هاي شله
من البارح ادور نت في المستشفى واعطوني الباسوورد وقلت بادخل التجمع بعد مايمشو الضيوف ولما مشو ودخلت طلعت كلمة المرور تنتهي الساعه ١٢ خخخخخخخ ولازم وحده جديده
المهم الله يبارك فيكم جميعا اللي باركو لي وعقبالكم جميعا
الاكشن بدا معي من صلاة العشا يوم الاربعاء كان التحجر غير محتمل وشد تحت بس لاني تعودت عليه فماجا ببالي ولاده نظفت مطبخي ونومت بزورتي ونمت وصحيت صلاة الفجر صليت واحس شد زي الشد العضلي اسفل البطن يروح ويجي جهزت بزورتي وراحو المدرسه الا الشد يروح ويجي وافتح الجوال اشوف كم بين الشدوالثاني طلع ٤ دقايق سويت لي كوب حليب حار مع عسل واكلت تمر كثير ولاكملت اخر تمره الا الالم زااااد وماعاد قدرت اوقف عرفت انه طلق مو شد😅
وصار قريب وورا بعض لدرجة صرت ابكي واون بصوت عالي يادوب لبست العبايه وبصعوووبه وصلت السياره وفي الطريق حسيت بالدف قوي وصرت اصرخ وابكي من قوة الالم واول ماوصلت الطوارئ على طول ودوني غرفة الولاده وانا اصرخ عليهم اعطوني ابرة الظهر لاني طالبتها في الملف ولما كشفت الدكتوره تشوف كم سانتي مفتوح لقته مفتوح ٩ سانتي وفي ثواني رفعو رجلي وقالت بسرعه بوش الراس طالع خلاص وهي دفه وحده وبنتي خرجت يعني لو تاخرت دقايق كان ولدت في السياره بس ربي ستر الحمدلله
بعد ماطلعو بنتي حطوها على صدري سمعتها تبكي بس ماقدرت اشوفها لاني دايخه من التعب وماحسيت بشي حتى الدكتوره تخيطني وتنظف بطني وانا في عالم ثاني
طبعا ركبوا لي قسطره وتركوني في غرفة الولاده ساعتين بعدها فكو القسطره وودوني غرفة التنويم
وكل اموري تمام لو مو المغص اللي بعد الولاده بس على المسكنات
عقبالكم يارب تولدو وتقومو بالسلامه
هاي شله
من البارح ادور نت في المستشفى واعطوني الباسوورد وقلت بادخل التجمع بعد مايمشو الضيوف ولما...
شكلها ما سوتها فيك هالمره 😂