تجمع نفاسيات يوليو و أغسطس 💅🏻

ببدأ فيكم حسب اللي قريت وجمعت من النت وبعضها طبقتها وبعضها جاري التطبيق بإذن الله

اه ياربي منقهره كتبت كلام وش طوووووله عن القيصرية اخر شيء علق جوالي وراح كل الكلام بغيت اصيح الا شوي مع القهر

وينكم بنات يلا تفاعلوا :(

بالنسبة للجرح :
خياطتي كانت ( كبس ) انظف الجرح مرتين يوميا مدة 14 يوم ب مسحات طبية وبعدها احط كريم صارفته لي دكتورتي ..


بالنسبة للشاور :
عادي تروشي ووسعي صدرك بس اهم شيء اذا طلعتي نشفي الجرح كويس عشان مايكون رطب ..


بالنسبة للأكل :


خلي اكلك كله شوربات ونخاله وبر وعصيرات وكثري موية خصوصا اول اسبوع عشان الامساك بعد القيصري الله يكرمكم حتى الطبيعي احرصي ع كذا ..


بالنسبة للهومات :


القيصري ابتعدي اول اسبوعين عن الفلفل الابيض والاسود عشان الحوار بتأثر ع الجرح وبعدها استخدميها اذا حابه بكمية بسيطة مره اما الطبيعي عادي كلي منها
(حلبة وماش ) ملعقه ص مرتين يوميا اول عشر ايام مع الاكل او تلهمينها وتشربين وراها حليب ..
معجون التمر مع الرشاد والسمن اخر 20 يوم


قريت عن هالمشروبين انها كويسه للكرش :
الاول شمر ويانسون في ترمس وتصبين عليها موية مغليه وتخلينها تركد نص ساعه وتشربينها
الثاني قشر قهوه وقرفه وزنجبيل فريش وكمون بكميات بسيطة في ترمس وتصبين عليها موية مغليه وتخلينها تركد نص ساعه وتشربينها


اليانسون مره كويس للغازات ..

ماتحمسون صراحة :(