الحمدلله رب العالمين
الله يبارك فيكم يارب ويسلمكم
وتولدون بصحه وسلامه
اما ولادتي قصه الله يكتب الاجر
من بدايه الثامن كان عندي طلق وتنومت وعطوني ابر
توقف الطلق والحمدلله ،، واخر يوم بالثامن رجع جاني طلق
وقالت الدكتوره لو ولدتي عادي بكرا تدخلين التاسع
بس الحمدلله كان الرحم مقفل
من اول يوم بالتاسع بديت استخدم خلطة قمم التميز
بس بدون محلب مع ٧ حبات تمر ولاحظت من دخلت
التاسع اختفى الطلق بس يجيني شد والم دوره خفيف
ولا كنت امشي
وقبل كم يوم رحت كشفت بشوف الرحم فاتح والا لا قالت مفتوح
واحد والرحم مهيا للولاده والراس نازل تحت لازم تمشين 😁
كانها داريه اني ماامشي
بعدها مشيت نص ساعه اول مره واليوم الثاني ما مشيت
وامس الصبح طلعت مشيت بالحديقه الي جنبنا نص ساعه
بس ماحسيت بتعب واشوف الرمل الي عند العاب الاطفال
قلت اجرب امشي فيه 🙃 يمكن خذت ٤ لفات متعب المشي فيه
بطني تحجر وقلت خلاص يكفي حتى فخوذي وجعتني
والظهر حسيت فيه شي نزل واشوف الا السداده
بس بدون الم ولا طلق والعصر بدا يجيني الم بس محتمل ومن فتره لفتره بعد العشاء زاد بس على فترات متباعده بس الطلقه حاره ،، على الساعه ٩ قلت ابي انام شوي قبل اولد ويزيد الالم ماقدرت انام رحت سويت من الخلطه وشربت مويه مع زعفران وعسل ،، وسخنت زيت زيتون مع حبه البركه ودهنت ظهري وبطني وكان الطلق قريب من بعض وحار وحطيت المويه الحاره على ظهري وبطني وطلعت لبست ماعاد قدرت خفت اولد بالبيت
من قوه الطلق ونومت عيالي ورحت تقريبا الساعه ١٢ ونص وصلت قالت مفتوح ٥ ونص ولاده وعلى ماطلعوني صار ٧ 😭 قلت ابي ابره ظهر وعطوني بس طبعا ماخدرتني مره لان مفروض اخذها قبل
لازم يكون ٤ سانتي مو اكثر بس الحمدلله على كل حال خففت شوي من الم الطلق ،،
وكنت بين الطلق اجلس اقرا ورد الولاده
على الساعه ٢ ونص تقريبا كان الرحم مفتوح ٩ الحمدلله بس ولدي نام وسحب علي 😭 جلست الممرضه تحركه والولد ساحب حلت له النومه
والحمدلله بعدها تحرك وبدا الطلق يزيد 🤕🤕 وفتح ١٠ وبدينا
دفني وادفك 😂 طولت كان مهدود حيلي جوعانه ومانمت
كل ماجت الطلقه يتحمسون الدكتوره والممرضات يالله يالله شاطره 😂😂 وانا مافيني حيل وتروح الطلقه وترجع ورا بعض ماعاد اقدر اخذ نفس وعلى هالحال الين حسيته فيه بيطلع وادف
الين خلاااااص 😓 والحمدلله طلع النتفه بفضل الله وانا كاني بحلم مو مستوعبه وخذوه وجلست تخيط وانا اسمع صوته 👶🏻 ياربي لك الحمد ،، وتم بحمدالله وانتهت رحلة وهنا على وهن
والله يهون عليكم يارب
ومدري وش كتبت بس عاد هذا اكشن الولاده للحين احس اني بحلم والحمدلله
الحمدلله رب العالمين
الله يبارك فيكم يارب ويسلمكم
وتولدون بصحه وسلامه
اما ولادتي قصه الله يكتب...
وبشري كيف صحة البيبي وزنه كل شي تمام ،،
تجربتك حمستني انا ادخل ال ٣٧ الخميس الجاي