يوم السبت الماضي تاريخ 8 رمضان بعد الفطور حسيت المغص اشتدت قوته وانا اسولف مع اختي وقفت سالفتي وبعدها عادي بس كان يجيني هالمغص مرتين او ثلاث باليوم واطلع شقتي بعد الفطور واغسل ملابس بنتي وملابسي وانظف بيتي ويجي زوجي حول الساعه 1 ونسولف فجاه المغص جاء اقوى واخذت نص ساعه ورجع
وبدا يجي كل ربع ساعه
زوجي ارتاع يحسبني بولد قلت لا توني المهم انه اشتط وعجز ينام وقال مشينا ورحت الطوارىء وقاست لقته 1 ونص وقالت لي اصلا انتي يبي لك تنويم خلصتي التاسع تبغينا ننومك اليوم قلت لا قالت بكره قلت مابغى تنويم قالت لازم ضروري انتي قبل عمليه قلت طيب بكره واطلع وسحبت عليهم ورجعت بيتي الساعه6 الصباح ابنام مرهقه
واجلس بالصاله مع بنتي ابد الطلق عيا يوقف كل 5 دقايق ابنام عجزت جالسه واغفي دقايق ويقومني
الين جت الساعه 12 الظهر قلت خلاص ابمشي واكل تمر
وامشي في بيتي واكل تمر وماء دافي بعسل وكل 5 دقايق طلق مع ظهري نااار اتمسك باي شيء عندي واعضه من قو الالم
واقول بتصبر يمكن اجيهم وهو فوق 6 واولد على طول
ويوم اذن المغرب واختي تجيني مانزلت افطر معهم واصرفها هههههه وحطت فطوري
والله ماكلت حبه وحده وادق على زوجي اقول تعاااااال خلاص ماتحمل ويجيني طاير مسكين كان معزوم على الفطور بعيد عني
واحط بنتي تحت عند ام زوجي واروح المستشفى ويقيسون يلقونه 3 ونص
والطلق عادي بس مو حامي وياخذون نص ساعه ويطلعوني ولاده وادق على امي تجيني
وابد يشبكون المغذي وكلش وكل ماقاسوا 4 وفكت المويه وبعدها 5
سانتي ويعطوني طلق صناعي
وكانوا يعطوني المخدر بالاكسجين يدوخني بعد الطلق اغفي وانام واهلوس على امي ههههههههه ويوم جت الساعه 5 الفجر صار 6
وابد يجوني كميه ممرضات روايحهم عطور ويجيني غثيان احس برجع ومن عقبها تقفل رحمي يقيسون نفس ماهو 6 لين جت الساعه 10 الصباح قالوا لازم عمليه
قلت خلوني شوي اصبروا قالوا لا طولتي قلت توني ابد منا ومنا
وابد تمسكني القلم والورق وتقول يلا وقعي بسرررعه وانا اوقع مدري وين الله حاطني من تعب الطلق ودروخه المخدر
ويعجلوني لغرفة العمليات ويبنجوني نصفي وراح الم الطلق وانتظر مولودي ويوم طلعت اقول وش جبت قال عروسه عروسه
وشوي يغسلونها وتجيبها الممرضه عند راسي وتوريني اياها
وثواني ماحسيت الا يوم فتحت وهم يلصقون العمليه خالصين وقاضين ...
بغرفة التنويم تعبت واكتشفوا اني نزفت بالعمليات ودمي كان 11 نزل لين 6 ماقدر اقوم من السرير ابد ان قمت اغمى علي وماشوف شيء
ويعطوني 3 اكياس دم والله اني 15 ساعه منسدحه على ظهري ميبسه حتى يدي ماحركها
بس الحمدالله
وجاني شد على جهة قلبي وظهري وكتفي بغيت اموووت منه
كله بسبب المخدر اللي مع الاكسجين ذبحني اصيح صياح احس روحي بتطلع
ولاحين موجود انام شبه جالسه بس كل يوم يخف الحمدالله
واذا مسكت الجوال اتعب منه لو دقيقه وللحين يتعبني بس اشوا من قبل
عشان كذا طولت مادخلت عليكم
رسال2008 :
احسها مستحيل تصدف بنفس اليوم وإن صدفت بنفس الشهر لكن تفسيرها واحد وهو التسنين يعني يوم نوى يطلع كرت للعايله عطاهم تواريخ افتراضيه وكل الكبار الان تواريخ ميلادهم بشهر رجب لان مافي تاريخ محدد ويوم طلعوا لهم الاحوال سننوهماحسها مستحيل تصدف بنفس اليوم وإن صدفت بنفس الشهر لكن تفسيرها واحد وهو التسنين يعني يوم نوى يطلع...
زوجي اخوياه يطقطقون عليه هههههههه يقول لا يكون ناوي تسوي مثله
بديت باول واحد
بديت باول واحد
رؤوم :
بنات انا توي جايه من مراجعتي والله ابكي من اليوم الدكتور يقول معك التصاق بالمشيمه واحتمال استئصال الرحم سواء ولدتي طبيعي او قيصرية😭😭😭 ااااه يابنات شكواي لربي وش هالهم الجديد ماشلت هم الا الموت مابيه استغفر الله ياااارب بس ابي عيالي وش افضل مستشفى بالرياض ممكن اروح له الله يفرج همومكم وييسر ولادتكم ويتمم بخير لكل من ولدتبنات انا توي جايه من مراجعتي والله ابكي من اليوم الدكتور يقول معك التصاق بالمشيمه واحتمال...
الله يفرج همك ويكتب لك اللي فيه الخير
ان شاء الله البنات يفيدونك
ان شاء الله البنات يفيدونك
رؤوم :
بنات انا توي جايه من مراجعتي والله ابكي من اليوم الدكتور يقول معك التصاق بالمشيمه واحتمال استئصال الرحم سواء ولدتي طبيعي او قيصرية😭😭😭 ااااه يابنات شكواي لربي وش هالهم الجديد ماشلت هم الا الموت مابيه استغفر الله ياااارب بس ابي عيالي وش افضل مستشفى بالرياض ممكن اروح له الله يفرج همومكم وييسر ولادتكم ويتمم بخير لكل من ولدتبنات انا توي جايه من مراجعتي والله ابكي من اليوم الدكتور يقول معك التصاق بالمشيمه واحتمال...
الله يفرج همك ويسهل لك ولادتك
روحي للحرس الوطني على ضماااانتي
روحي للحرس الوطني على ضماااانتي
الصفحة الأخيرة
الله يحفظ ولدك ويبعد عنه كل شر
ويمن عليه بالصحه والعافيه ويقر عينك فيه