بدوري1
بدوري1
أهلين حبيباتي ورفيقاتي في الحمل والله اشتقت لكم كثيييييييير أنا انقطعت عنكم عشان اهلي ما عندهم نت أنا لي اليوم ٢٧ يوم واسرع الايام يوم كنا ننتظر الولادة شوكو
بدوري1
بدوري1
بنات ابي جسمي يرجع مثل اول كيف اليوم أقيس ملابسي راح الخصر ابي جسمي يرجع
مشاعر صامتهـ
مشاعر صامتهـ
صباح الخير

بما ان كتكوتي نايم الله يحفظه لي بكتب لكم اكشن ولادتي الله لايخسرنا

خبركم طوفة التاسع ودخلت الاسبوع 42 ولافيه اي بوادر ولاده وتعبت حيل من الثقل رحت للدكتوره وقلت خلاص مافيني اتحمل شوفي لي حل وكان يوم الاربعاء تاريخ 30 / 3 وكشفت علي قالت الرحم قافل ومش مفتوح ولا سنتي هنا تسكرت بوجهي كل الامال ونفسيتي زفت وقالت السبت لازم تجين اشاعه نتطمن ع الجنين لانك تاخرتي بالمره ماولدتي ورحت للبيت وانا منهاره وجلست اشتغل وارتب ويوم السبت راجعتهم وقالت لي يلا اشاعه وسوينا الاشاعه قالت خلاص مافيه اي تاخير المشيمه ضعفت ع الجنين ولاعادت تغذيه عدل والجنين وزنه 3 كيلو و900 كبير يالله من معاناة لمعاناة وبكره موعد تنويمك وطلق صناعي ان شاء الله قلت الله كريم ورجعت البيت وصرت امشي لين اموت من التعب ورحت لهم عصر السبت وكشفت قالت مازال مقفل الرحم وتجهزي للتنويم بكره قلت الله يسهل ونصحتني بالجماع والمشي اغلب الليل واكل شي حار لعل الله ينفع به رجعت وطبقت كلامها وزياده سويت خلطة من راسي حبه سمرا وكمون ويانسون وحلبه وعود قرفه وقرنفل مطحون وغليتهم وشربته وياويلي يالطعم يلوع الكبد بس وش اسوي ونمت نومه غير بعد تعب المشي وحمام دافي وصحيت الفجر ع الم خفيف ولااهتميت قلت زي طلوق بداية التاسع وصحيت بنوتاتي للمدرسه وجهزت شنطتي لاان العصر تنويم وتقهويت وروقت خخخخخخ ومنها توكلت على الله ورحت لهم المغرب ودخلوني لقسم الولاده والا اسمع الصريخ والبكاء وانا يمغصني بطني خفت وادعي ان الله يسهل عليهن واسمع صريخ الاطفال واقول يالله لاتحرمني من سماع صوت جنيني بساعة سهله وجاتني الدكتوره الساعه 9 بالليل فحصت قالت ماشاء الله لاقوة الا بالله الرحم فاتح 3 سانتي ماتحتاجين طلق يالله مارحمك والطفك فرحت حيل وقمت توضيت وصليت العشاء وجابوا لي عشاء وتعشيت ولافيه اي الم سوا مغص الفجر اللي من امس ونقلوني لقسم التنويم ونمت الحمدلله وصحوني 4 الفجر يالله قسم الولاده وطلعت معهم ولبسونا اللبس خخخخخ وفحصتني قالت 4 سانتي حمدت ربي الف مره رغم مافيه الم الا خفيف جدا كانت الساعه 6 الصبح دخلوني غرفة الولاده وحطوا جهاز التخطيط وسوت لي قسطره لان الجنين تقول راسه بعيد وقالت لاجات الدكتوره تفتح موية الراس حتى يحمى الطلق معاك وجاتني دكتوره مصريه عسل تفتح النفس وسلمت وسولفت رايقه الاخت قالت ممكن فحص قلت كلي تحت الامر خخخخ وفحصت قالت باقي 4 سانتي وكانت يدها مره خفيفه وفتحت موية الجنين كانت الساعه 8 وبعدها بربع ساعه جاك الموت ياتارك الصلاه الم لايطاق حامي ورا بعض ولافيه نفس قلت يالله تهونها وتجي وقالت بعطيك مسكن قلت الله يسكنك الجنه وصرت زي السكران اصحى بوقت الطلق وانام كل دقيقه وعلى هالحال الى الساعه 10 ونص قاست قالت 8 سانتي الحمدلله مابقى شي والساعه 11 ونص قالت 10 يلا كل ماحسيتي بمغص ادفعي واه ياذي الساعتين اشد واصعب مامرت علي ادفع مافاد تعبت قالت رأس الجنين فوق وبعيد ادفعي بنفس قوي ومن الساعه 11 ونص الى 1 وربع وهو مرحلة الدفع وبعد موت شفته طلع احلى كتكوت للدنيا الساعه 1 وربع ولله الحمد وكانت السستر تضحك لي من الفرحه وتصفق لانها تعبت معي وحبيب امه وسع الدنيا وشق الخياطه اللي قبل وخيطوني وكان وزنه 3 و700 ماشاء الله لاقوة الا بالله واكتشفت ان كان معي سكر حمل وربي ستر علي وعلى حبيبي والحمدلله قاست السكر بعد ولادتي وكان طبيعي ياربي لك الحمد واليوم لحبيب امه 18 يوم الله لايحرمني منه هو واخواته ويصلح لي ولكم وكانت ولادتي بتاريخ 5 / 4 الموافق 27 / 2 واتوقع اخر من ولدت انا بالتجمع خخخخخ

وكان المستشفى قمة بالرقي والسسترات والدكتورات والتعامل الحمدلله حتى ولدي معهم يجيبونه لي ساعات بس وياخذونه ويوم طلعت معي سستر تشيله الى باب السياره وتودعك بكل حب وابتسامه ع الوجه وهذا اكشن ولادتي ودعيت لكم ساعتها وللاخت زوجة السلطان اللي طلبتنا الدعاء وحتى على بشار مانسيته ههههههههه كثرت عليه دعاوي وسبحان الله بيوم وليله فتح الرحم رغم انهم حطوا احتمال مافيه امل الا بطلق صناعي لكن رحمة ربي قريبه ولله الحمد
ريماا عبدالعزيز
سوووسوو
يا عمري عليك
الله يكفيك شر من به شر و يغنيك ربي عنهم ويرزقك احسن منهم ياااارب
اقول سوسو
بنتي كثير تصيح
وخلال نومها تصحى و ماتنام نومه حلوه ابدااا
شككتيني ان ممكن لا سمح الله ممشوعه لان كثير يشيلوها ويلعبوها
طيب هل الطبيب لو مسكها يعرف؟؟

بدووري
هلا وغلا و مبرووووك ماجبتي
والله انا مثلك بعد ابي ارجع خصري واحسن من قبل يااااررب



تعووووبه
حبيبتي ايش اخبارك مع الجهاز اللي قلتي عنه؟؟
ايش اسمه وبكم؟؟
ريماا عبدالعزيز
مشاااااعر
ربي يحفظ لك ولدك وخواته ويقر عينك بصلاحهم يااااارب