بنات كيفكم اخباركم

الي تعرف وين القى قدر كاتم تدلني عليه قدري عند وحده من البنات وشكله موب راجع

والله صار لي شهر متوهقه بطبخ اللحم مايسويه الا الكاتم ..

اهلين بنوتات

كيفكم جميعا

اعذروني بنات مدري وش جاني عجز فضيع
ودي اكتب اشياء كثيره تفيد الجميع وانزل اشياء استخدمتها في المول والمصطلحات والمقاضي
بس كسسسسل مو طبيعي دعواتكم ربي ينشطني ومالكم الا سعدكم باذن الله
وعقب ذاك الرد اللي اطول مني تكيسلت زياده وتحطمت بكتب اللي اتذكره الحين
وكل مااتذكر حاجه برجع واحاول افيدكم والله يقدرني


بنت مزون
تسلمين ياحلوه على المقر الجديد
الله يجمعنا في مستقر رحمته
وعلى فكره موضوعك المشتروات كل مادخلته دعيتلك وودي احط اشياء حلوه
ولموضوع رفال بعد بس ذابحني العجز

AMAM2
كني سمعت انه موجود عند موروكو
السوداني وباسعار حلوه بعد



برزبن
شلونك ياحلوه اعذريني عالقطاعه
بس كتبت رد بالتفصيل للبنات واشياء كثير مفيده
وبالاخير طار مع النت السخيف وبعدها يدي انمسكت من العجز
وانشغلت ادور على معهد حلو ومرن ادرس فيه لنا لقاء باذن الله


ان هوم الون
اشتقنالك يالغلا
ولا تغورك دموعك ولا شي انتي هنا ببيتك ومع هدفك ودراستك
وبيتك وش احلى من كذا استمتعي ياحلوه بكل لحظه



مش مش مش مش
ياحيا الله ام حنين تجين بالسلامه
انا مثلك مريت ب4 شهور بالسعوديه بدون زوجي
وااكد لك ان هذا بيتك وحياتك وغربتك هي اللي انتي عايشتها الحين
بتنوراستراليا كلها حياه جديده موفقه وسعيده باذن الله



غلاتك
حبيبتي اول حاجه ودي تتاكدين من اسمك
اذا مايزعجك كلامي لان احس فيه حلف ببغير الله

ثاني حاجه بجاوب على اسئلتك
تعرفين البقاله اللي يقولون عنها عراقيه قدام معهد سارينا روسو
تبيع تمر شفته مش بطال خلاص بس اسود شوي بس احس يمشي حالك بالنفاس
والمفرش فيه محل بالكوين ستريت اسمه بيللو توك مرررررره حلو
وبالنسبه للشغاله عندي هالموقعين على الله يفيدونك ولاتنسيني من دعوه بظهر الغيب
http://www.homeimprovementpages.com.au/home_maintenance/Cleaning_Services?source=ppc&gclid=CPP_xcXnmpoCFShRagod9RpU9g


وهذ
http://www.absolutedomestics.com.au/?gclid=CP-jvbXnmpoCFSMSagod4lGU9Q
موون لايت
مبروك النجاح وعقبال التخرج
واذا على البكا خليها على ربك
من طريق الدمام للبحرين وانا مطفشه البابا
يقول ترا برجعك البيت وبدق على زوجك
اقوله ماراح تجي خلها عند بناتها احسن لها


ام نسيبه
الف مبروك حبيبتي الحمل ولو اني احسها متاخره
يارب شلت همك شلون لا اهل ولا جارات شبتسوين بنفاسك
اكيد ربي ماينسى عبيده ربي يسخرلك من عنده ويهون عليك
واذا تامرين اي شي الخاص عندك حتى لو تبي تفضفضين
تراني احبك في الله ياعسوله الملتقى ربي لايحرمنا من طلتك
وبوسه لنوسا وعلميها من الحين السنع وكيف تتصرف من اختها
بتصيرين مثلي اجل طقم وردتين وه بس فديتهم



فلاور ليدي
اجل انتي كنتي من البنوتات اللي عاليمين
انا اللي جيت وابشرك للحين محتاره بالمعهد
وشي المفاجاه الي تقولين


سلاف
الله يسلمك التيف اخبره حلو بس اظن وقفوا التسجيل فيه
وبعيد عني انا بالسيتي والمعاهد زحمه عندي ولله الحمد
وبشريني وش رسيتي عليه ماريه ولا عاتكه
اكيد هي اللي شاغلتك عننا ياملح البنات بس



رفال
يعطيك العافيه بخير انا ياوجه الخير
وموضوعك تبع المصطلحات يجنن
تسلمي ايدينك اللي تبدع دعواتي لك



العطر الذهبي
سلامه الوالده وماتشوف شر
جعله تكفير ذنوب لها يارب
سلامي لها


الله يخليلي زوجي
يامعشوقه الجماهير وينك
ترا مانتحمل تغليك علينا انتي نور المنتدى
ربي يسهل عليك دراستك ويفرحنا بتفوقك

اهلين بنات

عندي اقتراح
لونرجع نسوي اختصار للملفات يكون حلو
ودي والله اسويها كلها واخذ اجركم بس والله
العجز والكسل ذابحني وثاني شي انا انسانه ابد مورايقه:44:
ولا والله ودي بالاجر و الافاده
وياليت اخت بنت مزون تحطينها باول الصفحه عشان يستفيدون الجايين الجدد




وحبيت اقولكم شي عالشحن شحنت عن طريق الطيار على خطوط الاتحاد
5 ايام وهي واصله
لكن فيه اشياء ماذكروها البنات هنا حبيت انبه عنها
الحكومه هنا تاخذ حوال 150 دولار ضريبه
يعني لازم يحسب حسابه اللي بيروح يستقبل الشحن
ثاني شي اجرائتهم طويله تاخذ بحدود ساعتين وممكن اكثر بالراحه
فانصح بالروحه بدري وحبيت انبهكم مايداومون السبت والا حد
وفيه بنات قالوا تدفعون ضريبه اذا تاخرتوا عن نفس يوم الشحن سألناهم قالوا معلومه خطا
5 ايام تقعد عندنا الشحنه وبعدها نحسب ضريبه يعني الحمدلله يكفي اذا ماانتبهنا
وبصراحه تعاملهم مره حلو وراقي جدا صح نظاميين بس مرنيين لابعد حد
وانصحكم بدعاء اللهم اجعل من بين ايديهم سدا ومن بينهم سدا فاغشيناهم فهم لايبصرون
الحمدلله مرت من بين عيونهم اشياء وربي سلمنا بفضل الله ثم الدعاء
واللهم اكفناهم بماشئت طبعا عشنا حاله قلق قبل نطلع للمطار
بعلي العزيز توه يتذكر ضريبه الاغراض الجديده وانا كل شي جايبته بكراتينه وقراطيسه
وانغثيت غثه موطبيعيه وقعدت ادعي كل الطريق
والحمدلله لمن عبينا الابليكيشن مافكرت اقول ان عندي شي جديد جزمت وربي اعانني
والحمدلله مرروها فعشان كذا امنصح الجدد مايجيبون شي بكراتينه يحطونها مع بعض او كراتين مو لها
عشان مايشكون انها جديده وبس هذا اللي عندي عن موضوع الشحن

سندريلا الحلوه
لبي قلبك ياشيخه
بالفعل الارواح جنود مجنده ...والله حتى أنا حبيتك
أحبك الله الذي أحببتنا فيه ...وربي يجمعنا في جنته يارب
وتعالي هنا متى بتنزلين الحركتات اللي عندك ؟؟؟؟
شوي وتبدأين دراسه وتقولين والله مشغوله في الدراسه
يلا شدي حيلك واتنشطي خلينا نشبع منك قبل ماتختفين زي بيسو وهوم ألون والباقيين ربي يوفقهم
والله يبارك في عمرك يارب وه ياناث فديت البنوتات ربي يسعدهم ويحفظهم
ايوه والله جالسه افكر كيف بتصرف وقت الولاده
مع انه يوم ولدت نوسا ولدت لحالي مو عند أهلي بس برضو غير مو زي الغربه هنا
بس ربي يسهلها
ومشكوووووره ياعمري على فزعتك نوقف لك في كل خير ان شاء الله

برزبن
ياعمري عليك ماشاء الله تبارك الله بدأتي دراسه
ممتااااااااااااااز
ربي يوفقك ويسهل أمرك انتي وكل بنات استراليا وازواجنا

الله يخليلي زوجي
ياقلبي أين انتي
بوسه على راسك من فوء بس تعالي >>انواع اللهجات هههههه
مايهون علينا زعلك
ولاننسين انك اكرمتينا مرتين في بيتك ربي يكرمك
يلا اليوم ويك اند طمنينا عنك

أم الحلوين
اتفضلي ياعسل

http://forum.hawaaworld.com/showthread.php?t=1045678

وحشتوني وحشتوني وحشتووووووووووني
كيفكم ياحلى مغتربات وكيف احوالكم ادري اني مقصره بحقكم بس ايش سوي كنت كل مادخلت المنتدى تجي للجهاز فايروسات مدري ليه
المهم والله وحشتوني فين البنات مني شايفتهم فين بيلسان وهووه وملبورن ومون لايت وباقي البنات طبعا الخير والبركه بالموجودين
الله يخليلي زوجي والعطر الذهبي
ايش اخباركم ان شاءاله تمام

يلا اشوفكم على خير