دولشي والله ضربت على الوتر انا بعد يقهروني مره بس يطالعون عيالي عاد الحين تقولون القرد بعين امه غزال وحده تطل بعين ولدي تقول سو بق اعوذ بالله قولي ماشاء الله يعني عيونه كبار عاد مساكين عيالي قبلهم مرضى ولله الحمد والمنه

بس الحل شيء مهم جدا إنك تحصنيهم بالأذكار وعندك يقين ان الذكر والقرآن يحفظهم واركز على اليقين إنك لو قريتي عليهم وانتي تشكين بالذكر ما يفيد

والواحد ما يقدر يسكر عليهم ويخاف العين وخلاص لأ والله انا يدي على قلبي بحاول ادخلهم حضانه واحاتي يسون فيهم شيء بس أقول لا لازم اتوكل على الله واقرا عليهم وخلاص الحافظ الله سبحانه استودعيهم الله

يعني يا دولشي هل انتي كنت قارئه ومحصنه بنتك هذاك اليوم ولا ؟؟؟
امكن نسيتي ؟؟ او امكن لسبب ثاني الجو الحين جو مرض

المشكلة الواحد إذا وسوس بالعين يدخل في متاهات طويله عريضة فيحاول يحاول ما ينسى الذكر باليقين ويتوكل على الله :)

الراحله قلبي يا حبي لك الله يجعمنا بك يا زين سواليفك

سندرلا ترى صار لي كم يوم ما شفتك واحشتني مره ( كش عليك ) هههههههه هذي بيننا بس
فراشة البيت طيب كويس عجبت بعلك وروق العنب والله انا لسى النية موجوه وربي يسهل

سيما وينك ؟؟ هذا صار اسمك الثنائي ههههههههههه الله يوفقك ويسعدك

بنت النور وشصار عليكم ؟؟؟

طيبة الطيوبه ترى لك فقده وينك ؟؟

بنات موضوع قابل للطرح ( الرجال والأنانية طبع ولا تطبع ؟؟ صفة أصليه ولا هجين ؟؟ قابل لتغير ولا معصي أفتوني ؟؟؟

هلا في الحلووووووووات يالله عاد ترانا مدحناكم

وش علومكم؟؟؟ وش مسويين؟؟؟الراحله ياحبي لك سوتي الكيكه ان شاء طلعت حلووووه اكيد طبعا دامي اني الي معطيتك خخخخخ

فراشه تراك انتي الي موعدتني على خخخخخخخ حتى بالمسن صجيت العالم بهاء

بنات وش اخباركم كلكم؟؟

الا صادقين خلو نا نسولف وش ورانا؟؟؟الي براسهم علم وسالفه تحطها لو ماله دخل بالدنيا

بنات دخلتو المعرض المائي الي بال كي ال قالتي عنه جارتي بس ابي اسالكم عنه تقول جدران من قزاز وداخله اسماك ؟؟؟ حمستني له هي ماراحت ولا كان دخلت بعينها تحقيق خخخخخ

والف الف مبرووووك لاختنا قلب المرسي قبولهم بالبعثه والله يجعلها فاتحة خير لهم ويبارك لهم وعقبال الغاليه سندريلاااا

بنات ماقلتو لنا متي تبون يكون اجتماعنا كل شهر والا 3 اسابيع والا اسبوعين يالله عاد لازم تكون لنا كلمة وحده وبعدين زي ماقالت الحبيبه الراحله اذا اجتمعنا كل وحده تجيب معها شي باتفاق مع الجميع حتى تكون الجمعه خفيفه عالنفس والله انا اقولها مو بخل والا مو قدها لا والله بس اريح للجميع خصوصا للي عندهم عيال وحتى نحب الاجتماع ومايصير بها تكلف ؟؟؟؟

هاااه وش رايكم ؟؟؟ يالله كل وحده تدخل وتقول رأيها ياويل الي تدخل بدون تعليق ؟؟؟ <<<عصبت

أم عبدالعزيز هلا فيك والله يا قلبي انا خاطري فيها كل ثلاث أسابيع واتمنى البنات يبدون رأيهم بالموضوع

وبالنسبة للخفايف انا بعد اقول كذا عشان صاحبة البيت ترتاح ولا تشيل هم وتحاتي وحياكم الله

وننتظر مشاركة البنات الباقين

قلب المرسى ابدئي بالموضوع اللي كتبتيه عن الرجال واحنا وراك

هلا والله

عــــــــــــــــــــــــــــــــــــــــــدنا


والله تحمست ذاك اليوم من كثر ماتمدحون هالكيكه
قلت صلحيها واكشخي بها عند الحريم
سوي نفسك شيفه << مؤنث شيف


و اصلحها وازبرقها << يعني اكشخها

و طبعا مذقتها اعتمدت على ذوقكم
ورحت وشخصت من زود الحماس
قلت عشان اطقم مع كيكتي و تسلفت صينية التشيز كيك
و شريت لها صحن خاص

كل هالحاله عشان كيكة ام عبدالعزيز
المهم يوم اجتمعوا البنات
واروح اطلعها من الثلاجه
و ارززها قدامهم و دي اقولهم الصورة مع الكيكه بدولار
لكن قلت خليك كريمه

و جت اللحظة الحاسمه و بديت
اقطع الكيكه المهم جبت العيد شوي
مدري ورى القطعه اذا قطعتها
وجيت اشيلها واحطها بالصحن سوت كاراتيه و تشقلبت على وجهها

المهم ماعليه اهم شي وصلت لكل وحده قطعه
طبعا ذاقوه وجاهم ماجاني ايام الطراطيع والشروخ
( انكماش بالشعر ) انا يوم شفتهم كذا قلت بس

الحين بيبدون يتهزهزون عشان الوضع الحين صار على الهزاز
لكن الله يعين المشكله 2 منهم حوامل يعني اذا تهززوا بيصير
هزة عمرانيه بالمجمع

قلت مافيه الا اقطع عليهم الحاله ذي واتدارك الوضع
قلت وش رايكم بالكيكه ( وجه مستانس ) طبعا والابتسامه من الاذن الى الاذن
و الرموش تكبس قلت فرصه منها اتميلح ومنها اوريهم اني حاطه مسكره
لأني غالبا اجيهم حمصى << يعني جمال طبيعي



خخخخخخخخخ <<<< فرفووووش في فاصل اعلاني

لا صدق والله ماشاءالله تبارك الله الكل اثنى عليها
و طلبوا طريقتها

من جد خيااااااااااال وتبيض الوجه
ياحبيلك ياام عبدالعزيز
ماقصرتي والله
تسلم هاليدين يارب

فكرت المره الجايه ان شاءالله اضيف لها شوكلاته عندنا اسمها دوف
نسخه من الجالكسي بالكرامل و اقلل من كمية الحليب المركز

لأنها فعلا فعلا فضيعه وزياده على كذا ماتاخذ وقت و مجهود و شكلها وطعمها يواجه

بس و سلامتكم

فرفوووش بسم الله علي قاعده تمقلين فيني يوم ولدت والله نسيت اني لبستها
بعد الولاده

مااذكر الا اني مشخصه بذاك الثوب الابيض حق الرضاعه وخري عن دربي
لا و خفيف و طويـــــــــل بعد يتسحبل
الله يخلف علي بس
المشكله اني مشلحته من اختي كان جايها هديه ولا فكيته الا يوم ولدت
وجيت ابشخص فيه عندكم لا بعد

مافكيته الا يوم دريت ان ام عبدالعزيز بتجيني ياحبيلها
والا كنت اباخذ الجلابيه الكحليه من على المنشر والبسها

يازين ذيك الايام على انها كانت متعبه بالنسبه لي بس والله ايام ماانساها بحياتي

فرفوووش فيه شي ثاني بسالفة اللبس
ماتذكرين مره شخصت بجلابيه بنيه

وكنت جالسه عند ام محمد يوم قمت بسم الله علي قمتي تناظرين جلابيتي من تحت
طاح وجهي وانثبرت ولا عاد قمت

قلت ارجعي بس على الكحليه اصرف لك


تدرين وش السر
انها كالعاده تسحب علي و قمت وقصيتها من تحت بالمقص ولبستها وجيت
يوم جيت اكتشفت اني عارمتها من جهه و مدحدره من جهه
لا والخيوط قاعده تنسحب منها يعني كل شوي و ناشب باصبع رجلي خيط
كم مره بغيت اسوي هبوط ارض ارض بس ستر ربي