~❁☺❁ تجمـــع أمهــات أحـــلى كتـــاكيـــت مــــن الـــولاده 0 إلـــى 6❻ أشــ☺هــر ❁☺

@ أم طـــــلال @ :

التعامل مع حديث الولادة كتاب " The Happiest Baby on the Block" وإختصر لنا الكتاب بنقاط مرة مهمة لكيفية التعامل مع الرضيع لما يبكي .. -الكتاب تكلم عن الفترة الرابعة الناقصة ، فـ مراحل الحمل هي الـ 3 شهور الأولى ، الـ 3 شهور الثانية ، والـ 3 شهور الثالثة ، وإعتبري أول 3 شهور من عمر الطقل هي الـ 3 شهور الرابعة ، لأن الطفل محتاج وقت عشان يستوعب العالم الي حوله والي مختلف تماماً عن رحم الأم . -رحم الأم كان دافي ، وملموم ، وصوت الرحم كان عالي ، حتى أعلى من صوت المكنسة الكهربائية ، عشان كذا الهدوء الشديد يزعج الطفل .. -لما ينزعج الطفل عندك 5 خطوات تسوينها : 1/المهاد : وهذا أهم شي ، لأن الطفل يتحرك لا إرادياً ، وحركة يدينه ورجلينه تزعجه ، إضافة لأن المهاد يخليه يحس بنفس الإحساس الي كان يحسه في بطن أمه . وهذي الصورة توضح طريقة لف الطفل بالمهاد 2/ وضعيه الجنب أو البطن: بعد ما تلفينه مضبوط ، إمسكيه على جنبه أو على بطنه ، وتكون يدينك وحده تحت راسه ووحده فوقه .. الطريقة هذي حلو بعد لو الطفل عنده مغص ، تخفف عنه الألم كثير . 3/ الهز: إذا كان يبكي مرة ، هزي يدك الي تحت راسه بحركة خفيفة بس سريعة ، عشان يحس كأنه في بطنك. 4/ هششش: قربي فمك من إذنه وقولي (هششششش) ، هذا الصوت كان يسمعه حوالي 9 شهور !! ولما يسمعه بيحس بالأمان .. حتى صوت المكنسة ممكن يهديه – لو ضاقت بك الحيل شغلي المكنسة – ويهدأ . 5/ التلهية: بعدها أعطي الطفل مصاصته أو رضعيه ، وبكذا تكون إنتهت المشكلة إن شاء الله .

التعامل مع حديث الولادة كتاب " The Happiest Baby on the Block" وإختصر لنا الكتاب بنقاط...

@ أم طـــــلال @ :

صحة الطفل أ – تغذيته : الرضاعة الطبيعية: الرضاعة الطبيعية هي الأفضل، لأنها ببساطة طبيعية وفيها جميع إحتياجات الطفل ، وتغني حتى عن الماء .. الرضاعة الصناعية : -مرات الأم تضطر للرضاعة الصناعية لأسباب كثيرة ، لكن فيه إمكانية إنها توازن بين الطبيعي والصناعي ، وبكذا ما تحرم طفلها . -إستخدمي الرضاعات الزجاجية لما يكون الطفل صغير وما يقدر يرميها أو يكسرها، الرضاعة الزجاجية تستحمل الحرارة ، لأنك راح تسوين الرضعة بموية دافية . -مثل ما ذكرنا ، الرضعة لازم تكون دافية ، خصوصاً للطفل أقل من 6 شهور ، عشان تتفادين المغص . -إحرصي على نظافة الماء المستخدم ، وعقمي الرضاعة من فترة لفترة ، بواسطة غليها وتجفيفها . -إسألي الطبيب عن أنسب نوع حليب لطفلك ، ولا تغيرين الحليب بشكل مفاجيء ، لأن تغيير نوع الحليب يتعب بعض الأطفال -لو بقى من الرضعة شي لا تخلينه وقت طويل ، ساعة بالكثير وتخلصي منه ، وخصوصاً المواليد ، لأن معدة الطفل حساسة . -حاولي تعطين الطفل رضعة التمر من فترة لفترة ، وهي عبارة عن تمر منقوع بماء حار ومهروس ، تشخلينه زين وتعطينه الطفل ، كويسه لو الطفل عنده إمساك ، بس مشكلتها تسبب مغص أحياناً .. إطعام الطفل ( 4 شهور – 18 شهر ) -ممكن تبدين بإعطاء الطفل طعام من عمر 4 شهور ، مع إنه بعض الأطباء ما ينصحون بإطعام الطفل قبل 6 شهور. -إبتعدي قد ما تقدرين عن أي شي فيه مواد حافظة ، حتى لو كان مخصص لأطفال ، وإعتمدي على الأكل الطازج . -(4 شهور) أعطي الطفل فواكه مثل التفاح المهروس والموز والبرتقال ، والخضار مثل الكوسه والبطاطس والقرع والجزر ، طبعاً الخضار تكون مسلوقة بمويه بدون ملح ، لأنه ممكن يضر الطفل ، وإهرسيها زين وأعطيها طفلك . -الرز المصري المهروس ومهلبية الأطفال من الأغذية الي تناسب الطفل بهالعمر . -حاولي تعطين طفلك بالبداية كل نوع لحال، عشان لو كان عنده حساسية من شي يبين معك ، بعدها ممكن تخلطين له أكثر من نوع يكون ألذ له . -راح يتعبك الطفل بالبداية لأنه ما راح يتقبل الطعم ولا راح يتقبل الملعقة ، حاولي تعطينه بيدك وجيبي له ملعقة بلاستيك مخصصة للرضع لأنها ألين له ومناسبة لحجم فمه ، مثل هذي بعد الأكل إسقيه شوي مويه ، بالفنجال أو الملقعة أو حطي له مويه بالرضعة . -(6 شهور) ممكن تدخلين البيض المسلوق لغذاء الطفل ، وخصوصاً الصفار . -الشوفان ، أعملي له شوربة خضار أو عدس ، وتقدرين تعطينه فول . -سيريلاك ، خوذي النوع المناسب لعمره ، فيه أنواع حلوة بالتمر أو العسل . -الزبادي ، فيه أطباء يعتقدون إنه الطفل أقل من سنة ما يستحمل الزبادي لأنه يحتوي على بكتيريا ، لكن إذا كان الطفل تعود على الأكل فطبيعي إن معدته بتكون أقوى تحمل ، وكل أم أعرف بالي يناسب طفلها . -الخبز والشاهي ( وجبة أطفال سعودية ) يمكن ما فيها فايدة تذكر ، لكن ميزتها تشبع ، ممكن تخلينها وجبة ما قبل النوم ، وصدقيني بتنامين زي الأوادم ليلتها . -(8 شهور) هنا ممكن يبدأ الطفل بتناول اللحوم البيضاء ، الدجاج والسمك ، والسمك بالذات مفيد جداً للطفل، فتتيه زين وأعطيه لطفلك . -( 12شهر) بهالسن الطفل ممكن ياكل معكم من أكل البيت عادي ، المهم تكون بهاراته خفيفة ، والقطع صغيرة عشان ما يغص، وحلو تعطينه لحوم حمراء ، لأنها غنية بالحديد والبروتين. -إنتبهي من الماجي !! إذا عندك أطفال تحت السنتين ياكلون معكم ، حاولي ما تستخدمينه أبداً بالطبخ ، لأنه ضار جداً لعقل الطفل ، ويسبب عدوانية الأطفال ، هالكلام سمعته في برنامج التفاح الأخضر، طبعاً فيه أشياء ثانية تحتوي على نفس مكونات الماجي ، مثل الإندومي والشوربة سريعة التحضير.

صحة الطفل أ – تغذيته : الرضاعة الطبيعية: الرضاعة الطبيعية هي الأفضل، لأنها...

@ أم طـــــلال @ :

ب- التطعيمات: جدول التطعيمات : ( من موقع وزارة الصحة ) تعليمات بخصوص التطعيم: -الطبيب راح يكشف على الطفل قبل التطعيم ، علشان يتأكد إذا وضعه يناسب للتطعيم الحين وإلا لا . -يؤجل التطعيم إذا كان عند الطفل إرتفاع في درجة الحرارة أو إسهال أو إستفراغ . -لا تعطي طفلك رضعة قبل التطعيم بنص ساعة ولا بعد التطعيم بنص ساعة ، خصوصاً تطعيمة شلل الأطفال – هالمعلومة قالها لي دكتور أطفال . -وعموماً إذا كانت التطعيمة عن طريق الفم تجنبي الرضاعة، عشان ما يتقيأ الطفل وتضطرين تعيدين التطعيمة . -بعد التطعيم كمدي مكان الإبرة بكمادة باردة في أول يوم ، وفي اليوم الي بعده كمادات دافية. -إنتبهي لحرارة الطفل خلال الثلاث أيام التالية للتطعيم ، وضروري تعطينه خافض حرارة كل 8 ساعات أو على حسب الي يوصفه الطبيب . ج – المشاكل الصحية : المشاكل الصحية الي ممكن يتعرض لها الطفل كثيرة ، منها الإختناق – التشنج – الوقوع من مكان عال – التسمم بالأدوية أو المنظفات .... إلخ. وهذي المشاكل ممكن الأم تبحث عنها وتثقف نفسها .. لكن المشكلة الصحية الي بتكلم عنها هنا ، هي الأهم ، والي لازم يمر فيها كل طفل ، مهما كانت صحته ممتازة . إرتفاع الحرارة : ترتفع حرارة الجسم إذا كان فيه شي دخيل عليه ، سواء فايروس ، ميكروب ، أو غيرهم .. -أكثر أسباب إرتفاع الحرارة عند الطفل دون السنتين هو التطعيم والتسنين . -إذا لاحظتي راس الطفل حار ، قيسي حرارته ، إذا كانت : 37,5 فهو إن شاء الله طبيعي لكن إحتمال ترتفع أكثر 38 تعتبر مرتفعة وإبدأي أعطيه خافظ وكمديه بكمادات باردة شوي. 39 مرتفعة جداً لو ما نفع الخافض والتكميد ، روشي الطفل بموية فاترة. 40 خطيرة ، ولازم تاخذينه للمستشفى -أجهزة قياس الحرارة تختلف في إعطاء الدرجة الصحيحة على حسب مكان القياس : القياس من تحت الذراع > زيدي على الناتج نص درجة القياس من الشرج > نقصي نص درجة القياس من تحت اللسان > يعطي الدرجة مضبوطة -الكمادة أفضل شي تستخدمين قماش قطن . -إنتبهي تروشين الطفل بموية باردة ، ممكن يسبب له تشنج لا سمح الله ، حتى الحوض أو البانيو الي بتحطينه فيه لا يكون بارد ، لأن الجسم يكون حار ويتفاجأ بالبرودة . -بالنسبة للطفل الي عمره 9 شهور فأكبر – إذا كانت حرارته عالية – فـ التحاميل أفضل له من الشراب ،وأسرع نتيجة ، بس أهم شي تتأكدين إنها تناسب عمره . -فيه ناس تستخدم الخل لخفض الحرارة ، لبسي الطفل شرابات مبللة بالخل ، وراح تساعد على خفض الحرارة بإذن الله . -وفيه لصقات تنباع بالصيدليات تتلصق على جبهة الطفل وعشان تخفض حرارته . -نقطة أخيرة ، عند إصابة الطفل بأي عارض صحي لا تنسين الرقية الشرعية ، على الأقل إقرأي سورة الفاتحة 7 مرات وإنفثي على طفلك – سورة الفاتحة تسمى الشافية .

ب- التطعيمات: جدول التطعيمات : ( من موقع وزارة الصحة ) تعليمات بخصوص التطعيم: -الطبيب راح...

+3

@ أم طـــــلال @ :

3- نمو الطفل أ - النمو العقلي والحركي للطفل: -الشهر الأول : يقبض على الأشياء بقوة ، ينبه للأصوات بإنه يغمض عيونه أو يفز . -الشهر الثاني : لما تحطينه على بطنه يقدر يرفع راسه عن الأرض لمدة دقايق ، ممكن يصدر أصوات بسيطة ، يلاحق النور أو الأشياء المتحركة . -الشهر الثالث : يرفع رأسه لمدة أطول وبثبات ، ممكن يسحب الملابس أو الفراش أو أي شي خفيف تطيح يده عليه ، ممكن يبدأ يغاغي ولو شي بسيط ، يركز بالنظر على الأشياء أكثر من قبل ، يميز أمه سواء بصوتها أو بوجهها أو برائحتها . -الشهر الرابع : ممكن يجلس بمساعدتك لمدة بسيطة ، يمسك الأشياء الصغيرة بيده لفترة طويلة ، يدينه تصير تدل طريق فمه ، يستجيب لك إذا سولفتي معه ، ويصدر أصوات رد عليك ، يفرق بين الوجوه ، ويستمتع بالترويش . -الشهر السادس : يكتشف رجلينه ، ويحاول يمسكها ، ممكن ينطق بعض الحروف ، يلتفت باتجاه الصوت ، إذا قربتي منه يرفع يدينه عشان تشيلينه ، يجلس بس بدون توازن ، ينفعل سواء بالكلام أو الصراح أو حتى الضحك ، إذا مسك شي بيده يقلبه ويتأمل فيه ثمن يحطه في فمه ، يخاف من الناس الغريبين ، يبدأ يتقلب . -الشهر الثامن : ممكن يقول ماما أو بابا بس ما تكون واضحة ، ممكن يحرك يده إذا قلتي له باي ، يحاول يرفع نفسه إذا مسكتي يدينه الثنتين ، يبدأ يلقط الأشياء الصغيرة من الأرض ، يمسك الرضعة لحاله ، ممكن يبدأ يحبي . -الشهر العاشر: يصفق ، يأشر على الأشياء بإصبعه ، يخاف إذا حطيتيه على مكان مرتفع ، ينطق بعض الكلمات السهلة ،يعبر عن إنزعاجه ، يغار لو شلتي طفل غيره . -الشهر الثاني عشر : يوقف ويمشي وهو متمسك بالكنبات ، وممكن يحاول يرقى على الكنبة إذا كانت نازلة ، ممكن يثرثر بكلام متواصل وكأنه يسولف صدق ، ممكن يتصفح كتاب أو مجلة ، يحاول يوكل نفسه . ب-التسنين : وقت ظهور الأسنان : هذي الصورة تبين وقت ظهور الأسنان اللبنية والدائمة : أعراض التسنين وعلاجها: -تبدأ أعراض التسنين عند الطفل من الشهر الرابع ، حتى لو ما طلع أول سن إلا بالشهر السابع . -أول الأعراض هي العض ، يصير الطفل يحاول يحك لثته بأي شي ، يده ، إصبعك ، لعبة ، حلو تشترين له عضاضة مناسبة وإحرصي دايماً على نظافتها . -تزداد رغبة الطفل بحك لثته ويبدأ لعابه يزيد ، وهي أوضح علامات التسنين . -التسنين يضعف مناعة الطفل ، وكل ما إشتد التسنين – مع ظهور الضروس والأنياب - ضعفت مناعة الطفل أكثر ، علشان كذا توقعي دائماً إنه ترتفع حرارته أو يجيه إلتهاب ، أو إسهال وإستفراغ . -براز الطفل – أعزكم الله – في فترة التسنين تكون رائحته كريهه جداً . -نفسية الطفل تكون سيئة ، بسبب الألم الي ملازم له طول هالفترة ، فـ تلاقينه يصيح لأسهل سبب وما يشتهي الأكل ، وممكن يئن وهو نايم . -أهم شي في علاج الأعراض ، تخفيف الألم على الطفل ، إشتري له الجل المسكن من الصيدلية ، وإفركي لثته ، ومن الأدوية الشعبية إستخدمي المحلب المطحون – وممكن تصيفين عليه شوي مرة مطحونة عشان تقاوم الإلتهابات بإذن الله – وبنفس الطريقة إفركي لثته من مرة إلى مرتين باليوم . -قوي مناعة طفلك ، بالتغذية السليمة ، وأعطيه حبة سوداء، عن تجربة ممتازة جداً للمناعة ، سبع حبات مع شوي عسل بالملعقة أو بإصبعك . -في فترة التسنين خلي خافظ الحرارة معك بالشنطة وين ما رحتي ، لأن إحتمال إرتفاع الحرارة وارد ، وحتى يفيدك لو بكى طفلك من الألم يخفف عليه بإذن الله . -إنتبهي للطفل من العطورات القوية ، لأنها تهيج الثة وتتعبه . -المراحل الأخيرة من التسنين هي المراحل الأشد ، لأن الضرس أو الناب لما يشق اللثة يكون أقوى من الأسنان الأمامية الي ظهرت في البداية وما قطعت إلا جزء بسيط من اللثة

3- نمو الطفل أ - النمو العقلي والحركي للطفل: -الشهر الأول : يقبض على الأشياء بقوة ، ينبه...