طيب زين غنك صاحية شكل سيما اجل الراقده

والراحله ها كيفيك الحين طمنينا عن اخبارك يال الغالية

الراحله الله يجعلك في سعة من امره ويفرجلك همك يارب وينورلك دربك ياختي

مساكم الله بالخير بنااات كيفكم؟؟؟

احس ان لاجديد في حياتي

كل االعاده وكل يوم كسابقه

استغفر الله العظيم ياااارب

سلام بنات قعدت اكتب رد ساعه وكله طار
اختي الراحله الله يفرج همك يارب ويعينك امين اللهم امين ولازم ترجعي للتجمع تراه ما يسوى بدونك
مشكورة مشكورة قلب المرسى ولازم اروح للمصمم ومحل الملابس شوقتيني وبالنسبه للميك اب صراحه انا اخاف اشتري اي نوع الحمدلله كل الميك عندي من لانكوم وبرجوا وماكس فاكتور
سيما على فكرة اسمك اكثر اسم شدني حلو ومشكورة على اجابتك على سؤالي وان شاءالله ادور على هذي الماركه sasaصح لان ماركه مكياجي حلوة ان شاء الله تكون مثلها واذا جربتيها ياليت تخبرينا عالنتيجه
ام عبدالعزيز حبيبتي والله حتى انا اليوم مثل روتين كل يوم وانا عاد ما عندي اي عرب جيران يعني كل يوم لحالي اصحى انظف البيت اطبخ الغداء ارتاح شوي والا والمغرب اذن شوي واسوي العشاء ونروح ننام وهلم جرا كل يو كل يوم

طيوبه خليني انا اكون اول من يكتب عن تجربته في ماليزيا نحن والحمدلله كان زوجي يفتح النت دايما وكان يفتح على المواقع الماليزيه يدور بيوت ومرة حصل ماليزي وارسل له رساله والماليزي رد وماكنا متوقعين الرد ومن واحد لواحد الا ونوصل لواحد عربي ساكن بالمنطقه وجزاه الله خير هو اللي ساعدنا في استئجار بيت لنا ووصلنا الى ماليزيا والحمدلله على البيت على طول وسكنت فيه لمدة 7 اشهر على بال ما دورنا بيت ثاني برواق وسياره والحمدلله كانت امورنا مسهله جدا وان كنت فرحانه اني جايه ماليزيا ويمكن هذا اللي ساعدني اكثر وما تضايقت كثير من البلد او من ناحيه عدم توافر الاشياء المعروفه عندنا وهذي هي تجربتي وعلى فكره انا الان وزوجه العربي اللي استاجر لنا البيت مثل الخوات وجزاهم الله خير هم وكل من ساعدنا
اما بالنسبه للاثاث منه مستعمل بس نظيف جدا صراحه و الاغراض اللي اشتريناها جديده الخلاط التلفزيون الغساله السرير والفرش طبعا مو مستعمل طاوله طعام واشياء المطبخ وطاوله الدراسه طاوله الكمبيوتر وسلامتكم هذي هي حكايتي وتوته توته خلصت الحتوته

السلام عليكم ورحمه الله وبركاته
اكتب لكم بعد منه الله علي بالاستقرار في شقتي
في جوتا مااينز بعد رحله عنا وسفر وقلق طويله
طبعا كنت اتابعكم دايما لمن كنت حامل وشاركت بشكل بسيط بعدين ولدت وكنت بجي عالطول لكن الله ارد نقضي رمضان والعيد مع الاهل الحمدلله وجيت ماليزيا في 9شوال طبعا تعرفت على الراحله ياحبيله عالماسانجر كنا حمل مع بعض بينا شهر وولدت واختفت وانا ولدت وجبت بنوته لها الحين 6شهورماشاءالله فانقطعت عني بعدين تعرفت على قلب المرسى وهنا يقف القلم عن التعبير يابنات ماتتخيلون هالانسانه هي وزوجها كيف عسل وقد مايقدرون ساعدونا من قبل لانجي ماليزيا متواصلين انا وياها وتعطيني كل المعلومات والنصايح بالمسن وزوجها ماقصربالتلفون مع زوجي متخيلين كرم الاخلاق (والله ناس ينشرون بالذهب)الله يخليهم لبعض ويسخرهم ويعجل ببعثتهم ويفرحهم بعيالهم مشايخ وعلماء قولوا امين
ويعطيهم على قد نيتهم يارب
طبعا بعد ماوصلنا ماكفاهم اللي سووه
ساعدونا بحجز الفندق وسكنا لنا يومين كذا مادرينا الاذاك اليوم الصباح دق زوجها على زوجي يالله بنروح السفاره نكمل شغلك وسندرلا تروح لقلب المرسى طبعا انا تعرفون المشاعر والفراق:icon33: توني يومين الا قالي زوجي بتاخر لازم ماتقعدون انتي والبنات بالحالك بالفندق
طبعا انا عندي بنت سنه ونص وبنت 6شهور وجايه ماليزيا بشهر العسل:icon28: بس الحين غيييييير
وطبعا جايين على حسابنا الله يعجل ببعثتنا:44:
المهم دخلت بيت قلب المرسى وتقهوينا وسولفنا وتغدينا وانبسطنا وكاننا نعرف بعض من زمان سبحان الله وهونت علي وطمنتني
وبعدكم يوم سكنا تحتهم بدورين شفتوا الدنيا
وصرنا كل يوم نزور بعض ونطلع مع بعض وصارت لي اكثر من اخت :39:
(قلب المرسى لاتقولين ليش كتبتي كذا هذا مايجي ولا شي عن اللي بقلبي لك بس كنت حابه اعبر عن شي بسيط من اللي سويتوه)