هلا ام فارس

انا الحمدلله زينة بس احس بنخز خفيف خاصة وقت لما ابغى الحمام وطول الفترة مريحة

اما بالنسبة للسباحة اسبح واقفة بس على السريع ما اطول

والصلاة لسه على الكرسي لان دكتوري قال لي خلك اسبوع عشان لايصير شد مع الركوع والسجود وبعدين عادي عشان بس يتعود الرحم

على الربط

والحركة خفيفة يا دوب لحد الثلاجة اذا بغيت موية والا عصير

الله يعينا جميعا ويتمم حملنا يارب العالمين

السلام عليكم شخباركم بنات
سروبه حبيبتي طمنيني عنك ان شاء الله طيبه
واخباركم بنات كلكم دون استثناء ؟؟؟

السلام عليكم
لا انا بجد زعلانه منكم
اسمي وينه مو موجود بالسته حذفتووووووه ياويلي
هههههههه
الف الف مبروك التجمع الجديد
جيت ابارك لكم وابشركم بولادتي الفًُجائيه
عموما انا قطعت عن التجمع لأن انفتح الرحم عندي ٥سم بالأسبوع القبل الأخير من الشهر السادس وتنومت بالمستشفى كم يوم واخذت اربع جرعات من ابرة الرئه وكان الدكتور يقولي لاتتحركي عشان لاينفتح الرحم اكثر يبغى اقل شيء ادخل السابع
وبالفعل جلست ست ايام ما اتحرك نايمه على ظهري وراسي على تحت ورجلي على فووق وضعيه صعبه مرررره
بس قدر الله وماشاء فعل ماكملت ست ايام الا جاني الطلق ولأن البنت الي تحت كانت معترضه دخلوني العمليات وولدت قيصري
الحمدلله على كل حال
جبت بنتين ياقلبي عليهم الحين في العنايه المركزه الحمدلله كل شيء فيهم سليم بس تنفسهم كان شويا صعب بس الحين الحمدلله
وحده سحبوا عنها التنفس الصناعي وخلوها بس على الاكسجين
والثانيه لسى على التنفس الصناعي سحبوه منها كم ساعه بس تعبت ورجعوه لها ماقدرت تستحمل
اما على الاوزان ياربي مرررررررررره صغااااااار بحدود ٩٠٠ جرام
ادعولي يارب يحفظ لي بناتي ويخليهم لي ويتعدون مرحلة الخطر واشوفهم قدامي بصحه وعافيه ياااااارب
بجد ادعوووولي
وحطوا اسمي ضمن الي ولدوا يمكن احس بالتفاؤل ويروح مني القلق والخووووف على بناتي  

يا قلبي يا ماذا أفتقد
ربي يبارك لك فيهم ياااااااااااارب و يحفظهم من كل شر و يقر عينك بشيلهم بين احضانك قريب امييييييين

حبيبتي جبتيهم بلاسبوع كم بالضبط؟ و ايش سبب فتح الرحم؟؟
و بأي مستشفى ولدتيهم؟؟

ربي يجعلهم عطا صالح ياااااااارب

بنات ابيكم تفيدوني انا احس جسمي مره ناشف خاصه بطني احسه مشدود مررره واحس بحكه وكمان صدري ابي كريم او زيت طبيعي استخدمه عشان ماتجيني تشققات تكفون لا تطنشوني انا عارفه ان فيه كريمات بس ابي شي مجرب