حبوبه سوت لي تحليل الدم لانه ممكن الدوخه من فقر الدم وضغطي اليوم كان 80/50 شي كذا بس بغيت اسئل تحاليل الي عطتني اليوم مسويتها في الحملين القبلين يعني مثل الزهري والايدز والكبد الوبائي مدري اذا لازم اعيدهم لانه بيكون عندهم وفي المركز الصحي ياخذون تحاليل مناعه بعد وانا من الاساس عندي فقردم وكل مره ياخذون صعبه افكر اسويهم وارجع اخذ النتايج المركز الصحي اذا لازم اسويهم انتو سويتوهم او ما يطلبونهم عندكم

مساء الخير
كيف الكل
يارب اجعله صياما مقبولا
بنات بغيت اسئلكم تتطبخون اومثل حالتي افطر عند اهل زوجي وبعدها عند اهلي
بصراحة مرا اتعب وادوخ
امس ماسويت شي بس قليت السمبوسة جاني هبوط وعرقت وغثيان
الله المستعان بس
مين مثل حالتي

والا رد على زمان احلى الله المستعان

قلبي زمان احلى ارسلتلك على الخاص اول ما وصلت رسالتك شوفي رسالتك وبتشفين ردي حبيبتي خاطري بطفل انا مثلك واكثر امس ما سويت شي واغماء علي

بنات بكتب لكم طريقه صلصه حاره تقدرين تاكلينها مع رز واحد من اهل زوجي متزوج هنديه واخذت الوصفه من عندها سهله ولذيذه وكلها مواد طبيعيه مفيده زوجي يقولي ما بتقدرين تسوين مثلها ويوم اكل منها قال لا والله لذيذه هههههههههههههه تاخذين سمسم وفول سوداني وتحطينهم على الفرن من غير زيت لين يصير لونهم بني تشيلينهم وتطحنينه في مطحنه القهوه وتكونين مجهزه نعناع طازج وفلفل اخضر حار تحطينه في الخلاط مع السمسم والفول السوداني الي طحنتيه وتكونين مجهزه على الفرن شويه سنوت وورق الغار في شويه زيت لين يتحمر السنوت تطفينه وتخلينه يبرد شوي وتصبين فوقه الخليط كامل وبلهناء والشفاء والي يزيد لا تكبينه لانه ما يخرب حتى كم يوم