OmAboddy :

يسسسعد صباحكم حبايبي ... كيفكم ي كروشات وي نفوسات ؟ من مثلي ماخيطوها وهي بالنونو الثاني ؟

يسسسعد صباحكم حبايبي ... كيفكم ي كروشات وي نفوسات ؟ من مثلي ماخيطوها وهي بالنونو الثاني ؟

@عيون الغرام@ :

السلام عليكم يسعد صباحكم وكل اوقاتكم لكم وحشة والله وماتغيبت عنكم الا للظروف الصحية والا كل يوم نفسي ادخل واقولكم تفاصيل ولادتي ،، يوم السبت الماضي الموافق ٨ رمضان صحيت قريب العصر ودخلت الحمام وانتم بكرامة وبعد مامسحت لقيت فيه فرازات بنية وقلت بس يابنت هذي سدادة الرحم😁 واستمرت كل مادخلت للحمام ومسحت يكون فيه وكل ماله تزيد وماكنت احس الا بمغص خفيف ، لما جت الساعه ١١ رحت لطوارئ مستشفى حكومي عشان اشوف كم فاتح الرحم لما قاست طلع بس ١سم، وطول ماانا بالمستشفى كنت واقفه وامشي ماقعدت ابد رجعت للبيت هلكانه ادور السرير انسدحت وشغلت ايات تسهيل الولادة للشيخ المعيقلي ونمت وانا اسمعه لي ساعه وصحيت قبل الفجر ،، طبعاً مااستعجلت على نفسي من حيني ماراح استعجل واروح للمستشفى الا اذا استمر وانتظم الطلق بعد الفجر شربت موية دافية ذوبت فيها ملعقة عسل وبعده بدأ معي الطلق المنتظم كل نص ساعه تقريباً وكنت امشي ورقيت ونزلت الدرج كله كذا مرة وكنت اشرب موية زمزم بعده طرا في بالي اسوي مشروب لعل الله ينفع به ويحمي الطلق غليت موية وحطيت معه ٣ تمرات خلاص وشوي مسمار وشوي زعفران وشوي حبة سوداء وخليته يغلي شوي وشخلته وشربته وفعلاً بعد حمى معي الطلق وصار كل ربع ساعه يوم جت ٩ ونص وكنت صابره ومتحمله ليما صحى زوجي عشان يروح لدوامه ويوقع ويرجع لي عشان نروح للمستشفى لانه مشواره ساعه بس مع شددة الطلوق الي جتني قطعه زوجي بااقل مدة 😃 بس وقته كانت الالام تموووت على اني صبوره واتحمل الحمدلله بس والله تجي طلقات غصب تصييح وصلنا مستشفى الحبيب بالقصيم وقته كانت الساعه ١١ وربع الصباح وعلى طول ع الطواري ووقاسو الرحم كان فاتح ٤ سم وركبو جهاز تخطيط الطلق نص ساعه ، الساعه ١٢ دخلوني غرفة الولادة 😢 وغيرت لبسي وعطوني الحقنة الشرجية ، وماتحملت الالم وقررت اخذ ابرة الظهر وقاسو الرحم كان فاتح ٥ سم ووافقو يعطوني وجاء فني تخدير وعطاني اياها بعد ماوقعت على ورقة اخلاء مسئولية .. والحمدلله كانت اكبر نعمه ،وركبو لي قسطرة بول ، وعلى المغذيات طول فترة الطلق ، ولحد ماوصل الرحم ٧ ونص بعد ماقاسته وفتحت كيس موية الجنين دكتورتي الي تابعت عندها طوال فترة الحمل (انصاف) كان الكلام هذا الساعه ٣ العصر بعد ساعه قاست الرحم كان فاتح ٨ ، وكل شوي تسألني النيرس اذا جتني دفعه اعلمها وانتظر الدفعه وانتظرررر ماحسيت بشي بيطلع 😳 ولما جت الساعه ٤ ونص حطو لي كمامة وكل شوي خوذي نفسس خوذي نفس وبقدرة قادر ارتفع البيبي (شفع)~<<ماعرفت هالكلمة الا يوم ولدت 😅 وانه بدأ ينقص الاوكسجين ويضعف النبض ،، وشوي ودخلت دكتورتي ودكتورة ثانية ودكتور وكذا نيرس ومع فني التخدير ،، قالت الدكتورة النبض يضعف بشكل سرييييع وغير طبيعي وممكن يوقف قلب الجنين 😭😭 وحاولو نيرسيين يضغطونه بطني عشان ينزل بس مافاد😢 وخلوني اوقع على ورقة العمليات وادق على زوجي اعلمه وانا اصيح مافهم شي عاد المسكين اضطر يرجع لمدينتنا عشان يقفل الدوام اجبرة مديرة الله يسامحه والا كان معي بالغرفة طول الوقت للساعه ٣ المهم،، والله يابنات وبظرف دقايق يمكن ماتتجاوز ٣ دقايق الا انا بغرفة العمليات وبنجوني نصفي لان كنت اخذه ابرة ظهر فساعدت على هالشي وكل يد ماسكتها نيرس لان وقتها ارجف وماعلى لساني ومن كل قلبي الا يارب ألطف بي يارب ارحمني يارب يارب تعبي لايروح يارب فرحتي الاولى والي انتظرها تممها ولاتفجعني 😭 لحد ماسمعت صرخته يوم طلعوه واصيييييح ابي اشوفه ابي اشوفه😭 هذي اخر كلمة قلته وبعده غبت عن الوعي عطوني مهدي ومنوم لان ماوعيت الا وانا بالملاحظة واسال النيرس كم الساعه وقالت ٦ ونص المغرب واقوله وانا اترجاه وين ولدي ابي اشوفه 😭 قسم لحظته انررحم ، متخيلين اخر كلمة قلته بعد العملية واول كلمة قلته من صحيت ابي اشوفه😢 مااخفيكم عشت لحظات عصيبه وكرب عظيم لايعلم به الا الله ، متخيلين كل الامور كانت تسير بالسليم ومهيأ لولادة طبيعية وبلحظة تغير كل شي لكن الحمدلله لولا لطف الله بي وبجنيني والحمدلله الذي جعل له مخرجاً، والحمدلله على خيرة الله لنا والحمدلله على كل حال.. وهذي قصة ولادتي ادري طولت عليكم بس العذر والسموحة نفسي اقوله لكم من اول يوم لكن وضعي الصحي ماكان يسمح وبس ارتحت وخفيت كتبتها لكم ياصديقات مرحلة وهن على وهن ❤️ ،،، باقي القصة (مابعد الولادة) اكتبها لكم وقت ثاني🌹

السلام عليكم يسعد صباحكم وكل اوقاتكم لكم وحشة والله وماتغيبت عنكم الا للظروف الصحية والا كل...

*ضوءالقمر* :

يسعد صباحكم💕 ومبروك لكل اللي ولدو🌷 والكروشات ربي يقومهم بالسلامه🎀

يسعد صباحكم💕 ومبروك لكل اللي ولدو🌷 والكروشات ربي يقومهم بالسلامه🎀

abraar@ :

عظم الله أجرك ياقلبي💔 والله يلهمكم الصبر بفراقهم ماعد يبغون منكم الا الدعاء والصدقه اكثرو لهم منها والله يرحمهم رحمه واسعه ويغفر لهم ويجعل قبرهم روضه من رياض الجنه ويجمعكم يارب في جنات النعيم الحمدالله على كل حال

عظم الله أجرك ياقلبي💔 والله يلهمكم الصبر بفراقهم ماعد يبغون منكم الا الدعاء والصدقه اكثرو لهم...