والحين راح اقولكم اكشن ولادتي
اول شيء قولو ماشاء الله ﻷن العين حق
كان يوم الاثنين نايمه الصباح وقمت الظهر وتغديت انا ورجلي وصليت العصر ونمت وقمت على صلاة المغرب ويوم جيت اتحرك من السرير احس بشيء ضاغط من تحت ووعالحوض اكثر قلت لزوجي شكل الرحم بدأ يفتح وكان باليوم اللي قبله مقفل والدكتوره قالت الثلاثاء تعالي بعطيك طلق بس انا مطنشتها مو رايحه الا بطلق ربي وصليت المغرب وكنت شاريه اناناس طازج وكليت شوي منه وانا اكل احس بوجع على ظهري وبطني متفرق ثلاث مرات تقريبا قلت يمكن زياره ورحنا بيت اهلي وبعد العشاء جلست اكل خبز وجبن وشاهي اشتهيته مره وبنص اكلي جانب الم تلويت منه شوي قامت اختي تقولي ايش فيك جاك وجع اقولها ايه وراح ورجعت اكمل اكلي وماجات عشره اﻻ وقوى الالم وصاريجيني كل شوي وكنت مومنظفة تحت الله يكرمكم ودخلت انظف وكل ماشلت شوي جاني وجه وقفني واذا راح رجعت شلت بسرعه وماصدقت اخلص وقمت اقول ﻷمي يعورني يامي وجع قوي وصرت احسب طلع كل ست دقايق يجي وتقولي اختي امشي وحاولت وأول ماجيت امشي جاني وجع وقالت ماراح امشي ودقيت على زوجي وكان راح قبل بوقت واقوله نمت قال تونب دخلت وانسدحت على السرير قلت له تعال الحين بولد واخذ نص ساعه الين جاني وعبال يجيني اختي سوت لي قرفه وقالت اشربيها وانا مالي نفس وشربت ثﻻث مجات او جغمات وبطلت وجلست ادعي ربي اقول يارب القى الرحم فاتح سبعه سانتي وجا زوجي على الساعه 12 ونص ونزلت وبالطريق يجيني الالم بس ماسكه نفسي واستغفر واكلت تمر يمكن 7 او 9 ماأذكر ووصلنا ودخلنا من الطواري وطلعت من الدرج عشان اسهل ولادتي ودخلت غرفة الولاده الساعه وحده و13 دقيقه وقاست لي الرحم وقالت يارب لك الحمد والشكر الرحم فاتح 7 سانتي وحطت لي مغذيه وحطت فيها ابره مدري وش فيها وبعد ربع ساعه جات وقاست لقته تسعه ونص ودخلوني على سرير الولاده والدكتوره اتصلت عليها واحنا بالطريق ماترد ويدقون عليها السسترات ماترد وكان فيه الدكتوره الثانيه وقالت بولدت وحطت لي السستر ابر تحت وفقشت لي المويه وبدا الوجع القوي وجات الدكتوره حطت يدها وقالت عشره ياصفاء متى ماحسيتي بالدف دفي وبديت احس ومعي السسترات وحده تضغط على بطني تساعدي دفيت مرتين بضعف وبعدين جات سستر ثانيه وظغطت على بطني بقوه وانا دفيت بقوه وانقطع نفسي واقولها انكتمت طنشتني وضغطت مره ثانيه بقوه وعشان مامعي نفسي دفيت وصرخت صرخه قويه وقالت الدكتوره خلاص نزل البيبي وصارو يضغطون على بطني ضربتني ابره ونظفو الوسخ والمشيمه وانا صرت اهلوس سألتها ايش جبت قالت ولد واقولها نزل الحبل السري والمشيمه قالت ايه وشكرتها وانا اهلوس وخيطوني ونزلوني وشوي جا زوجي ودخل الغرفه وانا اهلوس ويقول لي ليش ماقلتي لي انه ولد اقوله ابغاها مفاجأه لك وجو خواتي ونزلوني الغرفه مشتركه ثلاث اسره وكانت بارده موت وشافتني السستر ينزل مني دم ونظفتني ودخلت الحمام اتبول الله يكرمكم وطلبت غرفه خاصه ورحنا لها وبعد ساعه جابو لي زياد يحفظه ربي
المستشفى اللي ولدت فيها
مستشفى رابيه على طريق الخرج
سعر الولاده 2500كاش طبيعي و6000عمليه والعمليه على كل ولاده زياده 500
الغرفة الخاصه كانت صغيره بس حلوه ونظيفه والحمام الله يكرمكم صغير وحلو خخخخ
والخدمه كويسه والدكتوره اللي ولدتني مصريه اسمها نيفين وكانت متعاونه وطيبه مره
اللي ماعجبني اكل المستشفى مو زين
اصعب حاجه بالولاده بالنسبه لي قياس الرحم ويوم تدخل اليد بشكل عام وقت الولاده وبس
الحمد لله حمدا كثيرا طيبا مباركا فيه ملء السموات وملء الارض وملء ماشئت من شيء بعد

حيرت انسخي قصه ولادتك بالتجمع الجديد
ذا قدددديم محد يدخله