نفس حالتي
زوجي ناوي يخليني اسبوع بس
ابوي لما شافني كسرت اطره لاني مره نحفت وهذا اول حمل لي ف قال لزوجي خلها اسبوعين عندنا ووافق زوجي
وطول اليوم يقول اكلوها وريحوها خلوها تسمن قبل تروح لزوجها 😂الله يطول بعمره

صباح الخير صبايا مين مثلي الدكتورات هبلو فيني كل وحده تقولي جنس للجنين

الاقتباس شغال بالغلط عندي

🌺مساء الخير للجميع. اخباركم صبايا مع الحمل انا وضعي مستقر بعد العمليه ودي أرد عليكم بس الذاكره ماش حمل وعمليه الحمد لله علي كل حال كاجو تعجبني قوة شخصيتك حلو الواحد يأخذ حقه شعور جميل

السلام عليكم ؛ صباحكم ورد 🌹
ماشاء الله فتحتم بيت جديدالله يجعله تجمع خير علينا جميعا ..
كيفكم كروشات وحده وحده اشتقت لكم كلكم بس فيني كسل ونووووووم فظييييع الله يعين ويعدي ذي الشهور بسرعة ونولد واحنا بصحة وعافية ياااااااارب ..


الأمل 🌹
ي حبي لك جعلك ماتفقدين غالي يارب ويتمم حملك ويرزقك الحسنى وزيادة 🌹🌹🌹




عروب 🌹
الله يحفظ لك الوالد ولا يخليكم منه يارب ؛ ارتاحي وريحي وانبسطي دامك عند أهلك ربي يتمم عليك بخير ..


أم هادي 🌹
عوافي عليك الكبدة ؛ أنا ماحبها بس اشتهيتها منك الله يديم النعم علينا ولا يحرمنا منها ؛ الحمدلله لا اشتهينا شيء جبناه وبعض الاكل موجود ونعافاه غيرنا يتمنى كسرة خبز لو ناشفة يالله لك الحمد لا تحرمنا ولا تغير علينا ..


بنت المملكة 🌹
أنا أكثر شيء اشتريه من صفر إلى ثلاثة وإنتي موعد ولادتك نهاية شهر واحد لا تكثرين مررررا عشان شهر وبيجي الشتاء ؛ واشتري اكثر شيء الأفرولات إللي تجيك كاملة عشان ماتلبسينه شراب ؛ واحرصي إن فتحاتها تكون أمامية هذي أحسن شيء وخذي له ثمان أو تسع لبسات ونوعي في الاولان ..
البرتبوزات الداخلية خذي تسع كمان ويكون لونها أبيض لأنه رضيع وبعض الألوان تطبع على الجسم خليك على الأبيض أحسن ومقاسها من 0-3 ..
خذي له مهادات ستة تقريبا راح يكفون ..
عدة الشور والاستحمام خذي النوع إللي ترتاحين له وخذيها آخر شيء وانتبهي لتاريخ انتهائها خذي مجموعة كاملة شامبو ولوشن تجيك مجموعة في الصيدلية خذيها كاملة ..
وخذي كرسي للشور لا تاخذين بانيو الكرسي مرا سهل وعملي ويخلي عملية الاستحمام لك مريحة وسهلة لأنك تحطين البيبي عليه وتروشينه من دون خوف أبدا ..
رضاعات خذي حجمين ثنتين صغار ووحده وسط ؛ الصغيرة زجاج هي أحسن شيء ؛ نظيفة مررررا وماتتوصخ ..
بطانية وحده تكفي ؛ ومنشفة ..
خذي لك طقم كامل مع لفته يكون مرتب وشكله أنيق للاستقبال وإذا جوك ضيوف ..
وبعد الأربعين انزلي السوق وقضي إللي تبين يكون شوي كبر وبانت ملامحة وتختارين اللبس وتجربينه عليه يصلح أو لا لكن فترة الأربعين خذي الحاجات الأساسية بس ..
الله يسهل عليك ويرزقك الذرية الصالحة الطيبة ويقر عينك فيها ..


باقي الحوامل مرررا مو متذكرة شيء هذا إللي تذكرته واعذروني على التقصير ..


بحاول أطل عليكم قبل رمضان إن شاء الله لأني في رمضان مادخل نت ومواقع يالله يمدينا على الشغل ونحاول نقرأ كم آية الله يجعلنا من صوامه وقوامه ياااارب ...