لا والله كل يوم اقول بكره ولا رحت اسوي التحليل الى الان

عصفوره طيب مافي عندك اخوات جنبك ولا زوجك عنده اخوات او امه جنبك

ممكن تجي اخت زوجي يومين 3 وبعدها بتروح
امي بيني وبينها ساعة واختي بعيدة وحامل بالامارات واخت زوجي بمنطقة تانية يعني اقرب شي امي علي بس مارح تجي

مسائكم فل و نور حبيباتي طمنوني عنكم ؟؟؟؟؟

اللهم لك الحمد كما ينبغي لجلال وجهك و عظيم سلطانك اللهم لك الحمد حمدا طيبا كثيرا مباركا فيه ملئ السموات و مل الارض و ملئ ما بينهما

صبايا يبدوا انو ما الي نصيب بهالحمل الحمد لله على نعمه ظاهرها و باطنها اليوم صحيت من النوم و الا بدا معي نزيف خفيف بالاول لكنة كان احمر

اتصلت على دكتورتي و حكتلي اروح على دكتورة تانية لما وصلت المستشفى كان نزيف حاد عملتلي الدكتورة التراساوند داخلي طبعا لو تشوفوا النزيف على الارض و على السرير و الله اني حزنت على حالي حتى الممرضات لما صرت امسح بالدم صارت وحده تحكيلي خلص مدام انا بمسح المهم البيبي زوجي واقف مصدوم و انا النزيف مو طبيعي فجاة زاد لدرجة مو طبيعية بدون مقدمات و بدون و جع و لا اعراض و الممرضة التانية بتحكيلي مدام لاتخافي هاد بيبي مانزل شوفي طبعا الكيس موجود و بعيد عن عنق الرحم و عنق الرحم مسكر و كلشي تمام طبعا لما طلعت للدكتورة حكتلي الكيس موجود لكن نموه بطيئ يعني مو زايد كتير عن الاسبوع الماضي بالاضافة انو ما في جنين حكتلي اوقف المثبتات و انتظر ينزل لحاله مع انو الممرضة بتحكيلي شكله ممتاز دائري يعني من شكلة مو حمل ضعيف بس كلام الدكتورة غير قارنت بين حجمه يوم الجمعه و حجمه اليوم حكتلي انو الحجم قريب

على العموم ارادة ربنا فوق كلشي قدر الله و ما شاء فعل ربي يصبرنا انا و زوجي و يربط على قلوبنا و يرضينا بما كتب لنا و يجعللنا فيه الخير يارب

والله ان العين لتدمع و ان القلب ليحزن و انا لمحزونون اللهم اجرني في مصيبتي و اخلف لي خيرا منها يارب

لا اوركيدا ماتستسلمي روحي عند دكتورة تانية شوهالحكي من اول مرة اخدتي بكلامها يعني شلون كلو تمام وبعدين بتقلك وقفي المثبتات يمكن يرجع يكبر
انا برأيي ماتوقفي مثبتات وبكرة او بعده روحي عند دكتورتك وخليها تشوف الوضع مرة تانية