جوجو*ام*جوجو :

السلام عليكم ورحمه الله وبركاااته أصبحنا واصبح الملك لله والحمد لله أجل انخرشتوووا هااا فكروا بالتفرزن ومقاضي رمضان،،وبتولدون باذن الله سالفتي يابنات،،اولاً،،لو تشوفون رحمه ربي فيها، من اسبوع تقريباً وانا استغفر وادعي واحوقل ان ربي ييسر ولادتي ويعجلها واصوم اول يوم ع امي💕💕 الزبده نسيت سالفه الولاده فعلاً،بس مستمره عالذكر،يوم الاحد والاثنين صار ينزل علي الله يكرمكم افرازات شفافه مخلوطه بدم،،ما اكذب عليكم اني خفت بشكل فضيييع،،بس قلت راح اصبر لين يجي موعدي الثلاثاء واقول لدكتوره،،رغم اني متردده اني بعلمها،،طبعاً كان عندي حرقان،،،ماغير اشفط بحليب مراعي ومافاد،،طبعاً جاني غثيان وما اكل مثل اول،،وجتني الالام الدوره كمان،،والفخوذ والظهر واشتكيت لكم وقتها،،،اثاريه بدايه طلق،،بس انشغلت مع ولدي وبنتي لانهم سخنوا علي فجاءه،،وتعبوا،،وتعالوا شوفوا وضعي بالبيت،،،صباح الثلاثاء اشتدت علي الالام الله يكرمكم بفتحه البراز والعصعص،،شي شي فضيييع،،ودم وافرازات،،،وجيعااان ،،بس امشي وانسدح ،،لاني اذا مشيت ادوخ،،بطني فاضي،،واقوم زوجي واقوله شكل اللي فيني طلق ،،وانخرش مسكينن وقام،،بس رفضت اني اروح بدري المستشفى ،،وما جت الساعه ٢الا وهو وراء بعض،،،بغيت ابكي حسيته ححااار حااااار ،،وحسيت اني بولد بالبيت،،والا السياره من الالام،،تخيلوا راكبه السياره وادف الباب برجلي،،واسمع صوت البلاستك كأنه بيتكسسسر😭😭😭😭،،،مدري ايش وضع زوجي وقتها،،الظاهر بيبكي،،كل شي والا سيارته،،قالي يلا نودي الصغار ع خالتهم،قلت مايمدي خلاص واصله معي،،احس بالجنين تحت يابنات ،،بعضمه العانه والالام خلاص ما وقفت،فخفت اولد بالسياره،، ونوصل الطواري،،وتعالوا شوفوا ايش قد برودته الممرضه،،تقول قومي مييزان،،بغيت اهفها برجلي اليمين،،لاني لاحضت وقتها رجلي تنط لوحدها من الالام😬😬😬 اقولها مقدر واصير ،،المدخل حق الطواري كله رجال،،ودخلتني وراء الستاره وتعطني جهاز اكسجين وتشوف الضغط،،،اقولها بولد وهي مافي ابرد منها وتدفني وتدخلني غرفه بقسم الرجال بالطوارى،،ياني حقدت عليها،،،واقولها ابي اكسجين،،قالت مافي هنا فوق،،قلت طيب طلعيني فوق ولاده،،تقول لازم اكشف،،طبعاً تدرون كيف كشفت،،فتحت ملابسي من تحت وسحبت الفوطه،وتقول مافي دم ماما هذا كله وانا اموت من الالام الططلق،،وهي ولا تحركت ساكن،،قفلت الستاره والباب وخرجت من هنا،،وانا تجيني الولاده من هنا مافي احد عندي،، تخيلوا طلعت ولدي وحسته خرج،،وخلاص ما عندي دفع ،،وانا عبالي خرج،اصاري وقف بس راسه طلع،،بس ما طلع مني،لسى وجت على صراخي،،وقالت بوووش بوووش،،قلت خلاص طلعته ،قالت لا باقي يلا بووووش،،اثاري ولدي نشب وانا عبالي خلاص ،دام الدفع خلص فهو طلع مني وجلست ادف بدووون شي،،بدون احساس يابنات،،،غصب عني،،لاني كنت جيعان ومافيني حيل،،،طبعاً،لابسه عباتي ومتنقبه،،لو تشوفون شكلي اولد وانا متنقبه،،وتقول ليش ولاده،،قلت لانك ماسمعتي كلامي اقولك انا بولد طلعيني فوق،،ورفضتي ،ودقوا على الدكتوره وجت تبي تنظفني،،تقول المشيمه ماطلعت،،وجابوا اغراض من فوق وابره بفخذي عشان يطلعونها،،والله يابنات،اصبع بسري،،ويد داخل رحمي،،الله يستر من الافتاق،،احس بيدها بتطلع من وراء،وجلست فتره طويله ع هالحال وانا بس اصييح،،الم فضيع،لا كمام مهدئ،ولا ابره ولا مسكن ولا شي،،يارب الاجر وقالت فسخي عباتك وملابسك،،قلت مقدر لازم لبس ،وانا بموقع رجال،قاموا غطوني ببطانيه وبقرفي ،،وطلعوني فوق،،طبعا جابوا قابله تكشف علي،،تقول لسى باقي في اجزاء برحمك ولازم تنظيف وظليييت يمكن ساعتين ع هالوضع،،شفت الموت يارب رحمتك،، تخيلوا ضليت من دون تنظيف لييين ٨الليل،،ماتروشت ولا تنظفت،،بغيت ابكي بكااااا عاد بعدين جت وحده الله يسعدها وساعدتني وعطتني اشياء ودخلت تنظفت،،ومالقوا لي غرفه😬😬😬 وضليت بغرفه المخاض،،لين لقوا لي سرير بالدور الارضي والحمد لله من قبل ومن بعد،،الحمد لله ان في رب يكتب اجرنا بكل شي ولدي بالحضانه من جبته بساعتين او ثلاث،،ورافضين ينزلونه عندي،،وانا جاني نزييف عالولاده نسيت اقولكم،،،ومقدر اطلع فووووق والله ييسرها واخرج وارتاح من الحوسه اللي عشتها معهم ان شاء الله بس ماتترعبون من الاكشن تبعي ومشكورين كل من رد علي،،وكل من خااااف،،،😂😂😂 وكل من توهق،،،ياعمري انتو الله ييسرها لكم،،ويسهلها يااارب عليكم واللي تفكر بحسبه ولادتي،،انا امشي على ايام الجماع ،فقط،ما كنت احسب على سونار ولا الدوره،،عشان كذا حسبتي دقيقه،،وهذا انا ولدت بنص الاسبوع الثالث من التاسع،ع حسبتي طبعاً

السلام عليكم ورحمه الله وبركاااته أصبحنا واصبح الملك لله والحمد لله أجل انخرشتوووا...

رسال2008 :

صباح الخير بنات تعبانه من الغازات حتى النفس ماقدر اخذه وعطوني علاج ومافاد ابي تجاربكم بطني منفووووخ

صباح الخير بنات تعبانه من الغازات حتى النفس ماقدر اخذه وعطوني علاج ومافاد ابي تجاربكم بطني...

lanlooon :

انا بعد شويه رايحه المستشفى طلعت نتيجة تحليل البول وقالو في التهاب تعالي خذي مضاد وفي مجموعة تحاليل دم سوها لي مدري حقت ايش برضه بأخذ نتيجتها ما اتوقع يكشفو علي شكله راح يكون بس يشوفو نتيجة التحاليل ويمسكوني الباب نفسي تكشف على الاقل بس اعرف في الحوض ولا لا اذا مو في الحوض امشي واطلع درج ووو اما اذا في الحوض بكمل تسدح او يسولي سونار يشوفو اوضاعي بس خلاص خلصت مراجعات عندهم قالت لي الاسبوع اللي راح خلاص بكذا خلصنا ومبروك عليك التاسع اذا حسيتي بشيء تعالي على الطوارئ 😒😒 عاد قلت استنى اخلص الاسبوع ٣٧ واروح لخاص علشان اسوي السونار

انا بعد شويه رايحه المستشفى طلعت نتيجة تحليل البول وقالو في التهاب تعالي خذي مضاد وفي مجموعة...