ترد الروح :

قصتي بالتفصيل للقيصريات اللي يتمنون الثاني طبيعي طبعا طويله تعبت اكتبها لكن اول شي بدا الموضوع صدفه يوم الخميس ان بنتي قرصتها حشره وانتفخت رجلها ورحنا ودينها مستشفى خاص وقلت دامي واصله خل اطمن على البيبي لاني ماحسيت بحركه اليوم وسوت تخطيط ومغذي لان الحركه مو قويه وكشفت الرحم مسكر وقالت اشعه تفصيلها هذا الكلام المغرب بعدين قالت مشيت حقه الاشعه تبين تجين الساعه ١٠ الليل ولا تنتظري لسبت لان الجمعه مافي دوام قال زوجي نجي ١٠ ايش ورآنا وجئنا سوينا الاشعه وقالت الماي ناقص ٣ لازم تولدي اليوم قلت طيب تسوون لي تحريض باليد قالت لاا ماينفع قيصريه قلت عطوني اوراق الاشعه بروح حكومي اطمن وارجع لكم وطلعت على مسؤوليتي ورحت حكومي وطلع فعلا الماي ناقص وكتبو لي تنويم وقالت الدكتوره اللي بالحكومي تجلسي عندنا تحت الملاحظة لين بكره يجي الاستشاري يشوفك وممكن تولدي قيصريه وممكن يسوون لك تحريض باليد الاستشاري يقرر وحولت اوراقي لأخصائي واقوله هل الجنين يتحمل لبكره ولا بتولدوني قيصري قال انا ماقدر اعطيك كلام جنينك هو يحدد انا ايش عرفني اقولك بيتحمل ولا واحترت قلت خلاص بطلع على مسؤوليتي مابي اولد عندكم قيصريه قامو الممرضات ينافخون قالو مره ثاني لاتجين الا اذا خلاص بتتنومي مو تضيعي وقتنا >> لاني قبلها بكم يوم كتبو لي تنويم ورفضت حقدو علي ووقعت على مسؤوليتي وطلعت رحت الخاص وجلست بالسياره خايفه انزل قلت لزوجي خايفه اكون استعجلت بالقرار واندم اني ماحاولت طبيعي لان الراس بالحوض وكل وضعي يهيئه للولاده الطبيعيه وجلس يقرا سُوَر من القران وقالي برجعك الحكومي احس انهم احسن مرتاح لهم قلت الحين بيعصبون علي الممرضات اللي بالحكومي قال يعصِّبون بالطقاق يطقهم غصب عليهم يدخلونك ونص ساعه ورجعنا لهم الساعه وحده ورحت وفعلا نفسو علي وقالو تلعبي علينا وقالو انتظري انتي مطوله وخلوني انتظر للفجر دخلو كل اللي موجودات خلوني الاخيره كانهم بينتقمو مني 😑 وجلست اصيح من المعامله الخايسه وانا احاتي جنيني وصعدوني الفجر وسوا لي سونار ثاني وقال الماي ناقص بس مو ناشفه قال تقدر تتحمل كم يًوم وجا يوم ثاني الجمعه وشافتي دكتور وقال بيكشف علي وبيسوي لي تحريض وكشف وسوا تحريض زي وجهه ماحسيت بشي ابدا كانه الم كشف عادي وقالي الرحم مفتوح اثنين سانتي واليوم اللي بعدالسبت جات دكتوره وكشفت علي وسوت لي اسم انه تحريض المتني بس قليل وقالت اثنين ونص ونزلت السداده افرازات ثقيله مخاطيه مع دم واليوم الثالث الاحد جا الاستشاري اللي اتابع عنده وسوا سونار قال لي تبين طبيعي ولا عمليه قلت لا ابي طبيعي وكشف وسوا تحريض الله لايوريك الم الم موطييعي لدرجه صارخت وهو يقول شنعتينا بصوتك بس فعلا حسيت انه سوا تحريض مو زي اللي قبل كانهم يمسحون علي هذا فقص برحمي بقوه وبعدها رجعت الغرفه وبدا الالم ونزل دم وماي هذا الكلام الساعه ٧ وجلس يجي ويروح الالم كل ثلاث دقايق تخيلو ان الطلق بدا معي الفرق بينه ثلاث دقايق بدون مقدمات زي قريت انه يبدي نص ساعه وبعدين كل عشر دقايق ويقل لا انا على طول بدا الفرق بين كل طلقه والثانيه ثلاث دقايق وجلست أتألم لدرجه مافطرت وتذكرت كلام وحده هنا قالت اكلو شي عشان البيبي مايتعب ورحت اكلت تمره بالغصب مع حليب ولا جات الساعه ١١الا طرشت اللي أكلته وطلبت منهم يكشوفو علي تعبت من الالم وكشف دكتور وقال ٥ يلا ودوها وودوني القسم الولادات وكشفت نفس الشي ٤ونص او ٥ وركبو علي جهاز التخطيط وجلست أتألم مووت موتت اترجاهم ابي مسكّن موراضين يقول لما نشوف التخطيط البيبي اذا كويس عطيناك والرحم علق عندي على ٥ كل ماكشفو ٥ ويأست انا وانتظرت نص ساعه ولا في فايده ماعطوني وقلت خلاص ولدوني عمليه مابي اولد طبيعي قالت انتي قلت الاستشاري انك تبين طبيعي قلت الحين غيرت رايي ابي عمليه يلا وجابو القصطرره وركبوها واتصلت على زوجي اقوله خلاص بولد عمليه بوقع الاوراق وقال لاا تسوينها الم ساعات ولا الم شهرين وبنتك كيف بتشيلينها وترضعينها وقلت ماقدر اتحمل واسكر بوجهه وهو يدقق يقول لاتتهوري سمعي كلامي تحملي واقوله هم يلعبون علي مايبون يعطوني مسكّن وسمعت المحادثه الدكتوره وكلمه الاستشاري وقال عطيها مسكّن وجات قالت نعطيك مسكّن بس اذا خذتيه مافي عمليه ؟ قلت اذا ماراح الالم ابي عمليه قالت اتصلي على زوجك اول وقولي له انك بتاخذي مسكّن مابتسوي عمليه واتصلت عليه قلت خلاص عطوني مايحتاج اقوله قالت لا لازم يصير عنده علم >> طلع زوجي اللي متصل عليهم بقولهم لاتولدونها عمليه احر ماعندي أبرد ماعنده وهم كذا جلسو يماطلو حسو اني متردد قالت الدكتوره انتي رافضه الالم مو الولاده الطبيعي قلت ايي المهم بعدين عطوني مسكّن بس ماكانه مسكّن الالم ماراح بس حسيت اني دايخه وابي انام وكل بين طلقه والثاني احس اني اغفي واجلس على الطلقه ولا اقدر اصرخ حتى زي الدايخه امسك الالم وقلت لهم تعالو كشفو وكشفت قالت ماشاء الله كويس ٧ و٨ ماباقي شي وجلست اطبق التنفس شمي ورده وطفي شمعه بعد ماعطوني المسكن واطلبها ماي تجيب لي ربع كاس وارجع اطلبها لان الالم ينشف الريق وقالت كم مره انتي تبي ماي خلاص حسبي الله عليك تبيني اموت عطش وهذا مركب لي قسطره ايش يضرهم لعطوني ماي وجلست نفس الشي لجات الطلقه امسك خصري واتنفس الالم يتشتت اشوي واقول لنفسي انا قويه راح اتحمل مابستسلم في ناس تتعذب اكثر مني >> اصبر نفسي واشع نفسي💔 وبعدين زاد الالم وقلت اكشفو علي وجا دكتور وقلت لحظه بتبرز اف يالفشيله قال تبرزي خذي راحتك وكمل كشف وقال خلاص ودوها غرفه الولاده ١٠ ورحت وانا مازلت دايخه من المسكن كاني بحلم واتألم وماطولت بغرفه الولاده بعد قمت ابرز اف فشيله والله مادري كيف صار كذا وانا مو ماكله وقالو اذا حسيتي بالم دفعي ومع الدفعه يطّلع براز وأنتو بكرامه اول دفعه صارخت والثانيه صارخت الثالثه قال لا اكتمي صوتك ودفعي سويتها وهم يجشعو فيني يلا شاطره كملي كملي بيطلع يلااشاطره والرابعة تعلمت الدفع عدل وكتمت بكل مافيني ودفيت بقوه وطلعت بنوتي حبيبتي نتفه طبعا بعد تذكرت اللي قالت بالتجمع هنا انها طولت بالدفع جلست ساعتين لانها تعبانه ولا دفعت عدل وضعف نبض جنينها عاد قلت بطلعها بسرعه وعشان ابي أتخلص من الالم مابي اطول شدِّيت حيلي وركزت بالدفع الطريقه بس اكتمي صوتك ودفعي لدرجه بتحسي عيونك بتطلع بس بكل قوتك ماراح تطولي كم دفعه وترتاحي اهم شي انك ماتصرخي وقالت الدكتوره انتي شاطره من عطيناك مسكّن ههههه لان قبل المسكن كنت اصارخ بكل قوتي بعد المسكن ماقمت اصارخ اجمع طاقتي وقالت شفتي هالنتفه وتبين تطلعينها عمليه قلت الله يعطيك العافيه ماقصرتي واشوه انهم ماسمعو كلامي والمشيمه ماطلعت جلست نص ساعه وهم يفقصو في بطني والم طلق ثاني بس الحمدلله بالاخير طلعت وكنت خايفه ماتطلع ويحولوني عمليات وبعدين قلت خلاص قالت لا في خياطه😱 وانا مستانسه افكر ماسوو لي جراحه طلع سوو وانا ماحسيت اصلا بس عطني ابره مخدر تحت وخيطت ماحسيت بالم الخياطه الحمدلله وبنتي خذوها الحضانه لان قالو سبب ولادتك ماي ناقص لازم يشوفها الاستشاري قبل نصيحتي للي عندها ولاده قيصريه وتبي طبيعي قبل تولد حكومي لأنهم يعطونك محاوله حتى لو ترجتيهم تبي عمليه انا لان فاتح ٥ ماعطوني وجه غير انه بعد الخاص رفضو يسوون لي تحريض باليد بس الحكومي اللي وافقو الله يوفقهم كان املي الوحيد هالطريقه لاني والد قيصريه تدرون اني قلت لهم عمليتي بتنفتح ماقدر خلاص وجاو يضغطون على عمليتي يقول مافيها شي وبالخاص قالو لي ان اذا تألمتي من جرح العمليه على طول عمليه ثانيه وأثر قي طريقه يعرفون اذا العمليه انفتح اولا والخاص ماقالت لي حسبي الله عليها سووا لي الحكومي تحريض الساعه ٧ الصباح وبدا الطلق وولدت الساعه ٣ العصر وبس تعبت وانا أكتب احس خربطت من الوناسه احس اني سويت إنجاز ههههههه والله يعظم اجر كل والد صدق عذاب الولاده

قصتي بالتفصيل للقيصريات اللي يتمنون الثاني طبيعي طبعا طويله تعبت اكتبها لكن اول شي بدا...

Um Humood :

صباح الخير 💗 ابشركم الحمدلله ولدت وجبت بنوته عطوني طلق صناعي بس النونو ماتحملت الطلق وتوقف النبض وشالوه بسرعه و رجع الحمدلله وقالت لي ماتتحمل الطلق عشان المويا شوي والحبل السري يصغط عليها و دخلت عمليه بنج نصفي العقبال لكم يا رب بالتساهيل

صباح الخير 💗 ابشركم الحمدلله ولدت وجبت بنوته عطوني طلق صناعي بس النونو ماتحملت الطلق وتوقف...

lanlooon :

😕😕 الله يفرج عليك ويسهلك وتفرحي بولادتك قريب جداً حاولي تستعيدي ايجابيتك ❤️ الله يهون عليك استخيري وروحي اليوم للدكتورة ونكلمي معاها بخصوص الطلق انها تديك موعد او هلى الاقل تكشف وتشوف الرحم فاتح ولا لا العنق كيف سماكته

😕😕 الله يفرج عليك ويسهلك وتفرحي بولادتك قريب جداً حاولي تستعيدي ايجابيتك ❤️ الله يهون عليك...

kanzaan1405 :

الحمدلله على سلامتكم بنات وعقبال الباقي ربي يسهل عليهم

الحمدلله على سلامتكم بنات وعقبال الباقي ربي يسهل عليهم