صباح الليل
كيفكم وكيف المفااااعيص.؟
بسألكم دحين ولدي عمرو شهرين واشتريت رضاعه افنت اكبر من حقتو الصغيره بس مراا كبيره
اكبر من وجهو خخخخخ .، مافي نفس خاصية القاروره انها تخفف المغص بس شركه تانيه وتكون اصغر؟؟

رشة عووووود
كيفك ياقمر وكيف سرسر ؟
ماجربتي تروشيها بالليل !! انا الحل هذا يهجّد ولدددي :)

جمعه مباركه عالجميع

لين

صعبتي عليّ والله خخخخخ .. شدعوا حبوبه هالوسواس على بنتج !!
الظاهر انج جبتيها بعد انتظار !!
انا نفس حالتج تقريبا حملي كان عزيز وصعب مره
وبالنفاس كنت مثل حالتج وزياده .. اخاف عليه بشكل جنوني
وربي كنت حتى مااثق احطه عند امي حبيبتي .. كله اتخيل انه بيطيح او بيموت اسم الله عليه
وكنت دااااااااااايم صاحيه مثل المجنونه بالليل اراقبه يتنفس والا لا
بس ربي يجزاها كل خير خالتي حبيبتي .. ماشالله عليها قعدت لي قعده وهاتك يامحاضرات خخخخخ
بقول لك بعض الاشياء اللي اثرت فيني
تقولي : لما كان في بطنك في ظلمات ثلاث مين كان حافظه لك لين صار بين ايدينك !!
ماكان في بطنك واقرب لروحك منك ؟!؟ كنتي تقدرين تسقينه قطرة مويه ؟!؟
ماكنتي تقدرين تسوين له ولا شي غير انج تحملينه لكن رب العالمين اللي حافظه لج ومتكفل في اكله وحفظه
وسبحان الله صارت سالفة مرض ولدي عظه وعبره لي
كأن رب العالمين يقول لي لو ظليتي تراقبينه 24 ساعه ماراح تقدرين تمنعين شي ربي كتبه له
وفعلا ماقدرت امنع عنه المرض لكن توكلت على ربي وفوضت امري لله واحمد واشكره اللي حفظ لي ولدي
ومن بعدها دايم استودع ولدي الرحمن وبطلت سوالف الوسوسه لأن محد بيتعب غيري
وولدي ربي متكفل فيه لو كاتب له شي رب العالمين بيصير لو حطيت حوله 100 جندي يراعونه
وكلي امرج لله واستودعي بنتج الرحمن وماعليها شر ان شالله

ادري طولت عليج .. بس الكلام لج وللي توهم والدين حاسه فيكم

لي عوده والمشاركه بالموضوع .. بروح اروّش ولدي :)

بنات السؤال للجميع الاطفال مايبددون يتحسن نومهم من الشهر الثالث الي الرابع

تعبت احيانا احس اني شايله حمل فوق طاقتي

سلاإاإام مساء الخير بناإاإات
يشرفني انظم لكم
انا ولدت بتاريخ 7\10 جبت بنوته الله يحفظها لي ولابوها يارب
ممكن تسوون لي توقيع لعمرها
وكمان بسألكم عن نومهم بالعمر هذا متى يتعدل ؟