سندريلا

والله اليومين هذي دفا مره الحمدلله يارب يبتل
الجو كذا طرزان و طرزانه مصاخين

الله يستر على طرزان الكبير لا يصخن وابلش

و الزنجبيل الله لايوريك ابريق رايح وابريق جاي
و الحنيني مابعد احد عطاني وجه وصلحه لي

والله اني نفسي بمحلى بس ياليت احد يصلحه لي
المشكله كل ماشفت وحده من اهلي قلت لها ماشاءالله عليك

يقولون عليك محلى و حنيني ماينشبع منه
ودي تقول ابشري من يذوقك اياه تستاهلين يالراحله

بـــــــــــــــــــــــــــــــــــــــــــــــــــــس

اللي تتشقق من الفرحه و تقول صدق يمدحونه
من اللي مدحه وتبدى تشغلني واقول ياليتني ماقلت لها شي

واللي تستحي وتقول الله يسلمس ويعافيس

واللي تقول متى سويته مااذكر اني جبته لأهلي

واللي تجيبها من الاخر وتقول لا تلمحين
قومي وتسنعي وصلحي

يا الله يا بنات ودي اكتب رد وووووووووووووووويل بس العجز ذابحن
اوكي بكتب

شوفي ميلروس ترى قهرتني السالفة نفس الموقف الي صار مع زوجي واخذه فلوسه وهددوه بالشرطة على فان الإثبات حقه وهالخرابيط بس هالشرطة الصعاليك يبون فلوس ماعليك منهم يعرفون مو بلدنا ونخاف بسزوجي الحين توعدهم اولا خايفة غنه حرام وتعرفين حديث الرسول شديد على الرشوه والشيء الثاني يقول والله لو يوقفونا اخش بعيونه

لا تأخذين جواز السفر والله لو يضيع بسم الله عليكم ترحون بخبر كان توكلي على الله وماله داعي الخوف ولا تقولين ما تضيع الشنطة انا مرتين ضاع جوالي مره ضيعته مره انسرق مره عصبت على زوجي وكسرته ههههههههههه شرايكم عندي عقدة جوالات

طيب الراحله خلي ام عبدالعزيز تقول لك التفاصيل صراحة ما اجامل يا ام عبدالعزيز فنانه صراحة طبخك حلو من الحلى للمعجنات واللازنيا ممتاز وتراي عندي حس بالطبخ فهذي اعتبريها شهادة ههههههه

سيما يا قلبي الله يوفقك وإن شاء الله بمستوى عالي بإذن الله وبالنسبة لموضوع الدراسة شوفي جامعات ماليزيه حلوه بس على حسب التخصصات في تخصصات قوية وممتازين فيها في عادي ولا كان ما بعثونا لها الدوله الموقره وانا مع فكره إن الماجتسر خله كذا والدكتواره روح مكان ثاني مثلاُ يعني ولا بعض الجامعات فعلا ممتاز وإن شاء الله الغربة مو على الفاضي بإذن الله بس الواحد يشد حيله ويتوكل على الله

الراحله سلامات عل الطرزان والطرازنه

سندرلا فكره حلوه بس اخاف ما يطلون مع بعض وحنا نتوهق ما تعشينا ولا سولفنا تعرفين رجال ومعهم بزارين

يتبع بعد شوي

دولشي فيتا ياهلا والله باهل اليمن ماشاءالله تبارك الله دايم اهل اليمن محترمين ومثقفين تشرفت بمعرفتك وخاطري مرررره اقابلك انتي وطيبوبه

ميلروس والله مره انقهرت على سالفتك مثل زوج قلب المرسى طلع مره هو ووزوجي ومسكو زوج قلب المرسى قالوله عطنا اللي بالبوك عشان كان ناسي رخصه السياره والله يرفعون الضغط زوجي ذاك اليوم جاي مقهور يقول تسيب واهمال المفروض هذا بلد سياحي ويحافظ على سمعته وعلى بالهم 2020 بتصير من الدول العظمى امحححححححححححححححق ياماليزيا


سيما زين الحمدلله الاختبار كان كويس عقبال ماترطنين انجليزي بطلاقه
وعلى جمعه الرجال والله فطنتين صادقه انتي وقلوبه هونت اجل بسحب اقتراحي يازيني وشوي شوي جايتن معي تحوس بيوتكم الله يصلحه
وعلى الدراسه اخاف اني وسوست بك ذاك اليوم يوم اقولك ودي رجلي يدرس بمستوى احسن من جامعات ماليزيا بس ماعليك ياشيخه الماستر يعديها والعمده على الدكتورا اختاروا بلده حلوه واذا زوجك حاسب ترا كندا مرررررررره كويسه بهالتخصص

الراحله هلا بك والله رجعتي فتحتي نفسي للكتابه يوم رجعتي يلبا قلبك عسانا ماننحرمك انتي يالغاليه بس شكلي انا اللي منيب غاليه عندك يابنت اقولك غيري بين احزاني ترا وقسم بالله ماتليق عليك ماشاءالله تبارك الله
وسلامه الطرزانين مايشوفون شر وعلى الحريم ماتلاقين منهن سنع مهن متلحلحات قومي انتي واعبطيلس تمرتين وزينيلس قريص وحطي معه قطعه زبده وانتهينا وشو الحنيني كله
حواق وبرابيس اكرم الله النعمه وان كانس ياوخيتي عجزه بالحيل اجل بقول لهلي يرسلونلس للرياض من حنيني امي بدي اتش ال عاد اهلي متعقدين منه راسلين عليه هدايا العيد لماليزيا واصل من يوم عرفه ومااستلمنو الا 16ذو الحجه ويقولون احسن توصيل ماشفنا شي

بنات من صدقكم ..؟؟ وش تسوون بماليزيا ..؟ هي بلد سياحه وش اللي مخليكم الا لها شهر و اللي لها شهرين ..!!!


بلد سياحية لا هي حقت عمل ولا دراسه

بس عموما الله يوفقكم

الاخت مرسى الاحلام
اولا وعليكم السلام ورحمه الله وبركاته
ثانيا الله لايحدك اللي حدنا على الدراسه
والغربه وفقد الاحباب حنا جايين في سبيل العلم اللي تدرس واللي مرافقه لزوجها ومن قالك شهر وشهرين البنات هنا بالسنين الله يطوي غربتنا كلمح البصر
وخبرك قديم على ماليزيا انها سياحه
ماليزيا تصنف بعض جامعاتها بالمراكز العاليه مع الجامعات العالميه وهذي كتبه ربي لنا واسلوبك ماعجبني ولاراح يعجب البنات مع احترامي اللي تفتح ملفنا اقل شي تكتب لنا دعوه مب تقول وش تسوون