بنات الرسايل الخاصة مقدر ألحق عليها بس وعد مني ان شاءالله هاليومين بنزل موضوع مستقل فيها التجربة بالتفصيل الممل وفيه كل الإجابات اللي بتحتاجونها لأني حاسة فيكم قبل اروح كنت محتاجة لهالمواضيع وماحصلت بس عموما الان أقولكم بإختصار شديد
١- نصيحتي لكل إنسانة في الدنيا انها تكنسل عملياتها هنا اللي استنزفتنا وتجمع مبلغ زين وتسافر بدون تفكير تسويها في المستشفى الأمريكي في تركيا
٢- تركيا تحتل المرتبة السادسه في الحقن المجهري في العالم تخيلتوا !! ومختبرهم جبار وإمكانياته حسب المعايير الأوروبية
٣- انا طول عمري في مستشفياتنا هنا وأجنتي ضعيفة ومن درجات ثانية ولا احلم حتى بالتجميد يرجعون كم واحد والباقي يرمونها الزبالة ولاعمري رجعت في يوم خامس شفتوا التحطيم اللي كنت اعيشة !! هناك ماشاءالله تبارك الله رجعولي في اليوم الخامس تخيلو واجنه قويه وانقساماتها ممتازة لاااا وتخيلو بعد جمدولي كذا واحد ممتاز اللهم لك الفضل من قبل ومن بعد " هذا وش معناه !! معناه ان المختبر ممتاز اللي قدر يختار فعلا الحيامن الصحيحة ونتج عنها أجنة صحيحة
" وهنا كل اجنتنا تنرمي في الزبايل :(
٤- هناك الطبيب صديق المريض تخيلو طبيبتي اذا مرت من الانتظار وانا جالسه لازم تمرني تسلم علي وتناقشني وتاخذ اوراقي وتعجلهم وتخلص اموري !! بالله فيه طبيب هنا يسوي كذا ؟؟
٥- من المفارقات العظيمة اللي حسستني ان الطب إحترام تخيلو بعد عملية السحب بيوم فيه موعد رسمي مع الطبيب تجينه المستشفى عشان يشرحلك وضع اجنتك وانقساماتها وخطته في الترجيع وماعندهم شي اسمه درجة اولى وثانيه عندهم ملاحظة الانقسام انا لما قالتلي اجنتك ممتازه ناظرت الورقة قلتلها بس درجة ثانية !! جاها انهيار عصبي قالت وش ثانيه ووش اولى تدرين كيف يحكمون هالحكم !! من الخارج فقط لكن ماله قيمة القيمة في الانقسام وجوهر الاجنه فقط
" ااااه ياقلبي هنا تجلسين يوم ويومين تنتظرين تتكرم عليك ممرضة تتصل عشان تعلمك متى تروحينلهم الترجيع وتروحين تهابدين ماتدرين كم بيرجعون ووش الدرجة لا واحيان مايتصلون انتي اللي تتصلين بعد "
٦- الترجيع مو مرض ولا داء عشان تنسدحين وتاخذين وضعية اللي يحتضر ولاله دخل في الاكل ابد ويوم الترجيع قبل تدخلين العمليه تقابلين طبيب الاجنة ويجلس معك يعلمك آلية الترجيع وكيف وضعك خلال هالاسبوعين وكذا الشي الوحيد الممنوع هو الجماع او العمل العنيف والرياضة واهم شي ينبهك اول يومين ارتاحي لانها اهم يومين لكن مو انسداح في السرير انا ماطلعت من الفندق اول يومين وكل شي مسمووووووح انتي انسانه طبيعيه اطلعي وتمشي واكلي واشربي وتسبحي مثل حياتك بإعتدال " انا رحت الاسواق والحدايق والمولات والمطارات وركبت ونزلت وجلست ووقفت وكل شي اللهم لك الحمد وكليت كل شي نفس الاجانب ويوميا افطر كوب شاي حليب هههه والمساء اشرب شاي وكل يومين اشرب كوفي وكابتشبنو وااكل سويت وبقلاوة وكل شششي سويته ماعاد الممنوع بالفعل
٧- الادوية اللي يفقعون فيها بطوننا هنا لين نغص تخيلو اصدمكم !!؟؟ انا الان وفي فترة الترجيع كلها ما ااخذ ولا دواء الا حبة الفوليك 😍 وتحاميل خياليه اسمها كرنون يقولون مو موجوده هنا واضطريت اشتري منها كمية كبيرة جدا وانا راجعه
ما يعتمدون على ادوية واجد وخرابيط لأن مبدأهم واضح ان الاجنه القوية تغرس نفسها بقوة وماتحتاج لكل هالراحة والتشديد والاكل والادويه والخرابيط وان الاجنه الضعيفه لو فعلتي الفعايل ماراح تثبت الا بقدرة الله
هذه أهم الأشياء
عموما التجربة مختلفة تماما وتحسين نفسك فعلا في أيدي أمينة اللهم لك الحمد ولك الشكر انت ولي النعمه من قبل ومن بعد
بنات الرسايل الخاصة مقدر ألحق عليها بس وعد مني ان شاءالله هاليومين بنزل موضوع مستقل فيها التجربة...
ربي يتمملك على خير ويحفظلك اجنتك
يالله ياسرع الايام احس دوبك رحتي لتركيا
ماشاءالله تبارك الله
عقبال ماتبشرينا بولادتك