سيما حركه انتي وانا سيم سيم
يعني بنصير تعادل مع البريداويات هههههههههههههههههه
واذا على حركات الطفش اساليني انا كل انواع الطفش جتني بس الحمد لله
الحاله تجي وتروح ههههههههههههههههههه

في معاهد أو جامعة التعليم غير مختلط في ماليزيا:(

ياليت فيه كان درسنا
المشكله كل جامعات ومعاهد ماليزيا مختلطه

شي طبيعي ان جامعات ماليزيا مختلطه بس عادي يا جماعه تدرسون والحين الجامعات تلقونها مليانه سعوديات من المبتعثات يعني بتلقون بنات زيكم ولا تحتكون بالجنس الاخر ابد وتمشووووووووون خاصة انكم جايين مرافقين مع ازواجكم حرام تضيعون الفرصه ادرسو لو لغه تكونون استفدتم من غربتكم .:(
انا ابجي ادرس ان شاء الله بس انا المبتعثه وزوجي المرافق و ان شاء الله بيدرس معي وادعو اننا ندخل تخصص واحد عشان ارتاح وهو بعد يرتاح :)

بالعكس سما العيون انا نظرتي مختلفة

ليه ادرس مع رجال واعرض نفسي للفتن وللمحرمات
مهما كان لاتقولون لي راح امشي بسيب بالحالي وماراح يهوب ناحيتي رجال

ولا تقولون اني ماراح يجلس جنبي رجال في جميع مراحلي سواء ماستر او بكالوريوس او حتى لغة لأن ترتيب كلاسات
التطبيق تكون على تحديد الدكتور فقط وحتى كلاسات الانقلش

طبعا لا تنسين انك تضطرين تشاركين وتتكلمين في الكلاس يعني فيها جراءة انا مااتكلم عن صوت المرأة لا انا اتكلم عن جراءتك في الكلام قدام الرجال والطلاقة

اما اذا كان الدكتور حقك رجال فلا تقولون لي عادي ماراح احتك فيه ولا راح اسأله

خلونا جادين وصريحين انا اول وحدة اتمنى اكمل دراستي لكن مو على حساب اخلاقي وديني ومبادئي يمكن ادرس واتخرج ويفاجأني الموت في اي لحظة وبعدها شهادتي ماراح تنفعني مقابل الآثام اللي كسبتها

لكن فيه شي واحد لازم كلنا نتحد ونسويه ونوقف صف واحد لحد مايتحقق وهو المطالبة بتوفير صفوف نسائية مستقلة ولو كانت في جامعة مختلطة

حنا هنا وقفوا الشباب لحد ماوفروا معهد معترف نسائي 100%
يعني تدخلين تفصخين عبايتك

وعندنا جامعة كبيرة مرة وعريقة طالبوا المحجبات فيها وأصروا بقوة لتوفير
كلاس نسائي مستقل وهذا هم الحين بدوا باتخاذ الترتيبات بجدية

لازم نفرض عليهم مبادئنا يعني هم يفرضون علينا الغلط وحنا تنقبله ؟؟

مع حبي لكم لكن المعذرة لو كانت الحقيقة ماتعجبنا او صعبة علينا لكن هذي الحقيقة ولازم نتقبلها الدراسة المختلطة غلط × غلط