تصدقون انا عيد الاضحى اللي فات كنت متحمسة وزعت بالونات و حليوات بمسجد المستشار السعودي و لا احد عبرني لحالي جلست

من جد حزنت الحريم مع بعض و انا لحالي

كان لسع لي شهر ما اعرف احد

و زينت بيتي بالونات انا ة و زوجي
و زوجي شغل لي اغاني ااالعيد حقت طلال مداح و محمد عبده و جلست ابكي بكى

الله لا يعيدها من ايام

ههههههههههههههههه
سي جي انا بعيد الاضحى عيدت بالمستشار وكنت لسى عروس مالي الا تقريبا عشرين يوم متزوجه وجايه لماليزيا
خخخخخخخخخخخخخ وفعلا مالقيت احد عطاني وجه من الحريم مع بعض بس حسافه ماشفتك
ولا سويت شي بالعيد لاني توني استحي وزوجي بعد ماسوى شي بس رحنا نتغدى بمطعم وطبعا ماقصرت بالصياح

الله يعين بهل عيد ان شاء الله شكلي بفتح السيفون على كيف كيف

اهلين بأحلى بنات
سي جي الف شكر لك ياقلبي:)
قلب المرسى اعتقد سردنق قريبه مننا سايبر جايا شرفينا يالغلا انا ان شاء الله راجعه من السعوديه في العيد لأن بعد كم يوم حسافر :) لو انقطعت عن الملتقى لا تلوموني والله راح افقدكم
وسلامي للجميع :26::26::26:

ياحبي لك ياقلب المرسى
بالعكس والله لك فقدة وبالذات على الماسنجر
الحمدلله انكم استقريتوا و قربتوا من كوالا
وعندك الشقردية ام عبدالعزيز في سردانق

طيب فيه سؤال يطرح نفسه
اثاثكم جبتوه ؟ لاتقولين خليتوه والا بعتوه وتلقيني بكرة عند بابك ارتكب فيك جريمة

بالنسبة للدريم ويب انا اصلح فيه ايسكريم و احطها في الاكواب البسكوت تبع الايسكريم بس اتأكد ان لها قاعدة يعني توقف

اخلطه بخلاط الكيك كالتالي :

1 قشطه
2 جبن كيري
بيالة حليب طازج
واحط الدريم ويب ظرف ورى ظرف لحد مايصير ثقيل و منفوش
و حطيه بلأقماع حقت الكريمة و اضغطيه على شكل دائرة بالقمع لحد مايتعبى
و حطيه بالثلاجه بعد ماتطلعينه لا تنسين الهيرشي و لوز مبشور او فستق او حبة حلاو مالتيزرز و على راحتك

بالإضافة الى اني لازم احط تقريبا ملعقه صغيرة دريم ويب
مع كل خلطه فيها جبن كيري وحليب نستله للنكهه

غير حلويات العشاء اللي لازم فيها دريم ويب
اقول ماترسلين لي شوي تعبت وانا ادوره هنا مالقيته

تويز ار اص ماشفت حق ماليزيا لكن ابحط لك رابطهم ودوري عليه
انا شفت حق استراليا

بالنسبة لفكرة الشعبيات والله وناسة
كان يجونك القصيميات بحزم كراث وتنك كليجا و حافظات مطازيز ومرقوق

و الحجازيات يجون بقدور فول و سمبوسك و يغمش لا وبليله بللوكي

و رابطة بنات الجنوب يجون بعصيدة وعريكة وسمن مع عسل وذاك الخبز البر المنتفخ

وحنا كاشخين بحلويات من باتشي

خلاص بنعلق علم السعودية على الغرفة و نحط معكم
برنامج من ربوع بلادي ترى حلو ان الناس يتعرفون على شعبياتنا << وحده حست انها بتنجلد صدق وقامت تصرف

( بنات انتم ماينفع فيكم الا احد يحارشكم عشان تتحركون و تشعللون المنتدى من جديد )
انتظر اخبارك الحلوة بالتفصيل



سي جي
ياقلبي عليك طيب اللي في المستشار سعوديات و عربيات ؟
وياليتكم حطيتوا اناشيد بدل الاغاني عشان تعم الفرحة ومانبدى العيد بمعصية

فراشة البيت ياحبي لك ذكرت سواليفك عن ذيك الايام
صح عندي كوسشن بتنزلون للسعودية في الحج ان شاءالله على خير ؟

ميلروز
الله يوصلك بالسلامة لأهلك واحبابك
و ترجعين لماليزيا على خير
ولا تقاطعين في السعودية اذا جا عندك وقت طلي على التجمع
الله يحفظكم من كل شر نستودع الله دينكم وامانتكم و خواتيم اعمالكم

سيما صح ذكرت انا مااحب اتسوق نهائيا من الفيصلية ولا المملكة لبسهم عادي
و اسعار مبالغ فيها هذا بغض النظر عن الماركات الموجوده برا في اسواق ثانية

باقي الحبايب طلوا علينا لاتقاطعون
ولو تذكير بالله عزوجل مع دخول العشر الأواخر
مو شرط سواليف

لا تكوني انتي اللي من اهل الرياض ،،،انا سألت وحده من اللقافة من فين انتي ؟؟؟و كنا مصلين بالصف الاول او الثاني و ما عطتني وجه خخخخخخخخخ:( قلت لا (( لا تكوني انتي؟؟؟ :42:))

قالت لي انا توني جاية اتزوجت و جيت علطول!!! كنت متنقبة ؟؟؟
و ما تفتكرين في وحده جالسة توزع بلونات و حلويات ؟؟:42:


مسوية لعيد لنفسها ,,,,,,,,,,,,,,,,:angry2::icon28:
لاني متعودة في بيت اهلي اني ازين البيت و ابخره و اسوي القهوة و اسوي فطور العيد ،،،يا الله ايام حلوة :icon33::icon33: