الله يبارك فيكم كلكم ويسلمكم ربي 🌷🌷
والله إني دعيت لكل بنات التجمع إن الله يسهل عليهم ولادتهم
مالكم بالطويله راح أقولكم الأكشن 😎
نمت الفجر عقب ماصليت وطبعا مافيه أي بوااادر للولاده ابد ابد
ويوم جت الساعه تقريبا تسع الا تنكب علي مويه دافيه فزيت منها وتروعت لان اول مره تنزل علي واقوم ولا أدري وش أسوي وعاد كنت جوعانه بالحيل لان اليوم الي قبله ماأكلت الا شي خفيف قلت مالك الا العسل واخذ ملعقة عسل
واقعد بالصاله احتري الطلق يجي وماش ماهنا طلق واروح اصلي الضحى وأدعي ربي من قلب انه يهون علي ويهون ولادتي
وجلست يمكن الى الساعه وحده ونص ولا احس بشي قلت مالي الا اروح واتطمن ع الوضع ورحت الطواري الا الحمدالله تقول مفتوح خمسه سانتي وطلعوني لكشك الولاده
والحمدالله يارب كنت احس مغص محتمل ومعطيني الكمامه واذا جا المغص سويت حركة شم ورده طف شمعه والله يابنات انها تخفف وتشتت الالم
وجلست ساعه كامله تقريبا وفتح عشره سانتي والألم يارب لك الحمد مازاد علي الا في العشر الدقايق الأخيره من الولاده الي مع الدف
وانا كان في بالي اني راح اطول مع الألم القوي وجت الدكتوره وقالت يالله بووووش هذاي اشوف الراس وانا مو مصدقه والحمدالله دفتين وطلع ولدي
والحمدالله كانت سهله يارب لك الحمد لكن الي خوفني فيها الضغط كان مرتفع عندي وعطوني حبوب له وقت الولاده ومانزل الا شي بسيط
الله يبارك فيكم كلكم ويسلمكم ربي 🌷🌷
والله إني دعيت لكل بنات التجمع إن الله يسهل عليهم ولادتهم...
مادري والله بس ان شاءالله يلف مثل ماقالت لك الدكتوره