سلاااااااااااااااااااااام بنااااات شخباركم؟؟؟

بكره راجعه ماليزيا والله مالي خلق...بس الحمد لله أهلي طالعين معاي

آه آه آه ياشـــــين الغربه.......

هلا الراحلة والله تعرفت على كم وحده الحمدلله بس لسى ابي اتعرف

أمس كان في محاضره للشيخ إبراهيم الدويش عنوانها لقاء الأحبه كانت روعه ما تتصورين وكان في حريم وعشا وتعرف على وحده وشكل زوجها كان من المنظمين عسل ما شاء الله وجهها نور الإيمان يشع منه قالت إنها بسيبرجايا توها صار لها أسبوعين بس من القصيم

تعرفوا عليها

حاسه غن زوجي هالترم بإذن الله بعدين بننقل سيبرجايا اهم شيء ابي شقة جمبك
الله يعين

سلا الخاطر
توصلين ماليزيا بالسلامة يارب
وتتهنين مع اهلك ان شاءالله

قلب المرسى ماشاءالله انا اذكر اول ماجينا كان فيه محاضره للشيخ ابراهيم
و الكل يمدحها و للأسف ماحضرتها
حلو انك تعرفتي على احد من سيبرجايا يمكن اللي تعرفتي عليها هي اللي معنا بنفس العماره
توهم جايين لهم اسبوعين وهم من القصيم

فراشة البيت وين مكان ايكيا بالضبط ياليتك توصفينه
الله لايهينك يالغاليه

السلام عليكم
اسفه على التاخير يابنات
وشلونك يا الراحله والله اشتقنالك وتراني شفت الشبل بالمطار وتعرفنا على بعض بس مابعد شفتها ان شاء الله يمكن اناديها علشان نتعرف

وبالنسبه لايكيا هو بدمنسرى بكتبلك الوصف بالانجليزي احسن
IKEA DAMANSARA,JALAN PJU 7/2
MUTIARA DAMANSARA, 47800 PETALING JAYA, SELANGOR

اتمنى تستفيدون منه بس ليش يا الراحله مابعد جيتو للحين اشتقنالكم تعالو
وزين كلمتي ام محمد والله مشتاقتلها مره

هلا والله فروشه
ياقلبي تسلمين على الوصف
والله ودي بالجيه اليوم قبل بكره مليت من الرياض
لكن قيس بن الملوح مدري وش سالفته
عسى الله ييسر امورنا على خير يارب
اصبري لا تنادين زوجة الشبل لين أجي >> وحده ملقوفه تخاف تفوتها السوالف

ارسلي لي رقمك على الخاص لأني ابشرك شريت جهاز جديد وضيعت الارقام من الفرحه
ماتعرفتي على احد جديد ؟

والله مشتاقتلك مره ومشتاقه لدورية الخميس وجمعتنا عند ام محمد الله يذكرها بالخير