هلا والله مزون كيفك
ايه باقي نفاس عدت العشرين وما ادري وش باقي قيصرية وغشيمة>>> يعني بكرية
مزggggن
•
الله يعينك اي البكريه اول ولاده تقولين فار تجارب يجربون كل الطرق وان تعسرت دايركت للمجزره
عندك شغاله لما رجعتي لبيتك
عندك شغاله لما رجعتي لبيتك
ههههههه حللوة فار تجارب
الحمدلله عندي من قبل لا اولد ادربها على الحوسة وجاتني حوووووسة غيييييييييييير الحمدلله على كل حال
الحمدلله عندي من قبل لا اولد ادربها على الحوسة وجاتني حوووووسة غيييييييييييير الحمدلله على كل حال
اكشن الولادة المنتظر ..
اول شي الله يعينكم على الثرثرة وطولوا بالكم :biggrin:...انا اشوف القيصري نعمة مو نقمة .. انا طيبه وارضع الميشو ومو زي ما قالوا حريم ما ترضعين.. اعطوني ابرة وقائية نص الجرعة الاساسية ومرة وحدة وما تضر الابرة مع الرضاعة... اخذت مسكن مو زي ما قالوا ما في مسكن إذا معك جلطة كانوا كل 12 ساعة يعطوني مسكن لحد ما خرجت من المستشفى اخ من بعض الحريم :024:..كان المستشفى ــ مستشفى حراء ــ والتمريض والدكاترة روعة وطيبين ما شفت قصور معايه ابدا وكل ما اسأل الدكاترة يجابوني واخلاقهم عاليه والحمدلله هذا بفضل الله وتوفيقه..
في بداية التاسع كنت فالتها ولا على بالي شي بس لما قرب التاسع يخلص وبدأ العد التنازلي ما ادري وش صار لي نفسيتي صااارت دمااار لدرجة ما قدرت اكمل اسبوع اقعد في البيت واستعجلت وعبيت الشنطة ورحت عند امي لأن جلسة البيت كل مالها تزيد تضيق عليه واتعب هدني والارهاق بان عليه ولا اقدر خرجات ولا اشم الهوا رحت عند أمي ونوم ونوم انتظر الطلق متى يجيني؟..
وصحيت الخميس الصبح وتنفك موية الراس وبدأ الطلق رحت المستشفى كشفت قالت واحد سانتي يمكن المغرب فيه ولادة روحي البيت وامشي رحت ما قدرت امشي من الطلق رايح جاي رايح جاي ووكلت امري على الله وبطلت مشي عشان الجلطة خفت تتورم رجلي وانا رايحه اولد والله فعلا ويشد الطلق معي العصر واشرب خروع ملعقتين وما قرب المغرب إلا وانا ارجع الخروع واطلع كل اللي في معدتي ووقت ما اطلع انفكت المويه كلللللللها وصار يشد الطلق عليه والموية صارت تنزل عليه
اتصلت على زوجي وجاء لما ركبت السيارة ما ني قادرة ولا مطب واحد بس رافعه نفسي واصييييييح وأول ما وصلت دخلت على الطواري ما حصلت زحمة وامي راحت تجيب ورقة الكشف كشفت الدكتورة وما اشوف إالا الدكتورة طيرااااااانا تجر السرير وتقولي اطلع هنا اطلع هنا بسرعة بسرعة وتصرخ والله لما افتكر الدكتورة وهي بتلحقني باسرع ما يمكن تدمع عيني وكانت وفيه وحدة جنبي تكشف ساعتها هي نيرس اصلا في كشك الولادة تقولي استودعي الله نفسك وجنينك واقرئي على نفسك إنت المشيمة نزلت عندك قبل الجنين اول مرة اسمع بهذا الشي صدمة قوية لي الدكتورة تصارخ وهذي تقولي استودعي الله نفسك وجنينك في غمضة عين يصير هذا ومن قوة الصدمة واول مرة اسمع عن المشيمة نزلت قبل الجنين اسألهم اش فيه اش يعني رغم انه واضح اش يعني بس ما كان فيه افهم ذيك الساعه..
وياااااقلبي على امي ما دريت عن كل هذا ولا زوجي داري
والله يابنات والدكتورة تجري فيه على غرفة العمليات كنت في شعور الله لا يوريه لمسلم
دخلتني الدكتورة غرفة العمليات وتسألني عن اسمي كذا مرة وانا مصنمة وتكرر عليه وامليها الاسم اسم اسم اتذكر الاول واكمل من صدمتي ما ادري إني بدخل غرفة العمليات وانه انا اوقع ارواق العمليه اما الدكاترة في غرفة العمليات يفجعون ويرجون اللي ما ينرج حاله طارئة خايفين على الجنين ويصرخون متى نزلت عليك الموية واقولهم ماني فاهمه ويعيد الدكتور وافتكر المغرب ويبنجوني في لمح البصر وأدخل في نووووومه بعد التخدير أفووق وانا ارجف رجف من البرد وبعد مافقت تماما جاتني دكتورة مناوبه وانا ساعتها افكر بولدي طيب والا صار فيه شي!!!؟ ابغى اشوفه!! المهم تسألني الدكتورة وين ساكنه؟ باي دور!؟ زوجك مدخن!!؟ تعاني من شي؟؟! اسأله ارعبتني وعلى طول انا قلت اكيد ولدي صار له شي واقاطع اسئلتها واقولها هاااااتي من الاخر ولدي فيه شي قولي لي ولدي فيه شي قالت لي ولدك طيب وبخير اش فيك إنتي مو عندك جلطة!!؟وافتكر الجلطة قلت لها دخلت عليه وانا افكر بولدي ما احد طمني عليه وقلتوا لي شي قالتي لي دقايق وانت طالعه معاه فعلا دقايق واحنا طالعين ..
احصلت امي واقفه عند باب العمليات يا الله في حاله غريبة اول ما شفتنا تحمدت ربي على سلامتنا وفرحانة والصدمة باينه عليها ما انسى هذي اللحظة تصدقون يا بنات كانت ترسل العاملات عشاان يطمنونها عليه اذا صحيت والا لا !؟؟ وترسلهم يغطوني عن البرد سمعت وحدة تصرخ تقلهم هذي بنتي بالله ادخل شوفيها يقول لها بنتك طيبه تقولهم بالله روحوا شوفها يا الله والله ما ينلحق جزاء الام ..
ما قلت لكم لما طلعونا من قسم العمليات الشيخ مشعل:biggrin2: اش سوى حلف عليهم إن امه هي تمشي الأول وهو يمشي وراها <<<< وصار الرجل يعرف يحلف من اولتها ههههه
الصفحة الأخيرة
ومبروك الطهار حبيبتي وعاشت الاسامي يا احلى وسااااااام بصرااحة احلى
الله يبار ك فيك حبيبتي والله لا يحرمنا من بعض...
الله يحفظ الوافي وامه يارب.. والاكشن قاادم
الله يسلمك..
والقطاعة والله مو بيدي..
الله يبارك فيك يا حياتي..
الله يبارك فيك سلطونة لا تحرمينا من طلعاتك خخخخخ
بتعيش كثير بتشوف كثير.. انا اتراجف على ولدي من الألم والخوف هذي لبنوته يا حياتي عليها
ما تفقدين غالي يارب..الحمدلله على السلامة والف مبروك والله يجعله من الذرية الصالحة يارب..