اصبحنا واصبح الملك لله


أ
ب
ت

اهليييين بناااات كيف الحاال ان شاء الله كلكم بخير

بنات ادري منقطعه بس والله سامحوني منحااااسه مووووت الله يعين بس جت شغاله لا تعرف عربي ولا انقلش مبتلشه فيها وبنتي على بال ماتتعود عليها ....,,
ودراسه بالمعهد وكل يوم روحه وجيه وانقل بنتي والشغاله لبيت صديقتي ودي بس امها تشرف على الشغاله تشوف زينه شينه لاني ما اعرف للشغالات والله وكل شوي اتمنى امي هنااااا اف والله اشتقت لك يمه.....,,

المهم بنات وش اخبار الجمعه ياحبيلكم والله كان ودي بالجمعه ومنجنه على اني اجي بس سبحان الله ماكتب الله الوقت راح كذا ولا والله اني لبست وتمكيجت وقاعده ازن فوق راس زوجي بس عيا يقوم مانام باليل الا يمكن ساعتين بس وتشوفين كانه منغمي عليه ههاههاههاههاهها....
يالله عاد قولو لنا وش سويتو وش سولفتو وكل وحده وش جابت بعدين من فاز بالمسابقه سمعت انه فيه يالله عاد قولو من المثقفه ..,,؟
احلى احلى احلى فراشه البيت مسويه جريش في ماليزيا هاهاهاها ما شاء الله عليك شكلك ام السنع الله يديم عليك ويختي ورينا الفرفشه بالنت كلن يقول بالجمعا غيييير ودي اشوفك والله ....
ام عبد العزيز تسلمين ياألبي وانا والله كنت ابي اشوفك بس عاد الشكوى لله ....الجايات اكثر ان شاء الله ..

الراحله يالدباء اشتقنااااا وينك تدخلين على المسن وماتهرجين ولا كلمه هاه ... يالله وش اخر قرار من عنتره بتجون ولا لا ؟؟؟ والله متحمسه بقوه لجيتكم ,,..

قلب المرسى تسلمين على العزيمه ياقلبي والله اني كاني معاكم وكنت ناويه اجيب ايس كريم قلت الكل بيجب طبخات انا ابجيب الحلا .... يالله متى تعزميننا المره الثانيه هاهاها امزززح ..

المطيعه لزوجها الف الف الف مبرووووك ياقلبي الله يرزقكم خيرها وكفيكم شرها ويهنيكم يارب وعقبال لقلوبه وسندريلا يااااارب عاجل غير اجل ....

سندريلا ياقلبي انا منهبله ابي اشوفك انتي والاشقر وخاصه انك عندك بنات ينفعون لبنتي مع انها بسم الله عليها تنفع لكلش الل يحفضها يااارب ...

باقي البنات ان شاء الله تكونو بخير الله يوفق الجميع ياارب؟؟

بنات اذا انقطعت اسألو عني ياويل وحده ما تسأل ...زين ابي ارجع القى كل التجمع وينك ياسيما وينك ياسيما ...

يالله سلاااااااااااااااااااااااااااام

.,.,.ســـيـــمـــا.,.,.,

السلام عليكم ورحمة الله وبركاته هذه هي اخبرا العزيمة بالتفصيل

اول ام عبدالعزيز كان يبغى لها جائزة ثانية عشان كانت اول الحاضرين صح هي متاخره عن الموعد بس على الأقل اول وحده باقي بنات العماره ما جو إلا إخر شيء طبعا السندرلا ىخر شيء جت وبالطريق طاح حذاء بنتها الوردي ورجعت تدوره وجابته كل هذا عشان تصير سندرلا هههههههههه

طيب والله سوينا مسابقة ماشاء الله مره حلو فيها أسئلة شخصية حلوه وكل وحده تعلق عليها بعدين نسوي تصويت ورقة تمر على البنات ومحد يشوف وش كتب الثاني والي يتكرر اسمها بالتصويت تفوز

والله كل تعليقات البنات كانت مميزة وهادفة وكانت القعدة حلوه صح ما تجاوزت النص ساعه مع الشي والحلى بس حلوه والي فازت ماشاء الله ام عبدالعزيز كان تعلقيها صادق ومميز

اوكي بالنسبة للأطباق المطيعة لزوجها جاها موقف رهيب زين جت عشان تسوي طبق يعطيها العافية قالت لي نزلي العيال شوي قلت لها ابشري بنزلهم من 1 إلى 2 ويطلع ابو الشباب ويقفل الباب وهي ماكان معها المفتاح فعلقت مع البزراين ماشاء الله تبارك الله من 1 إلى 5
زين هي تزينت بس وجت والله يأجرها من كثر ماهي مخلصة جتهم البعثة بعدها بيوم ههههههههههه والله يعطيها العافية جابت قهوه ومشروبات ...

وسندرلا بعد جاها موقف ثاني راحا تسوي بدي كير ومنكير بالماينز والباردين الملز نقعوهم مررررررره وعلى ماجت زين هي البنات تعرفون لازم يتاخرون يعني جت اخر وحده ما مداها
بس جزاها الله خير سوت الفوتشيني عندي وكانت رائعة جدا ويكفي وجودك يا معنا

فراشة البيت جريش محترم ماشاء الله

ام عبدالعزيز كيكية آيس كريم متعوب عليها

انا ماشاء الله علي مسويها سلطة سيزر - وسلطة مقليات - وفوتشيني - وبكتب المقادير إن شاء الله

ويله متى ودكم الجمعة الثانية ؟؟

وسيما وينك .....وينك ......ها سألنا عنك وش تبين بعد ؟؟ كيف سيما حرام عليك مدري ليه احسها هادئة وحبوبه :)

اقولك انتي مو طالبه شغاله تعرف إنجليزي ولا مافي وجبتيها كبيره ولا صغيره ووين المكتب حقها ؟؟

ومشكوره

قلب المرسى شكل مسابقتكم مرررره
روعه اكتبيها تكفين ولا عليك امر
احس اني مااستوعبتها ودي اطبقها مع جاراتي

و ودي بطريقة السيزر الله لايهينك يارب

ام عبدالعزيز ياحبي لك
تكفين طريقة الحلى

سيما
آخر قرارات عنتر بن شداد
يقول :
الحين عسى الملحقية يعطونا تذاكر
صدق طرار ويتشرط
انثبري بس ..

ابشري يا الراحله بحط اسألة المسابقة كامله

والسيزر بالليل بإذن الله

السلام على الجميع