هلا سي جي من جدك في باتشي
وش قصدك باركسون اسم المحل وبأي طابق انا اضيع بالبرجين ما عمري لقيته كله يضيع كبير

ياليت توضحين حبيبتي :)

الراحله يسلم رأسك على العجينة الحلوه ماشاء الله تبارك الله سويتها طلعت جنااااااان دعيت لك انبسطت إني عرفت طريقة حلوه سهله فني نفس حالتك الفطاير ما تضبط معي مره :)

وين باقي البنات سيما شفتي العماره الجديدة خلاص بدأت تأجر فيها ليز وهي قايل لنا بعد شهرين زوجي انقهر يعني كذب ولا ما عجبنا كل عشان الوقت الي جينا فيه كان ولد عمها موجود مدري وش قصته

تخيلي صار فيها سعودين وتاجرت وحنا ما سكنا بالماينز حلوه بس بعيدة هن الجامعة ولا فيها حضانه ولا في سعودين كثير :)

بعد بنات وش بتسون حلويات للعيد شرايكم كوكيز وبيتي فور في طريقة كوكيز عند الغمامة بموضوع طبخات الطوارئ شكلها حلو وهنا الشكولاته حقت الكوكيز رخيصة هههههههههه
مو زي السعودية

ترى عندهم طحين خاص حقت الحلويات تلقونه بجسكو الجديد يجي بكارتون :)

وبعد وش عندي بس سلامتكم
قلب المرسى :)

الغزالة الشاردة انا يوم كنت في ماليزيا
كنت البس عباية راس زي حقت السعودية

سي جي بالعكس ماكانوا يستغلونا الا وحده هندية بدل ماتبيع لولدي
حلاوة برنقتين باعتها بثلاثة بعد ماناظرتني و الباقين ماشين معنا زي الفل
يمكن في منطقتك استغلال اكثر لكن حلو اهم شي انك طبقتي حجابك بغض النظر عن الالوان او الشكل الله يثبتك

انا هنا البس عباية عودي او كحلي على الكتف وشالات ملونة وبندانة ولثمة سوداء
والحمدلله يحترموني بشكل غير طبيعي بفضل الله عزوجل ماحصلي ولا موقف
الا قبل كم يوم شباب مراهقين استراليين في السوبر ماركت ناظروني انا و جارتي
وجلسوا يضحكون ويتهزون فينا بصوت عالي و ناظروهم الباقين نظرات قوية وسكتوا
لكنهم صاروا يتبسمون باستهزاء قلت الحمدلله حنا في جهاد الحين لرضا الله عزوجل
الواحد يتحمل ويجاهد يمكن مايحرمنا عن النار
الا هالقطعتين اللي نستر فيها شعورنا و وجوهنا



سما العيون حجابك مرة حلو
اسأل الله لك الثبات و التوفيق ويضمون زوجك معك للبعثة عاجلا غير آجل
اذا تبغين رقم اللي حجز لنا السكن كلمناه من الرياض و طلع لنا تاكسي ينتظرنا
في المطار ويوصلنا لحد الفندق
سكنا في ( .. ) والله اني نسيت اسمه لكنه مقابل فندق المندرين والتوين تاورز من الجنب
ونروح للتوين على رجلينا
هو 4 نجوم سكنا اسبوع اليوم ب170 مع الافطار لكن قال لو علمتوني كم بتجلسون بالضبط
كان يطلع ب140 اليوم عشان كذا حددو له الايام بالضبط طبعا هذا الكلام في محرم الماضي

هو ماليزي متربي في مكه يعني تنبسطين على لهجته حجااااازي اذا قعد يسولف
على زوجك عموما اذا بغيتي رقمه علميني ارسله لك على الخاص

قلب المرسى
بالعافية عليك العجينةوفعلا ممتازة
الله يجزى ام خلودي جارتي كل خير عليها
اتوقع قصد سي جي باركنسون المحل الكبير
اللي فيه كل شي تقريبا مرة روعة بس غااالي
والا لا يا سي جي ؟

فرفووووش
متى اجازتكم اللي راح تنزلون فيها السعودية؟

اهلين حبيباتي

باركسون ايوا المحل الكبير تلاقين ركن باتشي عند قسم النحاس ايه هو غالي بس زين و حلو
بس على فكرة مو كل شي عندهم غالي في اشياء اسعارهم حلوة

انا لمن قضيت للعيد .....زوجي قالي خلينا نشوف التايم سكوير في اشياء احلى
و الله اني رحت و لفيته ما في شي فخم ينفع\ للعيد
كله خلاقين و اشياء ما تناسببنا بالعيد
ادور تنورة ما عندهم طويلة

وقلت نديمك قديمك ما في غير التوين تاورز
بس و الله باركسون فيه و مو كل شي عندهم غالي
بس انا اشتريت و قت التخفيض و السعر طلع حلو
التخفيض من جد تخفيض

باتشي السعر يفرق حبه
ان شاء الله باشتري للعيد منه
عشان الواحد يحس انه عيد و نسوي قهوة
و نفك التكبيرات
على فكرة عندي اربعة اشرطة تكبيرات العيد!!!!!!!!!
من ودها واحد ؟؟؟

الراحله الله يجزاك خير على الدعوه وما قصرتي اختي انتي اللي تجاوبيني دائما حسافه انك رحتي لاستراليا ايه والله يعافيك ارسلي لي رقم السواق والله يجزاك خير .