الله يسلمكم ياحلويين ويبارك فيكم ياارب💕💕
وجزاك الله خيير لؤلؤه خبرتيهم بولادتي مانحرم منك يارب 😚😚😍
ومبروك ماجاك دلع وحلا الحمدلله على سلامتك 🎉🎉💃💃
ولدت في مستشفى مكه الطبي ( بخش سابقا ) عند دكتوره رباب
انا كنت رايحه على اساس الدكتوره حنان محمود من برا المستشفى متفقه معاها تجييني تولدني بس جيتهم وانا مستويه ودكتورتي خربت سيارتها

اكشن ولادتي ماشاءالله تبارك الله يوم 18/4/1436
كنت نايمه عند اهلي ليل الجمعه وطول الليل وانا اصحى واتقلب واحس باالالام على بالي من الثقل واصحى الساعه 5 وع الحمام وكان اسهال الله يكرمكم ورجعت انسدحت واحس بالم في ظهري زي الالام الامساك وتحجر في بطني ومغص خفيف ومستغربه من الالم كيف وانا الحمدلله دخلت الحمام وكل شئ تمام شويه يروح الالم شويه يرجع وبعدين بدات الاحظ لايكون طلق 😓مرره ماكان في بالي لان لسى باقي على حساب الدوره 10 ايام وعلى حساب السونار17 يوم وانا دايما اعوشر عشان كدا استغربت
وكانه كان على كل ربع ساعه وماكانت فيه ساعه قريب مني ولا جوال ومافي اقوم اجيب عشان احسب الوقت بعدين قعدت اقول اكيد طلق كاذب بعدين زاد دخولي الحمام كل شويه وصليت الفجر وجلست احسب كل عشر دقايق ومرات يتاخر ل13 دقيقه ويجي وقلت لاختي انه فيه طلق بس انا لسى ماني جاهزه شنطة المستشفى في بيتي ولسى ماحطيت فيها غير اغراض البيبي تقولي خلاص مو على كيفك الولاده ماتستنى لمن تجهزي حضرتك وجالسه مكاني ماابغى اتحرك عشان مايزيد الطلق ماابغى اولد 😆
وشويه مام جات وجلست واخوي جاء من المسجد ويهرج ويطقطق على راسي وانا لمن يجي الالم معاي شرشف اغطي وجهي فيه بعدين امي سمعت صوتي واشرت لاخوي اني تعبانه الا قالي ايش بك والله شكلك بتولدي اليوم وانا اقوله قول خير لسى ماني جاهزه وطلع والالم شويه صار كل 5 دقايق وزاد الالم اتصلت على زوجي وقلت له يلاقينا في المستشفى ويجيب شنطتي وتحاليلي معاه واتصلت اختي ع الدكتوره اللي اتابع معاها في المستوصف كنت متفقه معاها تولدني في مستشفى مكه الطبي لانه قريب من بيتي وانا ابغاه لان فيه كمام وعنايه اكثر وزوجي يقولي احسن لك تولدي في المستوصف لان الدكتوره مضمون راح تجيك فيه بس يمكن تسحب عليك في المستشفى وانا اقول لا مستحيل هي متعاقده معاهم وراح تجيني وقالت لها اختي ان الالم كل 5 دقايق قالت خليها تروح وتشوف كم سانتي مفتوح وبعدين كلموني والمستشفى بعيد عن بيت اهلي ربع ساعه تقريبا وصلت وانا خلاص دخلوني وكشفوا علي قالت مفتوح 9سانتي ماشاءالله خلاص بس قالت الراس لسى مو كابس في الحوض و ممكن تولدي قيصري لان ممكن ينزل الحبل السري قبل الراس وقتها خوفوني مرره وحسيت الالم بداء يخف وقلت خلاص بخرج من هالمستشفى والدكتوره تقول خلاص انتي مرره ولااده وماتروحي مستشفى بعيد مالك غير حراء مستشفى حكومي قريب منهم واتصلت على دكتورتي واسألها فينك قالت خربت عليها السياره في الطريق واقولها طيب ايش اسوي يقولوا بيولودني قيصري قالت لا ماعليك من كلامهم حتولدي طبيعي بس هم يفكوا الموية راح ينزل الراس لاتخافي وطمنتني جزاها الله خير ورجعت قلت لزوجي يوقع لهم ع العمليه ورجعوا مره ثانيه ركبوا لي ابره و اخذوا مني دم وطلعوني غرفة الولاده ودخلت اختي معاي ويقولوا لو جاك الم دفي وشويه وجاتني طلقه خفيفه وراحت وبعدين جات الدكتوره فتحت كيس المويا وحسيت بحراره و جاتني طلقه مرتين تقريبا بعدين حسيت بدف وقعدت ادف والدكتوره والممرضات يقولوا ايوا دفي واختي تقولي طريقة التنفس والالم قووي حاسه بالراس بيخرج وماابغى ازعق عشان ماترجع وشويه واحس بالدكتوره تشقني والم الشق اااه😭بس لو صرخت راح يرجع البيبي واستنى للطلقه الثانيه وماسكه في يد اختي كانت راح تنكسر من كثر ماني ضاغطه عليها ياحياتي عليها ربي يعوضها ان شاءالله 😜والحمدلله خرجت البنوته وسمعت بكاها وارتحت وشويه جابوها لي قعدت اضحك وابكي في نفس الوقت شعوور مرره حلووو الله لايحرم من يتمنى ياارب
بعدين اعطتني ابرة بنج في نفس المكان وحطولي كمامه وماحسيت بالالم بس احس بالخيط وهي تخيط مرره طولت وع الاخير بديت احس بالمها مع اني حاطه الكمامه وقعدت ابكي وانادي على امي ودخلوها عندي الله يخليها لي ويطول عمرها في طاعته بصحه وعافيه يارب 
وخلص الاكشن عارفه انه متاخر بس والله مافي وقت للكتابه مع البيبي والتعب والضيوف

لسى فيه تكمله بعد الخياطه خلوني في غرفة الولاده 6 ساعات الين ماطلعوني غرفتي وكل شويه يشيكوا ع المكان وكأنهم خايفين ان فيه شئ وبعدين جابوا لي كمادات بارده احطها وسألتهم ايش فيه وقالوا فيه تخثر او تجمع دم مدري ماتذكر الكلمه او بداية بواسير المهم الكمادات راح توديها وجلست علي 4 ساعات ،،
واليوم الثاني انتبهت فيه شئ مورم ولمن جاتني الدكتوره تكشف قلت لها قالت دا يمكن بواسير قلت انا مسويه عملية بواسير قبل سنه قالت ممكن لحمه زايده كان قلتي للدكتوره تقصهالك وقت الخياطه قلت انا ايش عرفني هي ادرى بشغلها اجل خياطه تجميلي على ايش بالله قالت هي ماهي باينه صغييره مرره بس بس عشان المكان ملتهب انتي حاستها كبيره دحين انا الحمدلله مااحسها زي اول بس الله يستر ان شاءالله مافيه شئ😔😔

الحمدلله على سلامتك ارجوان
وكيف المستشفى معاك وتعاملهم اهم شي الولاده اعطوك مسكنات متحسين بالالم
لي فتره استنا احد يتكلم عن مكه الطبي
يعطيك العافيه وكم كلفتك الولاده
كنت محتاره افكر اولد عندهم ولالا

شقتك بدون بنج لييش
قصتك خوفتني من المستشفى الله يساعدنا
ويكتبلك الاجر حبيبتي اهم شي قومتك بالسلامة