سالي انا عندي بعد الغدة واليوم رحت لدكتور الغده وخبرته اني حامل وطلب مني فحوصات للغده عشان يشوف الجرعه تكفيني والا لازم يزيدها عشان البيبي
الله يثبت حملنا ويرزقنا من واسع رزقه ياااارب

الله يعوضك خير ويثبت لك حملك
حتى انا سقطت قبل شهرين الله يحفظ لي اللي ببطني ويطمني عليه وكل ماحسيت بمغص او شي جاني وسواس

اخباركم يا بنات الله يثبت حملنا مثل ما قلت لكم كنت ابي اعرف نسبه هرمون الحمل عملته بمسوصف خاص اثاري الفلبينيه تحسبني ابي اعرف اذا حامل او لا ما عملت لي تحليل رقمي . المهم لما رحت الدوام سويته بالمختبر حق المستفى الللي اداوم فيه وطلعت النتيجه 2900 الحمد لله .
امس بس رحت مشيت بالسوق وحسيت ظهري صار يعورني واقول لزوجي تعبت خلنا نكمل بكره وهو يقنع فيني خلينا نخلص مره وحده
رجعت البيت ورحت الحمام الله يكرمكم الا اشوف نازله علي افرازات بنيه خفيفه
المهم رحت لطوارئ الولاده والاطفال عندنا الساعه 2
الله لا يوريكم عليهم برود وبطئ في تقديم الخدمه مو طبيعيه دهلت قدامي بس 3 ظليت تقريبا ساعتين لين الساعه 4 الا ربع الفجر انتظر دوري لين دخلت على الدكتوره وقلت لهااللي صار معاي والافراز اللي نازل قالت اعراضك اعراض حملخارج الرحم تعالي اسوي لك سونار مهبلي
المهم انا توكلت على الله وعملت لي السونار وقالت اهم حاجه انه فيه كيس في الرحم وهو مو حمل خارج الرحم وارتاحي وابتعدي عن الجماع ولا تجهدين نفسك
طيب قلت لها انا عندي دوام اليوم الصباح عطيني اجازة مرضيه لليوم علشان ارتاح فيها قالت ما نعطي اجازة للمجرد انه نزل عليك دم انتي بس ارتاحي المهم اليوم سحبت على الدوام والله يثبت حملي يارب

السلام عليكم اخواتي
مبروك التجمع الجديد، انا عضوة قديمة في هذا المنتدى كان اسمي ام مروان، منذ مدة ما دخلت للمنتدى و نسيت الباسوورد الله المستعان، اضتريت اني اغيره


المهم يا حبيباتي ، الامس اكتشفت اني حامل، و موعد ولادتي 20 مارس 2016، و انا في الاسبوع الرابع.
هذا حملي الثاني و لله الحمد، بس انا خايفة شوي
ممكن تعطوني نصائحكم، انا في الحملي الاول اللي كان قبل سنة و 4 شهور ولدت قيصري، هل راح ياثر الحمل الثاني على الجرح، و هل من الممكن اولد طبيعي
الله يتمم حملنا و يرزقنا الذرية الصالحة الصحيحة ...♥

السلام عليكم كيفكم يابنات الله يتمم حملكم ويثبته ويقر اعينكم بشوفتهم في اتم الصحه والعافيه انا رحت المستشفى لانهم كانوا شاكين انه حمل خارج الرحم لكن الحمدلله شفت كيس الحمل وعندي مراجعه بعد اسبوعين الله يسهلها يارب قالت عمر الجنين 4 اسابيع و3 ايام يارب ثبته واجعله تام الخلقة والخلق
انتوا انتبهوا لانفسكم الشهور الاولى اصعب مرحله اذا عديناها خلاص راح الخطر بإذن الله