وعليكم السلام ورحمة الله وبركاته أم أموني شعور متبادل مع إني مو حامل واخر ولادة لي قبل 8 شهور ولدي صار رجال خلاص 😂
بس أحب التجمع حلو نستفيد من بعض ونتواصل فيه واي وحدة من الغاليات محتارة نحاول نساعدها ونخفف على بعض ..

الله يديم المحبة بيننا ياااارب ..

السلام عليكم
شخباركم بنات مكةة

حبيت اسأل مين تراجع في مستشفى حراء

وكيف الدكتوره وكشفهاا

وفاء كيف فكو مويه الراس بعصايه
يعني حسيتي بألم  تقصدي😥
انا افتكر مافي الم لما يفكو موية الراس

بنات انصحكم ابدا ما تروحو لميمونه في الرفيع
اخلاقها زبااااااااااااااااااااله قليله فيها
عصبيه وتصرخ عليكي كأنك من بقية اهلها
اصلا كرهت المستشفى بكبرها
ما ادري كيف الناس تمدحها دي ميمونه
حسبي الله عليها بس شايفه نفسها وتشمق وتصرخ
حتى لو شاطره بس الاخلاق مهمه
رحت لها كان عندي طلق
سارت تصرخ عليا يللا اطلعي فوق السرير تستني ايه
قالت سار جماع قلت ايوا
وكشفت عليا من تحت لقت الرحم مقفل قامت شمقت فيا وقالت من تأثير الجماع الالام هادي ورمت لي المناديل فوق بطني بقرف
اه وربي نفسي وقتها اقتلها
ومتخوفه اروح التونسي دحين
انا استخرت على التونسي والرفيع وحراء
هادي نتيجة خيرتي للرفيع
الحمد لله رحت لها قبل ما تكون عندي ولاده بالاساس ولا ما ادري اش كانت سوت فيا
والولاده ما يدخلو احد معاكي

الله يكون بعونك
استخيري الله وان شاء الله يتيسر امرك ويكتب لك الي فيه الخير
طمنينا عنك
انتي بأي اسبوع؟