:أماني: :

ياحبيباتي الف شكر يابنات واسمحو لي ارد برد واحد مانبي طاقه سلبيه تسلمون وربي يعطيكم العافيه ويوفقكم يارب وتبشرونا والله اني قويه جدا ومومنه جدا وعندي يقين تام وراضيه ومتوكله على الله ومحتسبه ومش يائسه ابدا بالعكس متفائله وادعي للكل وافرح للكل. لكن جد زي ماقلتو عادي الانسان يمر بفترات يتعب فيها نفسيا. ودي اطلع اغير جو اسافر بس زوجي موقادر حاليا كثير مشغول انا اللي جايني احساس غريب كره على غضب على عصبيه من اللي حولي وماابي اشوف حد احس داخلي زي البركان اللي يغلي على الصامت . وثانيا طبعا ما قد تكلمت عن علاجي ولا عملياتي بس استغربت من وحده من بنات عماني قالت لي راح تعيدي العمليه انصدمت مره ماادري كيف عرفت قلت لها لا وهذا من فتره طويله. يمكن هذا الموضوع يشكل ضغط علي. ماادري والله مشاعري ملخبطه. يمكن احتاج اشوي وقت علشان الملم نفسي.

ياحبيباتي الف شكر يابنات واسمحو لي ارد برد واحد مانبي طاقه سلبيه تسلمون وربي يعطيكم العافيه...

Crestalla :

اماني اذا الناس اذتك بلسانها انا عندي طريقة استخدمتها حسيت انها تسكت العالم عني اذا احد سالك بس طفل واحد او ليش ما تجيبين غيره ؟ قولي تو الناس الولد صغير ( وترى فعلا ولدك مرة صغير يا اماني يعني ماعليك شرهه) وقولي زوجي مايبغى اطفال حاليا الين الولد يدخل المدرسه ويعقل شوي لانه مرة منزعج منه الله يصلحه شقي. كلمة (زوجي مايبغى ومنزعج ومتأذي من شقاوة الولد) هذي تسكت اللي ما يسكت وانتي حطي عليها شوي بهارات انه مهددك لو تحملين بيزعل عليك 😂😂 انا مرة ضابطة معاي هالعذر كل ماقالو كلمة قلت زوجي ادعوله يغير رايه يقولولي احملي من وراه وحطيه امام الامر الواقع ارد عليهم ماااااقدر زعللله شيييين وتربيه الطفل تحتاج ام واب ماقدر اربي لحالي ينطمون بعدها .. وكلنا فاهمين شعورك انا كانت لي محاول بشهر جولاي العام وشهر اكتوبر كلهم فاشلات بنفس وقت الفشل بلغوني انه سلفتي حامل وانا ادري انه هي في نفس الشهر تاركة حبوب منع الحمل وبعدين عدت العمليه في شهر مارس وفشلت كمان وبنفس الوقت رحت اشتري هدية ولادة سلفتي وانا قلبي يتقطع ورحت زرتها والله جابو البيبي البنت وكل اخوات زوجي قامو يشيلونها الا انا حتى ماقمت من مكاني خفت يبان علي اني متشفقة وانفضح على اساس اني مألفة عليهم اني مكتفية ومابغى بنت وانا قلبي يتمناها قبل عيني وسمتها على اسم امي كمان 😂 الله يهنيها بما رزقها ويرزقنا مثل او اقضل من ما رزقها والله خرجت وانا اسحب رجولي وكنت لي يومين بس اخذه نتيجة تحليل الفشل وما نقول الا الحمدلله على القضاء والقدر مازال وضعنا ارحم من غيرنا بكثير ..

اماني اذا الناس اذتك بلسانها انا عندي طريقة استخدمتها حسيت انها تسكت العالم عني اذا احد سالك...