aws2009 :

صباح النرجس الحمدالله رحت مستشفى طلع حبة الي تحت الإبط كيس دهني بعد الولادة باْذن الله قرر ليا عملية ازالتها الله يبشركم ويقومكم بسلامة حباب

صباح النرجس الحمدالله رحت مستشفى طلع حبة الي تحت الإبط كيس دهني بعد الولادة باْذن الله قرر ليا...

برنسيسة ديفا :

لمنور _الملاك الوافيه_روزلينا _جعبه الزمن_اماسي_لهفة لقاء_حور الجناان الله يسعدكم حبيباتي وربي كلامكم رفع معنوياتي كثير 😘 والحمدلله يارب البنات نعمه يكفيني انه انفتحت ثلاث ابوب من ابواب الجنة وتسكرت ثلاثة ابواب من ابواب النار وهذا بحد ذاتها نعمه وتميز من الله للي تحمل ببنت 😍 المشكلة انه المجتمع ذكوري كل من سالني حامل قلت ايوة قال يارب يرزقك بولد وربي امسك نفسي لأقول ما اشتكيت لك الحال وراضية ببناتي واول حمل لي انتشر اني حامل ببنت والناس كل ماشافوني يله ماعليك المرة الثانية ولد قسم بالله وقتها انصدمت😕 طيب هذه اول بنت لي وسبحان الله من اول حاسه انه خلفتي بنات وماراح اجيب الولد عشان كذا راضية وكل ما اتخيل اني عجوزة وبناتي حولي افرح الله يبلغني بشوفتهم عرائس ويوفقهم في حياتهم البلا من زوجي اللي يقول ماعنده مشكله بنت ولد بس راح اظل احمل لين اجيب الولد وهذا اللي مخوفني ماابي اكون الة تفريخ 😭 وماني مستعدة احمل مره رابعه صراحة لانه عندي احساس قوي انها بتكون بنت وانا اعرف نفسي اذا ما قتنعت بالشيء مستحيل اسويه وبتصير مشاكل وما استبعد يتزوج علي دايم احاول اقنعة ان البنات يكفون يقول لازم للبنات سند يسندهم اذا حصل لنا شيء طيب اذا ربي ما اراد ايش اسوي بالله وما اتخيل نفسي كل سنه وانا حامل وبناتي وراء بعض قسم بالله احيان لمن اروح واشوف بعض الحريم بناتهم وراء بعض وصغار احزن عليها بالله ايش ذنب هالبنات كل وحدة ماتهنت بطفولتها ولا تدلعت عشان مين عشان امها تجيب الولد وترضي زوجها وبعدين اهم شيء عندي التربية وانا من النوع اللي حنونه وبنفس الوقت بالي مو طويل وابي اربي بناتي وما اعقدهم واتبع اساليب التربية الحديثة لكن احيان مع ضغوط الحياة والوظيفة وبناتي صغار وملاقيف وماعندي شغالة اضربهم ووقتها اجلس اسبوع وانا مكتئبه واحس اني ام فاشلة الان هذه هي مخاوفي بس راح اتجاوزها بأذن الله وماعاد بفكر وبخليها على الله ويارب يجعل لبنتي الثالثة حب في قلب ابوها ويسخره لي ولبناته حبيباتي حبيت افضض بس 😘 سامحوني

لمنور _الملاك الوافيه_روزلينا _جعبه الزمن_اماسي_لهفة لقاء_حور الجناان الله يسعدكم حبيباتي وربي...

آمــــاســــي :

والله بسلامة مجتمعي هذا اللي الله كاتب لي انا عندي اربع بنات فيهم توام وحامل الان للمره الرابعه اكيد اتمنى الولد بس اللي يجي من الله حياه الله لعل ربي يرحمنا بهالبنات واسال الله العلي القدير ان يرزقنا واياكم بالولد الصالح التقي ويحسن خلقه واهم شي السلامه ولا الخير عند الله كثير الله لايحرمنا يارب

والله بسلامة مجتمعي هذا اللي الله كاتب لي انا عندي اربع بنات فيهم توام وحامل الان للمره الرابعه...

جعبه الزمن :

لمنور ماشاءالله الف الف مبروك الله يجيبه بالسلامه وتفرحين فيه عريس برنسيسه ماشاءالله الف الف مبروك البنوووته الله يجيبها لك بالسلامه وتشوفينها عروس البنت والولد نعمه من الله والخير فيما اختاره الله لنا صح اللي عندها نوع واحد تتمنى النوع الثاني بس اذا جاء غير اللي نتمناه معناته هذا الخير لنا واهم شي قبل جنسه صحته وعافيته يكون بخير وطيب وماتتعذبين معه بالمراجعات والمواعيد انا كمان عندي بنتين واكيد اتمنى الولد بس المكتوب مكتوب وبنشوووفه بنت والا ولد مافرقت معاي اهم شي نقوم بالسلامه حتى لما اسوي تصوير اقول للدكتوره قبل تقولين جنسه طمنيني عليه الباقي هين بنت والا ولد هذي عطيه الله لي الله يقومنا بالسلامه ونشوفهم بصحه وعافيه

لمنور ماشاءالله الف الف مبروك الله يجيبه بالسلامه وتفرحين فيه عريس برنسيسه ماشاءالله الف الف...