سروبة الف الف الف مبروك

الله يبارك فيك يا عيني على الشرقيه روح الغلا العسل خطر بعد الترجيع

سروبه الحمد لله على سلامتك ونور التجمع فيكي والله
اشتقت لك وفقدتك
اخبار النونو ؟؟
وحابه اسالك سويتي تخدير نصفي والا كامل؟
كمان كيف دمك الان؟
انا دمي عشره مدري اذا خطر وقت الولاده

اهلين يا روحي فراوله وانا اكثر مشتاقه لك ولكم كلكم بس التعب ما خلاني بقولك قصه ولادتي كامله باذن الله بس 10 تبارك الله تمام بس حافظي عليه ولا تهملين ادويه الحديد وعن ولادتي رحت موعدي عادي يوم الثلاثاء والدكتوره قالت بنومك ونسويلك القيصريه قبل لانه تاريخ ولادتك بكون انا اجازه وقالت اذا دمك 9 مابننقل لك دم لكن اذا اقل ع طول نقل دم رحت تنومت وطلعت نتيجه دمي 8 .7 يعني تقريبا 9 قالت الدكتوره المناوبه خلاص ما يحتاج نقل دم صار الاربعاء وجات دكتورتي وقالت لالالالالازم نقل دم واهلي ما قصروا جاو تبرعوا واولهم خالي قالو لا الان تنقلين دم ما ننتضر فحص الدم وقبلت غصب عني الا بدخلت خالي قالت لهم خلاص مابي دمكم وكان سبحان الله خيره بعدها قالو دم خالك لا قريب منك ورجعت وافقت على دمهم وحطوه لي بعد شوي حسيت بالم في كل جسمي واني بردانه جابولي 6 بطانيات وبعد بردانه جات دكتوره تتكلم مع الممرضه تقولها ما عليك فيها مافيها شي مفكره اني ما افهم انجليزي وعديتها لاني كنت تعبانه شوي والا داخله دكتوره ثانيه صحتني الا اشوف الممرضات جاين يركضون وقفوا الدم واخذوا مني 10 انواع تحاليل وانا منصدمه وساكته بس اشوفهم واسمع الدكتوره معصبه تقولهم غلطتين في يوم واحد قلت مسكينه الي جنبي سوالها مثلي ما ادري انها انا الغلطانين فيني مرررتين الصبح جاوا يقرون الملف الا طلع اول مره ارفض الدم فيها كان الدم بلغلط مو جاي باسمي وخيره اني رفضته وبعدين عرفت انه صار عندي رده فعل من الدم والحمدالله طلعت منها لانه الدكتوره تقول هاي الي صار لي يسبب وفاه لانه دقات قلبي صارت 150 وضغطي وقف على 40 وتاخرت ولادتي الى يوم الجمعه دخلت غرفه العمليات رفضوني قالو دمها نازل لاني ما اخذت الا نسبه بسيطه من كيس الدم وخايفين يجيني نزيف ومايقدرون حتى دم اقرب الناس لي امي وابوي ينقلون لي دمهم لانه جسمي رافض اي شي قعدت الممرضه تترجاهم لاني من جد تعبت نفسيتي وفي النهايه وافقوا ودخلت الولاده وجبت احلى نونو فديته ربي يبارك فيه بس الى الان عندي اعراض حساسيه الدم الي صارت لي والحمدالله اني طلعت منها والحين مداومه على المضاد وابر التجلط لانهم كل ما يبون يسحبون دم يرفض يطلع طولت عليكم وقصيت لكم قصه حياتي ههههههههههههه

الحمدلله على سلامتك سروبة

إن شاء الله أجرك عند رب العالمين كبير

الحمدلله الحين ارتحتي ماشاء الله ويارب طفلك يعوضك عن كل التعب اللي تعبتيه