي ؟؟
انتم مثلي والا بس انا ,,,
احس انس فاااضية ومشغوووولة
وسنعه ورفلة :angry:
مستاااانسة :7_5_131: وخانقتني العبرة :44:
و متوترة ومعصبة:mad: ورايقة وشِِ حليلي :)
ماادري وش سالفتي
معقولة الغربة سوت عندي اضطراب لهذي الدرجة ؟؟

أهلين بنات كيفكم؟؟؟

ان شاء الله تمام

بنات انا شايلة هم العيد هنا ؟؟:(

(( من بدري افكر ما ادري ليه ؟؟؟؟ يمكن من الفضاوه:angry2: ماشا الله))

كيف العيد في كوالا للي ؟؟؟ تحسو انه في عيد ؟؟؟؟؟؟؟؟

رمضا ماشاء الله حاسه اني مرمضة حلو ماشاء الله:42: (( تلفزيونهم و قنواتهم مي مقصرة تحسسك انك مرمضة و لو مو على طريقتنا بس يجيبو صلاة التراويح و ذكر و برامج دينية عن الاسلام ،،،،،،،،،،،،،،
و لو اني مو فاهمتها كلها :09: بس احسن و ابرك و الله من تلفزيوننا اللي كله مسلسلات تجيب الغثا :09:................................

نرجع لسالفتنا ..................................

كيف العيد هنا في كوالا ؟؟؟؟؟

من فيكم ناوية تعيد بره كوالا ؟؟؟ كرحلة او سفرة قصيره ؟؟؟؟

في احد منكم جرب يروح تايلند او سنغفورة (( تغيير جو لانو already الاهل مهم عندنا .:icon33:......ليش نجلس نعيد بروحنا بنفس المكان؟؟!!!!!))

من فيكم قد راحت للنكاوي او بنانغ؟؟؟

يا ليت تدوني فكرة يا حلوين عن العيد ؟؟؟ و ايش برامجكم في العيد ؟؟؟ يعني فين تجيون و تروحون ؟؟في حدائق ،،،،،،في اماكن حلوة تنزار هنا في كوالا لو جلسنا العيد هنا ؟؟

تسلمو يا حلوين :26:

احم احم
بنات احس اني مستانسة اليوم
لأني ولأول مرة في حياتي احس اني حرمه _ عفوا _ قصدي ربة بيت
صلحت اليوم فطاير دجاج وكنت افكر كيف اخفي المعالم بسرعة عن ابو الشباب
لا يدري اني محاولة اصلح فطاير ويكتشف خيبتي الدائمة في الفطاير
والمشكلة انه مايحب الاهي اقول ياابن الحلال التوست اخف على القلب يقول ابغى معجنات
اقول اصلح لك رز اشكال وانواع يقول لا معجنات اخف عليك انا لله وانا اليه راجعون

اخذت طريقة من وحده للعجينه وقلت يالله توكلت على الله صلحتها وانا خانقتني العبرة
لأني عارفة حوسة مواعين وكركبة على الفاضي

المهم صلحتها وطلعت ماشاءالله تبارك الله << لا تلوموني اخاف اطق نفسي بعين من الفرحة بعد خيبة 5 سنوات
قطنة محشية دجاج تصدقون ودي احنطها من الفرحة و ودي اصور انا وياها
اخيرا صرت سنعة بس ابو الشباب الى الآن ماذاقها الله يستر مايذوقها
و يعطيني ذاك الموشح اللي يخليني انسى حليب امي الحلو و بعدها والله
ماراح اسويله معجنات عشان يعرف يحطمني << وحدة سوتها سالفه وهي مابعد صارت

المهم بنات طولت السالفة وهي قصيرة بس لاتلوموني من الفرحة والله