السلام عليكم جميعا
انا قافله معي من المنتدى له يومين مايفتح معي قهرني ويوم فتح رفض اني ارد
المهم ان شاء الله كلكم بخير
الغزالة الشاردة والله بالنسبة للعباية نفس عبايتي حقت الراس حقت السعودية وماشيه الحمد لله

وبالنسبة للعيد ااااااااااااه
هاذا ان شاء الله ثالث عيد لي الله يعينا بس
عيدت الاضحى العام وانا توني متزوجه ماكملت شهر وبغيت انهبل صراحه مره تضايقت لانه اول عيدلي بحياتي بدون اهلي ولا بعيده عنهم بعد
وكانو حواء بعد حاطين التكبيرات وكل ماسمعتها صحت ههههههههه يعني كل الحج اصيح
الله يعدي غربتنا على خير بس

وبالنسبة للحج انا من بلغت وانا منهبله ابي احج مره متطوره هههههههههه
والى الحين مابعد الله دعاني الله لايحرمني من جح مقبول يارب العالمين ولا يحرمني الاجر وكل المسلمين يارب العالمين

هلا بنات كيفيكم ؟؟
من زمان عنكم والسبب المنتدى ما كان يفتح معي
بالنسبة للعيد هذا ثاني عيد لي من غير اهلي الله المستعان
والجح انا ما حجيت والله يكتبها لي عاجل غير أجل

وبالنسبة للعيد ما عندكم أفكار حلوه وجديده شرايكم ؟؟
المسابقة يا الراحله والله ودي اكتبها لك بس العجز ذابحن ههههههههه بديت اتعلم اللهجة

بإذن الله بكره واصله عندكم

سيما شخبارك وشخبار المعهد معك
بنت النور كيف صحتك الحين يالغالية

السندرلا شخبارك وشلون توتا اليوم ؟؟

الراحله وش راح تسون بهالعيد عطونا افكار ؟؟

طيبة الطيوبه هلا بك شخبار الخلطة معك لإني واخيرا لقيت حنه ولسى خايفة اجربها حنه إيرانيه علبه صغيره ومرسومه عليها غنها لليد اخاف استعملها بشعري واجيب العيد ؟؟

فراشة البيت انا زيك فار قلبي على الحج الله يكتبه لنا يارب

دولشي فيتا تعلقيك عجبني وممتاز ماشاء الله تفكير مميز ماشاء الله وهذا بالضبط الي يصير بين المرأه والرجل وللأسف غالبا لا نجيد في هذه الحالة سوى الصمت فقط والصبر قبل كل شيء كيف يسير مركب هذه الأسره بآمان ........

ام عبدالعزيز اخاف يشكون فيني ان فيني عرق جنوبي ثاني مره يعجبني تعلقيك صراحة جداجدا
ماشاء الله تبارك الله .......

مشكورين على التفاعل الخفيف والجميل واعرف غني قصرت وما علقت بس المنتدى علق معي وهاليام مشغوله وحايسه
مشكورين

قلب المرسى

اهلين عالجميع

هلا قلب المرسى توتا لحد الحين حرارتها والله كاسره خاطري بس ازكه من هالخافض
لاتفتحين عيونك ادري مافهمتي وشو ازكه يعني اعطيها ورا بعض
يخفض ساعتين وترجع الحراره والله المستعان بكرا اذا ماخفت بوديها العياده باذن الله

بنات انا اقترحت عليكم نكتب كل وحده وش شافت وايش سوت بس ماشوفكم تفاعلتوا
اجل انا ببدا عشان احمسكم اولا اليوم رحت جسكوا اتقضى ولاول مره امر جسكو الملابس
اشوف تخفيضات بكل محل عشان هالكرسمس الله ياخذهم هم وبابا نويل اللي مرززينه بكل محل
المهم طبعا بشرى لبنت النور وفراشه البيت ولكل حواملنا الحلوات لقيت محل داخل جسكو اسمهscarletفيه انواع واشكال ملابس حمل وخاصه التنانير والبناطيل المريحه اللي تجي قدك بس مكان البطن سترتش يتوسع كل ماكبر بطنك التنانير السترتش اسود وبني وعشبي وكحلي عرفتوها حقت المدرسات بالسعوديه وعجبتني اللي تجي قصه A والله فرحت لمن شفتها قلت خل اعلمكم
وبلايز انيقه واللي تحب الشيالات يافرفوشه فيه طويل والوان ربيعيه بعد والتيشرتات والبلايز الطويله اشكال والوان حشا سويت دعايه لجسكو
هذا اللي كان ملفت لطلعتي اليوم وبس يالله عاد قولولنا انتم وش سويتوا

هلا والله وغلا فيكم

الحمدلله بالنسبه للحج حجيت وانا بثاني ثانوي
و ودي احج مره ثانيه الله ييسرها ياحي ياقيوم

وبالنسبه للعيد هذا ثاني عيد لي بعيده عن اهلي
وعيد الاضحى مايحطون فيه النادي السعودي اي احتفال

لأن اغلب السعوديين ينزلون للسعوديه بإجازة الكرسمس

عيد الفطر طلعنا حنا وجاراتي ياحبي لهم طلعة عوايل
انبسطنا وفرفشنا و غيرنا جو شوي مع ان الرحله كانت متعبه وطويله
بس انبسطنا خاصة مع الاسترالي اللي حلف علينا نقلط عنده ياحليله

علقت في بيتي بالونات و شرايط و عبيت الارض بالونات عشان
نحس بالفرحه شوي و بعدين فقعها طرزان و قمت اكنسها وخلصنا الحمدلله


المره هاذي مالي خلق اسوي شي ابد ابد
خاصة ان يوم العيد الرجال بيداومون و ماسمحوا لهم الجامعه
بإجازة يوم العيد يعني بيروحون يصلون العيد و يبتلون للجامعه

ويجون العصر دايخين وجوعانين بيتغدون و ينامون
يعني زيه زي اي يوم عااادي عشان كذا مالي خلق على شي

سندريلا سلامة مرت ولدي
تكفين اقرب عياده طيري بها لها
ماتشوف شر حبيبة قلبي

قلب المرسى
يالعجازة سوي لها سكان وارسليها لي

ياويلي على طاري سكان فرفوووش كيف الحال والله نسيـــــــــــــــــــــت

السالفه خخخخخخ<< عشانك ولا تزعلين

ابرسلها بإذن الله

البنات الغايبات
تسجيل الحضور لو سمحتوا ؟؟؟!!!!!!


ابصبر كم رد بعدين نعد اسماءالغايبات
عشان نطمن عليهم تكفون اللي غايبه وهي طيبه تسجل حضورها

بنسوي جرد ...

قلب المرسى تسجيل حضور